Presenza-Opinión / Oriente Medio
|
||||||||
Medias tintas Xulio Ríos (Xornal de Galicia, 11/01/2009) |
||||||||
A guerra de Gaza foi provocada por Israel, diríase mesmo que de forma totalmente premeditada. Sabido isto, cabe imaxinar que a estratexia hebrea vai moito máis alá da destrución e extirpación de Hamás, movemento auspiciado no seu día, non o esquezamos, por Tel Aviv para debilitar a Al Fatah. Hamas son os seus talibáns. Mesmo máis alá tamén dos intereses electorais internos, unha clave non por desprezable menos valiosa. Paradoxalmente, a ofensiva prodúcese cando no interior de Hamas afirmábanse voces (tan significativas como a de Khaled Meshaal, xefe do Buró Político, desde Damasco) partidarias de aceptar un Estado palestino dentro das fronteiras de 1967, amosando signos de moderación que semellan non ser do agrado de Israel, sempre máis proclive ao uso desa forza exhibidora de dominio e insegura cando se trata de flexibilizar escenarios que garantan equilibrios e proporcionen seguridades aos diversos actores en conflito. A paz sempre foi máis complexa ca guerra. Cos seus ataques sobre os palestinos de Gaza, Israel logra rebentar totalmente o moribundo proceso de paz. A nova Administración estadounidense deberá partir de cero e cunha mensaxe sobre a mesa: a Israel soamente interésalle unha paz que afirme a súa superioridade. |
||||||||
|
||||||||
|
||||||||
Instituto Galego de Análise e Documentación Internacional www.igadi.org ÚLTIMA REVISIÓN: 08/01/2009 |
||||||||
|