Presencia-Opinión / Outros

Novos mercados a gañar Por Ângelo Gonçalves Vicente (ECO, marzo/2006)

Poñamos aínda algún exemplo máis, só algún, do que Galicia está a perder por non considerar unha estratexia de aproximación a este universo: o audiovisual galego perdeuse o Imargens, festival lusófono de cinema que tivo lugar en Cabo Verde no pasado mes de decembro; os empresarios galegos probabelmente se perderán un interesante encontro entre empresarios chineses e empresarios de toda a Lusofonía que terá lugar en Lisboa nos próximos 10 e 11 de abril; a selección galega de fútbol e outras que poderían ser creadas probabelmente se perderán os primeiros Jogos da Lusofonía, que decorrerán en Macau no próximo mes de agosto e que incluirán: Atletismo, Baloncesto, Tenis de mesa, Voleibol de praia, Taekwondo, Fútbol Sala e Fútbol. Tendo en conta que este último deporte contará tamén con seleccións de Brasil, Portugal e Angola, países de primeiro nivel mundial.   A diversificación dos nosos mercados exteriores é unha cuestión estratéxica esencial para a economía galega, tanto máis canto as taxas de crecemento do mercado europeo presenta síntomas de estancamento dende hai anos. Nesa perspectiva, non deberiamos descoidar a atención a eses escenarios xeográficos nos que a facilidade lingüística, como facemos con aquela parte do mundo que se expresa en lingua castelá, pode axudarnos a penetrar máis doadamente. É esta facilidade de entendemento lingüístico, esencialmente, a que aproxima e abre a Galicia un mundo de posibilidades nos territorios de lingua portuguesa. Poñamos cifras na mesa. A Lusofonía representa máis de 222 millóns de persoas no mundo e manexa aproximadamente a 50ª parte do PIB mundial. O PIB lusófono creceu, atendendo aos datos do Banco Mundial, a un ritmo medio de 4% entre 2000 e 2004, con Mozambique e Angola como puntas de lanza, con crecementos medios de 7,36% e 7,03% respectivamente durante ese período. Constitúe, pois, un mercado considerábel con perspectivas de crecemento notábeis que chegan mesmo a ser espectaculares: segundo publicaba o xornal portugués Público o pasado 9 de febreiro na súa versión electrónica, espérase que o crecemento de Angola durante o 2006 se sitúe arredor do 20%! Na Lusofonía está Brasil, economía emerxente con espectacular potencial que, entre outras cousas, podería vir a ser o principal produtor mundial de bio-combustíbeis, substitutos limpos e renovábeis do petróleo, segundo ten aseverado o propio presidente Lula. Na Lusofonía está Angola, segundo maior produtor de petróleo da África Subsahariana. Na Lusofonía está Macau, porta de entrada para a China, nin máis nin menos. Na Lusofonía está Mozambique, país co maior crecemento mundial do turismo no ano 2005 segundo a Organización Mundial do Turismo, tendo ultrapasado o número de visitantes do 2004 en 37%. A Lusofonía é costa, quilómetros e quilómetros de costa para os nosos mariñeiros e armadores. “Da minha lingua vê-se o mar” dicía o escritor portugués Vergílio Ferreira. A Lusofonía é necesidade de edificios, de estradas, de universidades, de tecnoloxía, de coñecementos técnicos do máis diverso tipo... para os nosos empresarios e profesionais especializados. A Lusofonía é tamén necesidade básica, de comida, de bebida, de medicina... para a nosa cooperación ao desenvolvemento. A Lusofonía é actividade cultural intensa e heteroxénea coa que nos enriquecer, e tamén mercado cultural para os nosos artistas: escritores, músicos, pintores... A Lusofonía é paraíso para o lecer e para o noso descanso: as praias caboverdianas, en permanente verán, con temperaturas ambientais entre 20ºC e 25ºC e temperaturas da auga entre os 21ºC e os 25ºC durante todo o ano; o Centro Histórico de Macau, declarado Patrimonio da Humanidade pola UNESCO en 2005; o espectacular carnaval brasileiro... Poñamos aínda algún exemplo máis, só algún, do que Galicia está a perder por non considerar unha estratexia de aproximación a este universo: o audiovisual galego perdeuse o Imargens, festival lusófono de cinema que tivo lugar en Cabo Verde no pasado mes de decembro; os empresarios galegos probabelmente se perderán un interesante encontro entre empresarios chineses e empresarios de toda a Lusofonía que terá lugar en Lisboa nos próximos 10 e 11 de abril; a selección galega de fútbol e outras que poderían ser creadas probabelmente se perderán os primeiros Jogos da Lusofonía, que decorrerán en Macau no próximo mes de agosto e que incluirán: Atletismo, Baloncesto, Tenis de mesa, Voleibol de praia, Taekwondo, Fútbol Sala e Fútbol. Tendo en conta que este último deporte contará tamén con seleccións de Brasil, Portugal e Angola, países de primeiro nivel mundial. Galicia ten, en fin, practicamente as mesmas posibilidades de aproveitamento da Lusofonía que pode ter calquera país lusófono. Con dúas vantaxes que a fan única na Lusofonía e que lle poderían abrir, quizá, máis portas que aos demais países: Galicia é un país desenvolvido e Galicia non foi a metrópole imperial da Lusofonía. País Superficie Poboación PIB PIB % PIB Taxa IdH   (km2) total (millóns dólares) per cápita (dólares) mundial crece mento 2004 (1) Angola 1.246.700,0 13.500.000 13.189 976,96 0,0400 10,0% 0,445 Brasil 8.547.400,0 176.600.000 492.338 2.787,87 1,3500 5,3% 0,792 Cabo Verde 4.033,0 446.000 797 1.787,00 0,0020 5,3% 0,721 Guiné Bissau 36.120,0 1.500.000 239 159,33 0,0010 -1,2% 0,348 Macau(2) 27,5 465.000 10.358 22.275,00 0,0300 28,6% 0,904 Moçambique 801.590,0 18.800.000 4.321 229,84 0,0100 8,4% 0,379 Portugal 91.980,0 10.400.000 147.899 14.221,06 0,4000 1,4% 0,904 São Tomé e Príncipe 1.001,0 187.410 59 314,82 0,0002 4,5% 0,604 Timor-Leste 15.007,0 953.000 341 357,82 0,0010 -3,1% 0,513 Totais 10.743.858,5 222.851.410 669.541   1,8342     Fonte: Institut de Relations Internacionales et Stratégiques (IRIS): L'Anne Stratégique 2006, Éditions Dalloz, Paris, 2005. Os casos en que foron usadas outras fontes aparecen relacionados nas notas (1) e (2). (1) Os datos relativos ao IDH foron extraídos do sitio web Human Development Reports (última visita: 13/01/2006), excepto no caso do IdH de Macau. (2) Os datos relativos a Macau foron extraídos do sitio web da Direcção dos Serviços de Estadística e Censos de Macau (última visita: 13/01/2006). Nalgún caso (PIB, PIB per cápita, Porcentaxe do PIB mundial), a fin de facer equiparables os datos de Macau cos dos demais países foi necesario realizar cálculos propios a partir dos fornecidos no sitio web.

Ângelo Gonçalves Vicente, coordinador do Observatorio Galego da Lusofonía e analista do Igadi.

Instituto Galego de Análise e Documentación Internacional www.igadi.org ÚLTIMA REVISIÓN: 18/02/2006 Fernando Pol