Presenza-Opinión / Europa

A OTAN Viaxa Por Xosé Luís Franco Grande (La Voz de Galicia, 19/03/2007)

Unha cousa é que non haxa unha política europea –Mr Pesc (na foto) esfórzase para que non a haxa– e outra que nos prestemos a facerlle aos EEUU o noxento traballo que estamos facendo en Afganistán, emporcándonos alí á par que en parte os liberamos a eles da responsabilidade nas masacres diarias naquel país.   Ao día de hoxe, pode que a OTAN se converta no peor símbolo de Europa e do chamado mundo occidental. Non sei se procedía disolvela ou non, unha vez desaparecida a Unión Soviética. Pero si sei que, hoxe, actuando en Afganistán, fóra dos seus lindes propios e ao servizo da política de Bush, é unha causa máis de terrorismo. Unha cousa é que non haxa unha política europea –Mr Pesc esfórzase para que non a haxa– e outra que nos prestemos a facerlle aos EEUU o noxento traballo que estamos facendo en Afganistán, emporcándonos alí á par que en parte os liberamos a eles da responsabilidade nas masacres diarias naquel país. Nada máis lóxico que o terrorismo creza e que Europa sexa un dos seus obxectivos prioritarios. Porque unha cousa é que esa guerra estea autorizada pola ONU e outra que unha organización militar occidental, de carácter disuasivo, interveña nunha loita ofensiva ás ordes dos EEUU, en vez de facelo cada país se así lle parecese. Pero ese sometemento á política imperial só nos traerá problemas e ningún ben.

Xosé Luís Franco Grande é escritor.

Instituto Galego de Análise e Documentación Internacional www.igadi.org ÚLTIMA REVISIÓN: 25/03/2007 Fernando Pol

Subscríbete á lista de correo do Igadi e recibe notificación das novas informacións, artigos, documentos, convenios, publicacións, etc, que ofrece o Igadi na súa páxina web Igadi na Rede. Para comprender o Mundo desde aquí ... ... para proxectar a Galicia no contexto internacional.     Apúntate en: http://www.elistas.net/lista/igadi/alta