Fondo Galego
Fondo Galego

fondogalego.org
info@igadi.gal
Tel/Fax: 986 357 238
 
Comunicación Volver a Comunicación
Novas do Fondo Galego
 
 
 Outubro 2007 

[Índice Novas][Arquivo Novas]

 

Benvida aos Concellos de Abegondo e Burela

Baiona, 10 de outubro de 2007.

Dous novos membros veñen de ratificar a súa adhesión ao Fondo Galego de Cooperación e Solidariedade. Son o Concello de Burela, a quen xa demos a benvida desde esta páxina, e o Concello de Abegondo, a quen felicitamos agora e que no pleno celebrado o pasado 27 de setembro acordou a súa incorporación ao Fondo Galego de Cooperación de Solidariedade.

Con estes dous novos membros, o Fondo Galego acolle a 95 Concellos e 3 Deputacións provinciais cun compromiso solidario común, e representa a 70% da poboación total de Galicia.



O Fondo Galego renova a súa Comisión Executiva

Baiona, 02 de outubro de 2007.

A Asemblea Xeral de Socios do Fondo Galego de Cooperación e Solidariedade, reunida o pasado venres 28 de setembro en Santiago de Compostela, acordou a renovación da súa Comisión Executiva para o período 2007-2011, froito dos resultados saídos das eleccións municipais do pasado mes de maio.

A nova Comisión Executiva estará presidida por Alfredo Novoa (Concello de Oleiros), a quen acompañarán Beatriz Sestayo (Concello de Ferrol) na Vicepresidencia e Ángeles Silva (Concello de Baiona) na Tesourería. Pilar Gallego (Concello de Allariz), Carmen Basadre (Concello de Lugo), Enrique Nóvoa (Deputación de Ourense), María Méndez (Concello de Vigo) e Isabel Rodríguez (Concello de Viveiro) actuarán como vocais nesta nova Executiva. Pola súa banda, o Instituto Galego de Análise e Documentación Internacional (IGADI) continuará a desempeñar as funcións de Secretaría do Fondo Galego.



Benvida ao Concello de Burela

Baiona, 02 de outubro de 2007.

Desde o Fondo Galego queremos dar a benvida ao Concello de Burela que en acordo plenario do 30 de agosto decidiu a súa adhesión ao Fondo Galego de Cooperación de Solidariedade.

Coa arribada de Burela son xa 94 os Concellos e 3 as Deputacións provinciais que asumen o noso compromiso solidario, o que representa a máis de 68% da poboación total de Galicia.



Cabo Verde será o país no que se concentre o maior número de actuacións
O Fondo Galego de Cooperación e Solidariedade apoia 18 proxectos de axuda ao desenvolvemento

Baiona, 01 de outubro de 2007.

O Fondo Galego de Cooperación e Solidariedade anuncia a resolución da súa convocatoria anual de proxectos de cooperación internacional, á que este ano foron presentadas 82 propostas procedentes de África, Asia, América Central e do Caribe.

Os socios do Fondo Galego, reunidos o pasado venres en Asemblea Xeral, aprobaron por unanimidade a proposta da Comisión Avaliadora de Proxectos, e estimaron oportuna a participación do municipalismo galego en 18 dos propostas presentadas, e que suman un investimento total de 545.688,23 euros.

A través desta convocatoria de axudas para o ano 2007, o Fondo Galego de Cooperación e Solidariedade vai estar presente en sete proxectos de cooperación para o desenvolvemento no arquipélago de Cabo Verde, en tres no Perú e noutros tres en Nicaragua. O listado de actuacións para este ano complétase con dous proxectos que terán como escenario os Territorios Palestinos, ademais dun proxecto en Brasil, outro en O Salvador e outro na India.



  Presentación exposición Fondo Galego, Dez Anos con Proxectos; clic para aumentar
Presentación exposición Fondo Galego, Dez Anos con Proxectos; clic para aumentar
Fabiola Sotelo, directora xeral de Cooperación Exterior da Xunta de Galicia, e Alfredo Novoa, presidente do Fondo Galego, no acto de presentación da exposición Fondo Galego, Dez Anos con Proxectos. (Fotos: ©fondogalego.org 28/09/2007).
Presentación da exposición Fondo Galego, Dez Anos con Proxectos

Baiona, 01 de outubro de 2007.

O Fondo Galego de Cooperación e Solidariedade ven de presentar a exposición Fondo Galego, Dez Anos con Proxectos, coa que se quere marcar o décimo aniversario do nacemento da entidade asociativa do municipalismo galego.

A directora xeral de Cooperación Exterior da Xunta de Galicia, Fabiola Sotelo Sotelo, foi a encargada de presentar a exposición, que recolle as áreas de traballo e proxectos máis destacados nos que ven traballando o Fondo Galego desde o seu nacemento.

A presentación ao público desta exposición coincidiu coa celebración da Asemblea Xeral de Socios do Fondo Galego de Cooperación e Solidariedade, na que, ademais de renovar os cargos da súa Comisión Executiva, foi aprobada a resolución da súa convocatoria anual de axudas.

 
 Subir
 
Arquivo de Novas do Fondo Galego
 
Ano 2007: 09, 08, 07, 06, 05, 04.
 
Volver a Comunicación



Fondo Galego
www.fondogalego.org

ÚLTIMA REVISIÓN: 16/11/2008
Fernando Pol


Subir