Fondo Galego
Fondo Galego

fondogalego.org
info@igadi.gal
Tel/Fax: 986 357 238
 
Comunicación Volver a Comunicación
Novas do Fondo Galego
 
 
 Decembro 2007 

[Índice Novas][Arquivo Novas]

 

  Visita a Santa Catarina; clic para aumentar
Visita a Santa Catarina. Pilar Gallego co presidente da Cámara.
Visita a Santa Catarina; clic para aumentar
Nenos do xardín de infancia.
Visita a San Miguel; clic para aumentar
Visita a San Miguel. Depósito de auga.
Visita a San Miguel; clic para aumentar
Nenos do obradoiro de artesanía.
Xornada de intercambio de experiencias; clic para aumentar
Xornada de intercambio de experiencias. Pilar Gallego (á esquerda) e Claudia Rodrígues.
Xornada de intercambio de experiencias; clic para aumentar
María Méndez (á dereita).
Seguimiento de proxectos e intercambio de experiencias
Misión de traballo en Cabo Verde

Baiona, 20 de decembro de 2007.

O pasado mes de novembro, a técnica do do Fondo Galego Mª del Mar Gómez e tres concelleiras municipais galegas, Pilar Gallego, do Concello de Allariz, Ángeles Silva, do Concello de Baiona, e María Méndez, do Concello de Vigo, viaxaron a Cabo Verde nunha misión de traballo de oito días (19 ao 26 de novembro).

O obxectivo da misión foi dobre:


1. Seguimento e avaliación de proxectos

Visitáronse varias Cámaras Municipais coas que se colabora en proxectos de desenvolvemento local.

Cámara Municipal de San Miguel. Entrevista coa equipa da Cámara. Visita ao terreo e recoñecemento de dous proxectos, un no ámbito de abastecemento de auga con conexións domiciliarias, e outro de formación profesional.

Cámara Municipal San Felipe. Entrevista coa equipa da Cámara. Visita ao terreo. Visita a un proxecto de abastecemento de auga.

Comisión Instaladora de Santa Catarina. Entrevista coa equipa da Cámara. Visita ao terreo e participación na inauguración dun xardín de infancia construído coa colaboración do Fondo Galego.


2. Intercambio de experiencias

As tres representantes do poder local galego participaron no proxecto que leva a cabo o Instituto Caboverdiano para a Igualdade e a Equidade de Xénero, para aumentar a participación das mulleres nas eleccións municipais de 2008. Con este fin, celebrouse unha xornada de intercambio de experiencias entre mulleres políticas de Cabo Verde e Galicia.

Ademais, mantivéronse encontros cos e coas representantes das seguintes entidades:

Citi-Habitat. ONGD con máis de vinte anos de experiencia coa que se colabora nun proxecto de abastecemento e canalización de auga no Barrio Ponte de Auga, en Praia.

ANMCV. Asociación nacional de municipios caboverdianos que ten dous proxectos financiados polo Fondo Galego e a Dirección Xeral de Cooperación Exterior da Xunta de Galicia sobre diagnose e elaboración dos plans municipais en materia de medioambiente.



  IV Xornadas Anuais de Cooperación; clic para aumentar
Mesa de inauguración. (De esquerda a dereita, Carlota del Carmen Román, Alfredo Novoa e Mar Martín).
IV Xornadas Anuais de Cooperación; clic para aumentar
Mesa I. (De esquerda a dereita, Charo Romero, Xosé Mª Torres, Neves Cando e Alfredo Novoa).
IV Xornadas Anuais de Cooperación; clic para aumentar
Mesa II. (De esquerda a dereita, Isabel Álvarez, Paulo Pacheco e Mar Barreiro.).
IV Xornadas Anuais de Cooperación; clic para aumentar
Mesa III. (De esquerda a dereita, Virginia Romero e Giovanni Camilleri).
IV Xornadas Anuais de Cooperación; clic para aumentar
Mesa IV. (De esquerda a dereita, Valter de Sá, Joao Gómes, Katia Cardoso e Álvaro Trillo).
IV Xornadas Anuais de Cooperación: O compromiso global do mundo local

Baiona, 20 de decembro de 2007.

As IV Xornadas Anuais de Cooperación celebráronse o día 29 de novembro en Santiago de Compostela baixo o título “O compromiso global do mundo local”. Foron organizadas como unhas xornadas de debate e reflexión sobre as políticas e prácticas de cooperación ao desenvolvemento levadas a cabo dende os entes locais.

Ao longo de todo un día, discurriron estruturadas ao redor de tres ámbitos:

• A cooperación municipalista en Galicia: balance a cargo dos diferentes actores da cooperación galega, especialmente aqueles máis vinculados ao municipalismo.

• Experiencias veciñas do municipalismo cooperante: participación de representantes de Fondos de Cooperación do resto do estado, así como, de Portugal.

• O papel da cooperación municipalista no contexto internacional: a cargo dun especialista.

• Unha experiencia de desenvolvemento local no Sur: a descentralización en Cabo Verde.

O obxectivo das Xornadas Anuais foi o de crear un espazo de encontro entre os diferentes axentes da cooperación galega para reflexionar entorno ao tema de relevancia e contribuír a unha mellor calidade da cooperación.

O 29 de novembro de 2007, as IV Xornadas Anuais de Cooperación desenvolvéronse segundo o seguinte programa:

09:45h. Inauguración das Xornadas.

Palabras de benvida a cargo de Carlota del Carmen Román, subdirectora xeral de Cooperación; Mar Martín, concelleira de Benestar Social do Concello de Santiago; e Alfredo Novoa Gil, presidente do Fondo Galego.

10:00h. Mesa 1: O compromiso solidario do mundo local galego: situación e desafíos.

Presentación e moderación: Rosario Romero, traballadora social do Concello de Vigo e participante no programa de Vacacións con Traballo – Nicaragua.

Participantes: Xosé Mª Torres García, presidente da Coordinadora Galega de ONGDs; Neves Cando, tenente de alcalde do Concello de Burela; e Alfredo Novoa, presidente do Fondo Galego.

11:00h. Mesa 2: Experiencias veciñas do municipalismo cooperante.

Presentación e moderación: Mar Barreiro, traballadora social do Concello de Oleiros e participante no programa de Vacacións con Traballo – Perú.

Participantes: Paulo Pacheco, xefe do Gabinete de Presidencia da Cámara Municipal de Palmela (Portugal); e Isabel Álvarez, técnica de Cooperación do Concello de Córdoba e representante do FAMSI.

12:30h. Descanso/café.

13:00h. Mesa 3: O papel do mundo local na esfera internacional.

Presentación e moderación: Virginia Romero, vicedirectora do Igadi.

Participante: Giovanni Camilleri, coordinador da Iniciativa de Apoio a Redes Territoriais (ART) do Programa das Nacións Unidas para o Desenvolvemento (PNUD).

14:30h. Comida.

16:00h. Mesa 4: Cabo Verde: a descentralización como vía de desenvolvemento?

Presentación e moderación: Álvaro Trillo, técnico de Infraestruturas e Conservación da Deputación de A Coruña.

Participantes: Katia Cardoso, membro do Núcleo de Estudos para a Paz, Centro de Estudos Sociais da Universidade de Coimbra; Joao Gómes Duarte, presidente da Cámara Municipal de Sao Miguel, Cabo Verde; e Valter de Sá, secretario xeral da Associaçao Nacional de Municipios Caboverdianos.

17:00h. Clausura coa proxección do documental “Cabo Verde: a rede cooperante”.

baixar arquivopdfDescarga as conclusións das Xornadas en pdf.


Materiais

baixar arquivopdfPonencia de Giovanni Camilleri (Iniciativa de Apoio a Redes Territoriais, ART).
baixar arquivopdfPonencia de Isabel Álvarez (Concello de Córdoba, FAMSI).
baixar arquivopdfPonencia de Joao Gomes Duarte (Cámara Municipal de Sao Miguel, Cabo Verde).
baixar arquivopdfPonencia de Katia Cardoso (Núcleo de Estudos para a Paz, Coimbra).
baixar arquivopdfPonencia de Paulo Pacheco (Cámara Municipal de Palmela, Portugal).
baixar arquivopdfPonencia de Xosé María Torres García (Coordinadora Galega de ONGDs).



  Encontro coa directora xeral de Cooperación; clic para aumentar
Encontro coa directora xeral de Cooperación. (Na foto, de esquerda a dereita: Valter de Sá, Joao Gomes e Fabiola Sotelo).
Visita ao Concello de Burela; clic para aumentar
Visita ao Concello de Burela. (Na foto, de esqueda a dereita, Valter de Sá, Alfredo Llano, alcalde de Burela, e Joao Gomes Duarte).
Visita ao Concello de Burela; clic para aumentar
Visita ao Concello de Burela. (Foto: Joao Gomes e Valter de Sá con representantes da Asociación Batuko Tabanca de Burela).
Visita ao Concello de Vigo; clic para aumentar
Visita ao Concello de Vigo. (Na foto, de esquerda a dereita, Santi Domínguez, María Méndez, Joao Gomes e Valter de Sá).
Presentación exposición Fondo Galego, Dez Anos con Proxectos; clic para aumentar
Visita ao Concello Allariz. (Na foto, de esquerda a dereita, Mª del Mar Gómez, Joao Gomes, Valter de Sá, Francisco García, Virginia Romero e Pilar Cid. ©fondogalego.org).
As visitas dos parceiros do Sur a Concellos socios do Fondo Galego, instrumento de intercambio e sensibilización

Baiona, 20 de decembro de 2007.

A través de recepcións institucionais, charlas para a poboación local, encontros con representantes da Rede Municipalista Solidaria e membros da Comisión Executiva, créanse espazos para un maior coñecemento tanto das realidades coas que traballamos, como dos froitos de dito traballo.

No mes de novembro visitaron Galicia dous representantes do municipalismo en Cabo Verde, cos que o Fondo Galego ven traballando en proxectos de cooperación: Valter de Sá, secretario da Asociación Nacional de Municipios Caboverdianos, e Joao Gómes Duarte, presidente da Cámara Municipal de Sao Miguel, Illa de Santiago.

Dende o 26 ao 30 de novembro, visitaron varios Concellos socios do Fondo Galego, así como tamén mantiveron encontros institucionais con outras entidades:

26 de novembro

Primeira xuntanza coa Secretaría Técnica do Fondo Galego.

27 de novembro

Encontro coa directora xeral de Cooperación Exterior.

Visita ao Concello de Burela.

  • Recepción Institucional no Concello.
  • Comida de traballo con representantes da corporación municipal anfitriona.
  • Encontro con representantes da comunidade caboverdiana e actuación do grupo Batuko Tabanka.

28 de novembro

Recepción institucional no Concello de Vigo:

  • Encontro coa concelleira de Benestar, o tenente-alcalde e alcalde.
  • Presentación ante os medios de comunicación.

Recepción institucional no Concello de Allariz.

  • Encontro co alcalde e a concelleira de Benestar Social.
  • Comida de traballo con representantes da Corporación municipal anfitriona.

Recepción no Concello de Santiago.

  • Encontro coa concelleira de Benestar Social.

29 de novembro

Participación nas IV Xornadas Anuais de Cooperación en Santiago de Compostela.

 
 Subir
 
Arquivo de Novas do Fondo Galego
 
Ano 2007: 11, 10, 09, 08, 07, 06, 05, 04.
 
Volver a Comunicación



Fondo Galego
www.fondogalego.org

ÚLTIMA REVISIÓN: 16/11/2008
Fernando Pol


Subir