Unión Europea : Liña de investigación

A segunda Comisión von der Leyen, un ano despois de iniciar o seu mandato, consolidou un método político baseado na aceleración lexislativa, na coordinación interservizos e no uso intensivo de paquetes omnibus para reaxustar políticas recentes. Una receita debedora do corporativismo alemán (Mesa para o Agro, para a Automoción) ante a crise de identidade do modelo socioeconómico europeo, sobre todo renano-carolinxio, substituíndo a granularidade regulatoria por procesos integrados orientados a resultados. Estes paquetes, que en 2025 integraron dez reformas simultáneas e que continuarán en 2026, están a transformar sectores como a automoción, a industria química, o agroalimentario, as políticas ambientais e a gobernanza dixital. A prioridade esencial da Comisión: reforzar a competitividade europea nun contexto de transición verde, tensión xeopolítica e crecente presión sobre cadeas industriais, en liña co informe Draghi.

A proposta da Comisión Europea para o novo Marco Financeiro Plurianual (MFP) 2028–2034 marca un punto de inflexión na política orzamentaria da Unión Europea. Presentada como unha “reestruturación radical”, a realidade é máis complexa: trátase de facer moito máis co mesmo orzamento, cunha arquitectura institucional que pode ter profundas implicacións para España e, en particular, para Galicia.

Este 6 de maio rematou a consulta pública sobre o futuro orzamento europeo post-2027, que se presentará neste mes de xullo. Logo comezará alomenos ano e medio de negociacións, posicionamentos e forcexeos co inevitable compromisos ben pasados tódolos prazos, para logo seren aprobados os plans de gasto nacionais e no seu caso rexionais. Finalmente gastaranse os fondos como mínimo cun ano de retraso.

A comezos de xaneiro case un cento de expertos da burbulla bruxelense reuníronse no Parlamento onde o seu servizo de estudos presentou a análise dos dez desafíos da UE para 2025. Listámolos aquí pois son unha mostra de como ve o mundo o ecosistema que, desde pouco máis dun quilómetro cadrado, goberna boa parte do continente: “1. Equilibrar a escala coa innovación para a produtividade, 2. Establecemento do obxectivo climático para 2040, 4. Dar os próximos pasos cara á seguridade económica europea, 5. Dar forma ás finanzas futuras da UE, 5. Fortalecemento da capacidade para investir no futuro, 6. Agardando para subir unha marcha: coches eléctricos europeos, 7. Axudar á UE a competir en intelixencia artificial, 8. Fortalecemento da industria de defensa europea, 9. Axilizar o retorno dos emigrantes irregulares e 10. Restaurar a confianza no ámbito público.”

5 apostas por como vai quedar o próximo orzamento da UE para o desenvolvemento territorial

Baixando as escaleiras do Pazo de Europa en Estrasburgo, sede histórica do Parlamento Europeo e aínda do Consello de Europa, hai un mapa enorme do continente incluído toda Rusia. Malia ter un burato bielorruso no medio – non era membro por mor do non respecto aos dereitos humanos- este mapa amósanos que non hai moito outra visión de Europa era posible.

Xa pasaron cinco anos desde o pico de interese sobre o despoboamento, simbolizado naquela manifestación en Madrid de marzo de 2019 que se deu patente política ao termo “España Vaciada”.

O 24 de Xullo de 2024 celebrouse o Maratón de Galeguidades. Organizado polo IGADI, foi un percorrido mundial da diáspora galega: entrevistas e tertulias online saltando de país e continente e retransmitidas en directo pola IGADITV- A lista de reproducción completa con vídeos por país, así coma un resumo dispoñibles en Youtube constitúe un valiosísimo documento para entender a diversidade e diferentes xeitos de entender a diáspora e a propia galeguidade. Bruxelas non podía faltar, por capital de Europa onde miles de galegos viñeron traballar nas e arredor das institución europeas e por capital de Bélxica, onde durante corenta anos existiu unha ampla comunidade galega que chegou a ter dous centros galegos un en Saint Gilles/Anderlecht (o barrio galego) e outra no centro.

As audiencias públicas dos comisarios europeos evolucionaron significativamente en termos de atención mediática e tensión política. Alén do ruido, esta análise céntrase nas políticas públicas, que non cambiarán moito independientemente de quen leve a carteira

As audiencias públicas dos comisarios europeos evolucionaron significativamente en termos de atención mediática e tensión política. Alén do ruido, esta análise céntrase nas políticas públicas, que non cambiarán moito independientemente de quen leve a carteira.