IGADI ANAGRAMA

IGADI,

O Instituto Galego de Análise e Documentación Internacional (IGADI) é un think tank independente e unha asociación de estudos internacionais que nace en 1991 cun dobre propósito fundacional: reflexionar sobre os problemas e tendencias da sociedade internacional contemporánea e pular por unha maior inserción de Galicia no mundo a todos os niveis.

Somos unha comunidade de coñecemento plural, que desde Galicia e con conexións nos 5 continentes, impulsa a reflexión sobre as relacións do local co global e o mundo no que vivimos. Nos nosos 32 anos de historia fixemos algunha cousa…


Artigos de IGADI,

Khader en Compostela

Galicia-Palestina: Unha irmandade incesante

O martes 25 de xuño Bichara Khader visitou Santiago de Compostela. A actividade enmarcouse no Irmandamento do ano 2002 entre Santiago de Compostela e Belén (Palestina-Cisxordania) e o lanzamento da publicación “Palestina: A traxedia permanente (1948-2024). Unha chamada para espertar Europa” que o Instituto Galego de Análise e Documentación Internacional (IGADI) publicou en galego o 17 de maio, Día das Letras 2024 adicado a Luisa Villalta. Para a organización das actividades contamos coa colaboración da Fundación Araguaney e a Universidade de Santiago de Compostela (Grupo Ante). Reproducimos o Prólogo do Libro, recén traducido e publicado polo IGADI.