Fondo Galego
Fondo Galego

fondogalego.org
info@igadi.gal
Tel/Fax: 986 357 238
 
Comunicación Volver a Comunicación
Novas do Fondo Galego
 
 
 Novembro 2007 

[Índice Novas][Arquivo Novas]

 

Santiago acolle a IV edición das Xornadas Anuais de Cooperación

Baiona, 15 de novembro de 2007.

Co motivo do seu X Aniversario, este ano, o Fondo Galego de Cooperación e Solidariedade adica ás IV Xornadas Anuais de Cooperación ao municipalismo cooperante. Baixo o título de “O compromiso global do mundo local”, representantes de diferentes entidades municipais exporán as súas experiencias en materia de cooperación ao desenvolvemento.

Entre outros, ademais de autoridades locais galegas, contarase coa presencia de representantes do Concello de Córdoba, do Fons Valenciá de Cooperación, da Cámara Municipal de Palmela (Portugal), así como do coordinador do programa ART (Apoio ás Redes Territoriais) das Nacións Unidas e de dous representantes do municipalismo en Cabo Verde.

O obxectivo destas xornadas é abrir un espazo de encontro entre diferentes actores vinculados ao municipalismo e á solidariedade. Neste contexto reflexionaremos e debateremos ao redor do papel que cumpre e/ou podería cumprir o mundo local nas políticas de cooperación ao desenvolvemento, así como no impulso de redes horizontais de solidariedade e intercambio entre as distintas realidades Norte-Sur.

IV Xornadas Anuais da Cooperación: O compromiso global do mundo local

IV Xornadas Anuais da Cooperación
29 de novembro no Centro Sociocultural Caixa Galicia, Carreira do Conde nº 18 (baixo), Santiago de Compostela.

baixar arquivopdfDescarga o programa das Xornadas en pdf.



Terremoto no Perú
A Conta de Emerxencia suma novas doazóns

Baiona, 8 de novembro de 2007.

Con motivo do terremoto que afectou unha ampla zona do Perú o pasado 15 de agosto, o Fondo Galego de Cooperación e Solidariedade puxo a disposición dos afectados a súa conta de emerxencia, a fin de recadar fondos para proxectos de reconstrución das áreas afectadas.

Agora, pasado máis de dous meses desde a traxedia, queremos comunicar que a conta de emerxencia segue aberta, ao tempo que nos gustaría facer chegar o noso sincero agradecemento a todas aquelas persoas e institucións que colaboran con esta campaña de recollida de fondos.

Por outro lado, desde o Fondo estamos a concretar os proxectos aos que van ir destinadas estas axudas. Como é sabido, o pasado mes de setembro o Fondo Galego enviou unha representante ao país coa finalidade de identificar áreas de intervención e establecer prioridades. Grazas ao seu traballo, están en fase de estudo varios proxectos de reconstrución de centros educativos, así como outros programas de ámbito educativo.

Terremoto en Perú: Queres axudar?

Fondo Galego de Cooperación e Solidariedade
Número de conta: 2091.0209.10.3040019000


Información: Secretaría Técnica do Fondo Galego de Cooperación e Solidariedade info@igadi.gal - www.fondogalego.org - Tel/fax: 986 357 238



Convenio de colaboración entre o Fondo Galego de Cooperación e Solidariedade e o Concello de Vigo

Baiona, 6 de novembro de 2007.

O Fondo Galego de Cooperación e Solidariedade e a Concellería de Benestar Social do Concello de Vigo convocan a todos os medios á sinatura do convenio de colaboración entre as dúas partes e á conferencia de prensa conxunta que se desenvolverá a continuación. O acto terá lugar o vindeiro xoves, día 8 de novembro, ás 11:30 horas, nas dependencias municipais.

Por parte do Concello de Vigo asistirán o tenente de alcalde, Santiago Domínguez, e María Méndez, concelleira de Benestar Social, mentres que o Fondo Galego de Cooperación e Solidariedade estará representado polo seu presidente, Alfredo Nóvoa.

A través de este acordo, o Concello de Vigo aportará ao Fondo Galego un total de 64.000 euros, que serán investidos en diversos proxectos de cooperación para o desenvolvemento.

 
 Subir
 
Arquivo de Novas do Fondo Galego
 
Ano 2007: 10, 09, 08, 07, 06, 05, 04.
 
Volver a Comunicación



Fondo Galego
www.fondogalego.org

ÚLTIMA REVISIÓN: 16/11/2008
Fernando Pol


Subir