Presenza-Opinión   / Outros
|
||||||||
| Responsabilidade política Xosé Luís Franco Grande (A Nosa Terra, 29/07/2010) |
||||||||
|
|
||||||||
Nas nosas democracias é xa unha preocupación moi seria a da responsabilidade dos políticos (por exemplo, Bastien François, Le Monde, 24 de xullo), que vai á par da perda de confianza nestes, cada vez máis afastados da sociedade, polo que esta se afasta tamén dos políticos e das urnas. Non se trata de accións penais –non falamos de perseguir delitos, nin de ningunha falta nin de ningunha culpabilidade. Trátase da responsabilidade en que pode incorrer o mandatario, o político, se non cumpre coa encomenda que lle conferiron os seus representados. A solución é tan vella como a democracia: revogación do mandato conferido ao representante. Pero é visto que se trata dunha solución a moi longo prazo, en termos xerais. Producida a perda de confianza no mandatario, debera darse a posibilidade dunha inmediata revogación, ou medida semellante. Unha solución posible pode vir polo camiño do exercicio da democracia directa –en Suíza, por exemplo o exercicio da democracia directa, tal como o entenden os suízos, podería axudarnos a dar coa vía axeitada-; ou pola modificación legal do sistema de responsabilidade civil esixido aos políticos, cousa pouco probable. Nada hai menos funcional e máis entorpecedor nas democracias que o reiterado incumprimento do mandato político. Porque non só produce desafección nos mandantes, senón tamén porque nos leva á desconfianza e ao deterioro das institucións. Ningunha democracia pode manterse na desconfianza e no deterioro das institucións. A solución non é fácil; pero é moi urxente. |
||||||||
Xosé Luís Franco Grande é escritor. |
||||||||
|
|
||||||||
|
 Instituto Galego de Análise e Documentación Internacional www.igadi.org ÚLTIMA REVISIÓN: 29/07/2010
|
||||||||
|
||||||||
