Oriente Medio : Apartado xeográfico

O sábado sete de outubro do 2023 [22 Tishrei, 5784 e yawm as-sabt, 22, Rabi’ al-Awwal, 1445 nos calendarios xudeos e islámico respectivamente] é unha data, outra máis, que quedará grabada a sangue, lume e chumbo nas páxinas máis tristeiras do Oriente Medio. Esa xornada, as Brigadas Ezzedin al Qassam, a milicia do Hamas, executou un ataque a gran escala contra diversos obxetivos que deuxou un ronsel de centenares de víctimas tanto militares coma civís.

Hai un mundo que asiste indignado e á vez impotente ante a reiteración das masacres do exército de Israel contra a poboación civil palestina asasinando miles de nenos e nenas e bombardeando sen piedade dende hospitais a campos refuxiados. E hai outro mundo gobernamental cómplice inmutable desas accións. O Sur Global é quen sustenta a denuncia do abandono dos palestinos á súa sorte sen importar o custe en vidas humanas que reviste xa a condición de limpeza étnica e ata xenocidio, tal e como denunciou Nacións Unidas.