Lista Rede IGADI
Vinculacións Investigadorxs Asociadxs
~ Xornalista galega nacida en Bos Aires. Licenciada en Ciencias da Información na Universidade de Santiago de Compostela (USC). Especializada en Comunicación Institucional e de Crise. Realizou cursos posgrao en Comunicación e Xénero na Universidade de Bos Aires (UBA). Traballou no Gabinete de Comunicación do Presidente da Xunta de Galicia, na Dirección Xeral de Cooperación ao Desenvolvemento, na Secretaría de Relacións Exteriores e coa UE do Goberno galego e integrou o equipo que puxo en marcha a primeira Delegación da Administración galega no exterior, onde dirixu o Gabinete de Comunicación. Colaboradora desde Arxentina para o xornal La Voz de Galicia, a Axencia EFE e o programa “Lambóns de Viaxe” da Radio Galega. Asistiu á Xunta directiva do Centro Galicia de Buenos Aires. Desempeñouse na Oficina de Comunicación da Embaixada de España en Buenos Aires e actualmente forma parte do equipo da Agregaduría de Defensa de España en Arxentina, Uruguai e Paraguai.
Artigos de Sabajanes, Paula
Especial Novas Cidadanías: Votar e moito máis (V) Entrevista a Darío Signiorini, Presidente do Cómites e da Federación de entidades Italianas de Buenos Aires
Apartados xeográficos Foreign action of Galicia
A diáspora italiana ten 8 deputados e 4 senadores no Parlamento para representar os intereses de máis de 5 millóns de cidadáns da circunscrición exterior
Especial Novas Cidadanías: Votar e moito máis (IV) Arturo Lezcano reivindica o dereito dos galegos de América a que se recoñeza a súa historia e o seu protagonismo na construción da Galicia presente e futura
Apartados xeográficos Foreign action of Galicia
Fixemos esta entrevista co xornalista Arturo Lezcano uns días antes de que os representantes de dous partidos políticos españois cuestionasen os dereitos dos cidadáns no exterior. Levamos tempo traballando nesta idea de procurar e pensar as novas cidadanías que se abren a partir da obtención da nacionalidade para descendentes de emigrados ou exiliados. Non xa como o proxecto utópico deses que tiveron que marchar da súa terra para seguir soñando e poder sobrevivir, senón como unha realidade chea de posibilidades de futuro en todos os ámbitos.
Especial Novas Cidadanías: Votar e moito máis (III) “Temos que facer militancia artística, rexeitar as dicotomías. Que ninguén nos diga que se somos unha cousa non podemos ser outra”
Apartados xeográficos Foreign action of Galicia
Para pensar as novas cidadanías desde outras cosmovisións achegámonos ás artes. Entrevistamos a Alejandro Iglesias Rossi que é músico, investigador, compositor, educador, creador e director da Orquestra de Instrumentos Autóctonos e Novas Tecnoloxías da Universidade de Tres de Febreiro (Arxentina). Formouse nos conservatorios de Boston e París. Foi dúas veces premiado pola UNESCO. Tamén é membro fundador da Rede de Investigación e Creación Musical de América, presidente do Consello Arxentino da Música e vicepresidente do Consello da Música das Tres Américas do Consello Internacional da Música da UNESCO. De orixes galegas, este arxentino traballa incansablemente a favor da cultura musical americana e reivindica a descolonización do pensamento cultural e identitario. Na carreira de Música desa universidade das aforas de Buenos Aires teñen construído os instrumentos representados no pórtico da Gloria para interpretar as cantigas medievais de Martín Códax.
Especial Novas Cidadanías: Votar e moito máis (II) Entrevista ao eurodeputado galego Nicolás González Casares “Este proceso vai conceder novos dereitos a centos de miles de persoas, vai fortalecer lazos, pero tamén ten unhas obrigas”
Apartados xeográficos Foreign action of Galicia
Liñas de investigación Diáspora Observatory
O Censo de cidadáns no exterior medra a ritmo acelerado e alimenta o optimismo demográfico que trae luz tras anos de tendencias negativas. Son un potencial inexplorado e falta definir o alcance destas novas cidadanías no ecosistema político e social dun país que traballa para consolidar a súa presenza estratéxica no contexto internacional.
Especial Novas Cidadanías: Votar e moito máis (I) Entrevista a Ana Miranda "Buenos Aires é a cidade con máis galegos. Sería de interese crear unha comisión no Parlamento para saber se os sistemas de representación que existen son os máis axeitados"
Apartados xeográficos Foreign action of Galicia
Liñas de investigación Diáspora Observatory
Galicia medra e muda. Comezamos o ano mirando o nacemento das “novas cidadanías”. O Instituto Nacional de Estatística (INE) vén de publicar os datos de poboación que revelan que a composición e o tamaño da nosa xente no mundo é maior e máis diverso. Hai cada día menos galegos emigrados e máis dos que mesmo nin pisaron a terra. A Galicia Universal redefine o seu perfil e queremos pensar como van inserirse os emigrados, os inmigrados, os novos galegos nacidos fóra na sociedade, na lingua, na economía, na idea de país e nas institucións para exercer os seus dereitos como cidadáns plenos.
Ano Castelao: Buenos Aires, quilómetro cero
Apartados xeográficos Foreign action of Galicia
Exercicio de memoria colectiva e oportunidade de concretar a Galicia Ideal con máis dereitos e representación para os cidadáns de ultramar. Un mapa, un espello e un proxecto de nós. O Ano Castelao é, probablemente, un dos exercicios de memoria colectiva máis estimulantes que se nos teña presentado nos últimos tempos. É tamén un desafío […]
Especial Ano Castelao (XXIII) José María Vila Alén propón un plan director do patrimonio cultural das sociedades galegas na diáspora e incorporar a historia da emigración nos contidos educativos
Apartados xeográficos Foreign action of Galicia
O presidente do Centro Galicia de Buenos Aires, José María Vila Alén, fai balance do Ano Castelao e destaca que se ten acadado un recoñecemento “definitivo” da figura do rianxeiro como precursor dunha Galicia Autonómica e como pensador dunha cartografía para “non perderse”.
Especial Ano Castelao (XXII) ABC de Corcubión reclama a inclusión da asignatura “Historia da emigración galega” nos centros de ensino para que as novas xeracións coñezan a xesta patriótica dos galegos do exterior
Apartados xeográficos Foreign action of Galicia
O presidente da Asociación Benéfica e Cultural de Corcubión, Carlos Ameijeiras Miñones, vén de reiterar o seu pedido de que se inclúa na currícula educativa galega unha asignatura específica sobre a “historia da emigración” para que as mozas e os mozos de Galicia coñezan a xesta patriótica dos exiliados e dos emigrantes galegos. Fíxoo no marco desta entrevista sobre a iniciativa para reivindicar a Alfonso Daniel Rodríguez Castelao como primeiro presidente de Galicia e na que destaca o papel das entidades de emigrantes de Arxentina e Uruguai no apoio ao rianxeiro e á causa galeguista para restituír un goberno democrático.
Especial Ano Castelao (XXI) “Castelao é a figura que se asocia coa unidade e que contaxia galeguidade sen discusión”, asegura Diego Oliver de Xeito Novo
Apartados xeográficos Foreign action of Galicia
Xeito Novo foi o primeiro grupo de música folk de Arxentina e a súa actividade de difusión da cultura galega móvese na sociedade máis alá das fronteiras da colectividade. A Fundación naceu en 1984 para dar a coñecer cantos, bailes, ritmos, instrumentos, formas interpretativas e vestiarios tradicionais galegos recollidos nas súas propias investigacións. Así mesmo, apostan pola fusión e a innovación nos formatos musicais que interpretan no circuito musical arxentino. Entrevistamos a Diego Oliver, integrante da agrupación, para coñecer como están a vivir o Ano Castelao.
Especial Ano Castelao (XX) “Aínda que non é a Galicia ideal, creo que Castelao estaría contento de ver como a Galicia Universal medra”, afirma Bernardo Rey, presidente do Fogar Galego para anciáns de Domselaar
Apartados xeográficos Foreign action of Galicia
Cando o Ano Castelao se asoma á meta logo de relatorios, actividades, reivindicacións e homenaxes, estes días vén de anunciarse que a obra pictórica máis icónica do rianxeiro “A derradeira leición do mestre”, que ilustra a barbarie fascista que asasinou a Alexandre Bóveda, exporase no verán do norte en Pontevedra. Segundo a Directora do Museo de Pontaevedra, Ángeles Tilve, trátase dunha colaboración institucional entre a Deputación de Pontevedra e o Centro Galicia de Buenos Aires “que suma” para abrir unha vía de cooperación que en beneficio de todos os galegos e que servirá para difundir a obra e o seu contexto da creación, que denuncia e homenaxe a Bóveda cando rematan os 12 meses dedicados á figura de Castelao e se cumpren 80 anos do golpe de Estado do 36.