Presenza-Opinión / Oriente Medio

Irán pisa forte Por Xosé Luís Franco Grande (La Voz de Galicia, 09/10/2006)

Se agora algo está claro no Oriente Medio é que Irán emerxe moi forte entre os demais países desta área tan conflitiva. Deposto Sadam Husein pola intervención de EEUU, non hai dúbida que Irán recibiu da torpeza política destes o mellor galano que podería agardar. (Foto: Mahmoud Ahmadinejad, presidente de Irán).   Se agora algo está claro no Oriente Medio é que Irán emerxe moi forte entre os demais países desta área tan conflitiva. Deposto Sadam Husein pola intervención de EEUU, non hai dúbida que Irán recibiu da torpeza política destes o mellor galano que podería agardar. E algúns outros máis. A política que aqueles levan a prol de Israel e contra os palestinos conseguiu en moitas partes do Oriente Medio que Irán achegase a xiís e sunnitas coa finalidade de opoñerse aos EEUU e, ao mesmo tempo, reafirmar a independencia do país, ou sexa, seguindo a mesma liña que xa iniciara Jomeini. E por se todo o anterior non fose abondo cómpre subliñar aínda que Irán, hoxe, e por consecuencia da alza do prezo do petróleo, ten moi grandes dispoñibilidades económicas. Todo o que, sen dúbida, vai axudar a avivecer en diante o islamismo fundamentalista en toda a área xerando o ascenso sostido e sen vagar de Irán en toda ela á par que veremos ir minguando a influencia americana. Fanáticos si que son os iranios, pero políticos tamén.

Xosé Luís Franco Grande é escritor.

Instituto Galego de Análise e Documentación Internacional www.igadi.org ÚLTIMA REVISIÓN: 14/10/2006 Fernando Pol

Subscríbete á lista de correo do Igadi e recibe notificación das novas informacións, artigos, documentos, convenios, publicacións, etc, que ofrece o Igadi na súa páxina web Igadi na Rede. Para comprender o Mundo desde aquí ... ... para proxectar a Galicia no contexto internacional.     Apúntate en: http://www.elistas.net/lista/igadi/alta