Últimas noticias
Asinamos Acordo de colaboración co Instituto de Estudos Europeos de Macau
Nese marco acábase de concretar a sinatura dun acordo de colaboración co Instituto de Estudos Europeos de Macau (China). A formalización dos acordos enfócanse á procura de sinerxías e complementariedades no traballo ordinario das organizacións.
O Instituto de Estudos Europeos de Macao foi creado o 23 de outubro de 1995 e comezou as súas actividades o 6 de febreiro de 1996. Forma parte da estratexia do Goberno que ten como obxectivo promover a internacionalización de Macao e a formación do persoal superior, tendo á vista do enlace con Europa.
A creación do IEEM foi posterior á cooperación existente coa Unión Europea acadada a través do acordo global (terceira xeración) con Macao, en 1992, e a través da creación do Centro de Documentación Europeo. Tamén forma parte da Web de Institutos e Centros Universitarios recoñecidos pola Unión Europea. A súa existencia fai fincapé no papel que xoga Macau como plataforma entre a cultura europea e a cultura chinesa.
O IEEM é unha organización privada dotada de personalidade xurídica, e na actualidade os seus socios son organizacións públicas: o S.A.R. Government of Macau, a Universidade de Macau, a Universidade Politécnica de Macau; Macau Foundation e o Macau Trade and Investment Promotion Institute.
Publicamos o Informe Nós no Mundo 22-23 ás portas da aprobación da Estratexia Galega de Acción Exterior 23-27
O anuario atende á relación da EGAEX 23.27 coa Unión Europea, a economía, a lusofonía (recentemente oficializouse o Observatorio da Lusofonía Paz Andrade Decreto 134/2023, de 28 de setembro), a diáspora ou a cooperación ao desenvolvemento. Ten por título nesta edición “Construíndo o futuro, activando a Lei de Acción Exterior” (Lei de Acción Exterior e Cooperación para o Desenvolvemento 10/2021, de 9 de marzo).
O Informe confórmase no seu núcleo por persoas investigadoras asociadas do IGADI, acompañadas de colaboracións institucionais e da sociedade civil. Desta maneira, como cada edición desde hai catorce anos, o Informe aposta pola pluralidade de espazos, o que enriquece a visión panorámica que sempre aspiramos a construír arredor dun ecosistema internacional de Galicia cooperativo. A primeira edición deste informe anual comeza co Nós No Mundo 2009-2010.
Podes decarregar nesta ligazón o Informe 2022-2023 e neste espazo coñecer o conxunto dos anuarios. O Informe Nós No Mundo conta coa colaboración da Secretaría xeral de política linguística.
Casa Asia e o IGADI asinan un Protocolo Xeral de Actuación para estimular os asuntos asiáticos en Galicia no período 2023-2026
No marco desta relación, o pasado 4 de outubro Javier Parrondo (Director de Casa Asia) e Daniel Gonzalez Palau (Director do IGADI), asinaron en Barcelona un Protocolo Xeral de Actuación. Entre os seus obxectivos destacan a consolidación do Observatorio da Política China, a participación de iniciativas no marco da política de acción exterior de Galicia, ou a promoción de vínculos académicos e socioculturais entre Iberoamérica e Asia.
O Protocolo establece que de maneira anual contarase cun Plan conxunto de actividades. Nesta anualidade apóianse actividades do IGADI coa Universidade da Coruña e coa Universidade de Vigo. Ademais presentarase en Madrid o libro Chibérica, coordenado por Xulio Ríos e Jorge Tavares.
Actividades 2023
10 de novembro, Xornadas “Ferrol no mundo: Iberoamérica e o dialogo Oriente-Occidente”
13 de novembro, Conferencia Catedra Jean Monnet da Universidade de Vigo “Tribuna europea: Relaciónelas Unión Europea-China”
- Hora e lugar de realización: 11:30h, Aula 15 da Facultade de Dirección e Xestión Pública, Campus de Pontevedra da Universidade de Vigo.
- Presenta: Celso Cancela, Profesor de Ciencia Política da Universidade de Vigo e Director da Revista do IGADI Tempo Exterior.
- Intervén: Raquel Isamara León de la Rosa, Directora do Observatorio de la Política China-IGADI, Benemérita Universidad Autónoma de Puebla, México.
13 de novembro, Conferencia “Feminismos en China” 20h, Casa dás Campas
- Hora e lugar de realización: 20h, Casa dás Campás (Sede Universidade de Vigo en Pontevedra).
- Presenta: Marola Padín Novas, Vicedirectora IGADI
- Intervén: Raquel Isamara León de la Rosa, Directora do Observatorio da Política Chinesa-IGADI, Benemérita Universidade Autónoma de Poboa, México.
16 de novembro, Presentación do libro “Chibérica” Con Xulio Ríos (Fundador e Presidente de Honra do IGADI) e Jorge Tavares Da Silva (Consello Científico do Tempo Exterior)
- Hora e lugar de realización: 19h, Centro Casa Asia-Madrid (Calle Mayor, 69 Madrid)
As Xornadas “Ferrol no mundo: Iberoamérica e o diálogo Oriente-Occidente” celébranse o 10 de novembro
As Xornadas, concibidas no marco do Convenio asinado a finais do 2022 entre a Universidade da Coruña e o IGADI para apoiar a internacionalización da UDC, prodúcense despois da realización do Informe elaborado polo IGADI “Conectar o Campus Industrial de Ferrol a Asia e a China”.
O informe identificou unha diagnose e unha folla de ruta para conectar o CIF á Asia e China de maneira especializada no próximo trienio, na ollada longa das próximas décadas. O obxectivo da folla de ruta céntrase na promoción de maiores intercambios académicos e estudantís, que podan ser tractores de mellores relacións económicas e socioculturais entre Galicia e China poñendo Ferrol no centro.
As Xornadas contan coa colaboración do Concello de Ferrol, que abrirá as Xornadas ás 10h coa participación do Alcalde, José Manuel Rey Varela. O Director de Casa Asia, Javier Parrondo, clausurará o evento ás 14h.
Todas aquelas persoas interesadas en asistir ás xornadas “Ferrol no mundo do Século XXI: Iberoamérica e o diálogo Oriente-Occidente” terán que inscribirse enviando un correo electrónico cos seus datos persoais a internacionalizacion.campus.industrial@udc.gal, ou ben chamando ao 881 01 3694 antes das 14:00 horas do xoves 9 de novembro. A asistencia é gratuíta e as prazas limitadas
Ferrol no mundo: Iberoamérica e o diálogo Oriente-Occidente
(Salón de Graos da Facultade de Humanidades do Campus de Ferrol)
10:00 Sesión de apertura
- Presenta: Tino Santiago, xornalista
- Vicerreitora de Internacionalización e Cooperación, Pilar García de la Torre
- José Manuel Rey Varela, Alcalde de Ferrol
- Ana Isabel Ares Pernas, Directora do Campus Industrial de Ferrol
- Manuela del Pilar Santos Pita, Decana da Facultade de Humanidades e Documentación
- Daniel González Palau, Director do IGADI
10:30 2ª Sesión: O diálogo iberoamericano con China
- Presenta e modera: Llerena Perozo, Escritora e investigadora asociada do IGADI
- Raquel Isamara León de la Rosa, Directora do Observatorio da Política China-IGADI, Benemérita Universidad Autónoma de Puebla, México
- Miguel Otero, Investigador principal do Real Instituto Elcano e profesor do IE School of Politics, Economics and Global Affairs
12:00-12:30 Café
12:30 3ª Sesión: As universidades na Axenda 2030: Alianzas para o coñecemento, a paz e a prosperidade. O Campus Industrial de Ferrol nas relacións universitarias España-China.
- Presenta e modera: Félix Puime, Coordinador do Grao en Relacións Internacionais (Campus Industrial de Ferrol)
- Pan Zhen, Universidade Tecnolóxica de Guandong, Director da Academia de Gobernanza Global e Estudos de Área. (Online desde Guandong)
- Ramón Pedro Artiaga Díaz, Universidade da Coruña, Grupo PROTERM Campus Industrial de Ferrol. (Online desde Nanjing)
- Luo Huiling, Profesora Universidade Complutense de Madrid, Grupo de Investigación Sinoloxía Española Complutense (GISEC, UCM)
- Andrés Herrera-Feligreras, Presidente Fundación Qili Fundazioa
- Daniel González Palau, Director do IGADI
14h Clausura
- Javier Parrondo, Director de Casa Asia
- Marola Padín Novas, Vicedirectora do IGADI
Análise e actualidade
Liñas de investigación 7152
Apartados xeográficos 7152
- ARQUIVO 4322
- China e o mundo chinés 1855
- Latinoamérica 1044
- Europa 841
- Outros 698
- Oriente Medio 552
- Estados Unidos 435
- Asia 361
- Acción exterior de Galicia 352
- África 309
- Rusia 215
- Balcáns 164
- Península Coreana 118
- Nacionalismos 100
- Cooperación ao desenvolvemento 33
A información sobre a realidade nacional e internacional na túa caixa de correo
A newsletter do IGADI infórmate de todas as novos contidos na nosa web
Acordo de Samoa
O impacto electoral do voto exterior
Os aspectos económicos da Lei de Acción Exterior de Galicia e a construción da Estratexia Galega de Acción Exterior (EGAEX) 2023-2027
O segundo ano de guerra non traerá vitoria a ninguén, aínda que Rusia está a levar máis fracasos
Inteligencia Artificial y especie humana
Rede IGADI
Morán, Manuel
Pazos Vidal, Serafín
Cordal Rodríguez, Constantino
Ruiz Seisdedos, Susana
