Macau, enclave portugués en China entre 1557 e 1999, constitúe un laboratorio excepcional de diálogo intercultural. A súa historia, marcada pola interacción profunda entre as tradicións chinesa e portuguesa, a influencia xesuíta, os cambios socioeconómicos e a súa riqueza e variedade cultural, ofrece un marco incomparable para experimentar con metodoloxías pedagóxicas que integren lingua e cultura.
No artigo presento tres actividades baseadas no drama que vinculan directamente este legado histórico coa enseñanza do idioma:
- Recreación histórica: O alumnado revive a creación do primeiro dicionario portugués-chinés elaborado por Matteo Ricci e Michele Ruggieri no século XVI, descubrindo a importancia da romanización como ferramenta pioneira. E coñece ao xesuíta español Diego de Pantoja, un dos pioneiros das relacións entre España e China.
- Soundpainting: Explóranse dez sitios patrimoniais de Macau a través da expresión artística, conectando sons, imaxes e palabras para interiorizar vocabulario e estruturas lingüísticas.
- Xogo de roles no Casino Lisboa: O alumnado investiga un suposto roubo no devandito casino, aplicando estruturas gramaticais chinesas nun contexto de observación, comunicación e colaboración.
Estas propostas non só enriquece a adquisición do idioma chinés, senón que tamén permiten comprender a identidade híbrida de Macau como modelo de resiliencia cultural. Ademais, as actividades son doado adaptables a outras linguas —inglés, portugués, español, francés, italiano—, o que abre un horizonte pedagóxico de gran alcance.
Con esta investigación busco demostrar que a aprendizaxe dunha lingua non pode desligarse da historia e da cultura que a soster. A pedagoxía teatral, aplicada ao caso de Macau, convértese nunha ferramenta poderosa para cultivar tanto a competencia lingüística como a sensibilidade intercultural.
Pódese consultar a versión orixinal do artigo en inglés: Corderi Novoa, M. (2025). Performing Macao. Beyond the Script: Unlocking Language and Culture Through Drama Education. Invisibilidades – Revista Ibero-Americana de Pesquisa em Educação, Cultura e Artes, (21), 47 – 70. https://www.apecv.pt/revista/invisibilidades/21/21.3.pdf
