Observatorio de las Diásporas : Liña de investigación

Cando o Ano Castelao se asoma á meta logo de relatorios, actividades, reivindicacións e homenaxes, estes días vén de anunciarse que a obra pictórica máis icónica do rianxeiro “A derradeira leición do mestre”, que ilustra a barbarie fascista que asasinou a Alexandre Bóveda, exporase no verán do norte en Pontevedra. Segundo a Directora do Museo de Pontaevedra, Ángeles Tilve, trátase dunha colaboración institucional entre a Deputación de Pontevedra e o Centro Galicia de Buenos Aires “que suma” para abrir unha vía de cooperación que en beneficio de todos os galegos e que servirá para difundir a obra e o seu contexto da creación, que denuncia e homenaxe a Bóveda cando rematan os 12 meses dedicados á figura de Castelao e se cumpren 80 anos do golpe de Estado do 36.

María Fernanda Lores é responsable territorial do BNG en Arxentina, membro da comisión directiva da Federación de Asociacións Galegas da República Arxentina e filla do histórico dirixente da colectividade Francisco “Paco” Lores. O seu apelido está vencellado á esquerda galega do país austral e tamén participa en diversas asociacións locais en defensa dos dereitos humanos e de xénero. É cantareira, integrante fundadora de Galegas na Diáspora e impulsora de proxectos a prol da cultura galega e o recoñecemento dos dereitos dos cidadáns no exterior.

En Arxentina teñen representación a maioría dos partidos políticos españois e galegos. A súa actuación é fundamental para defender os dereitos de miles de cidadáns que viven no país austral, cada vez máis, con pasaporte arxentino e español. O último censo de residentes ausentes contabilizou para Galicia unhas 500.000 persoas con dereito ao voto. A partir da Lei 20/2022 de Memoria democrática, uns 175.000 descendentes xa teñen accedido á nacionalidade só en Arxentina, e outros 200.000 agarda a resolución do seu expediente, o que representa o 40% do total de solicitudes en todo o mundo. Que pensan, como actúan e como organizan institucionalmente esa representación dos partidos políticos na emigración será cada vez máis relevante e decisivo no peso e consideración política da Galicia universal.