O Cumio das Nacións Unidas sobre ambición climática (CAS) celebrado na Sede das Nacións Unidas, Nova York o 20 de setembro de 2023, tivo como obxectivo acelerar a acción climática como preludio da 28a Conferencia das Partes (COP28) da Convención Marco das Nacións Unidas sobre o Cambio Climático (CMNUCC).

As portas do inferno están abertas

Veiras García, Xosé
Liñas de investigación Cooperación Internacional e Axenda 2030
Apartados xeográficos Outros

A crise climática é unha realidade que está a avanzar a un ritmo aínda maior do agardado, provocando desastres e acendendo alarmas por todo o planeta. Despois de décadas de acción climática insuficiente, “a humanidade abriu as portas do inferno”, en palabras do secretario xeral das Nacións Unidas, Antonio Guterres, pronunciadas o 20 de setembro pasado na Climate Ambition Summit, auspiciada por el en Nova York. Un encontro concebido para tentar impulsar a acción climática a pouco máis de dous meses do cumio climático anual que terá lugar en Dubai.