Fondo Galego
Fondo Galego

fondogalego.org
info@igadi.gal
Tel/Fax: 986 357 238
 
Comunicación Volver a Comunicación
Novas do Fondo Galego
 
 
Marzo 2008 

[Índice Novas][Arquivo Novas]

 

  Panxea 2008; clic para aumentar
Panxea 2008 é un festival que pretende ser unha ollada as distintas culturas que conviven hoxe en día na vila de Carballo.
 
O festival multicultural Panxea 2008 colaborará co Fondo Galego coa recadación de cartos

Baiona, 18 de marzo de 2008.

O festival multicultural Panxea 2008 celebrarase en Carballo os días 20, 21 e 22 de marzo nunha carpa acondicionada no aparcadoiro do Centro Comercial Bergantiños.

As actividades programadas para a xornada do xoves, día 20, terán como obxectivo a recadación de fondos para o Fondo Galego de Cooperación e Solidariedade. O presidente da organización, Alfredo Novoa Gil, acudirá a Carballo para participar no acto inaugural da feira e presentará a exposición Fondo Galego, Dez Anos con Proxectos, unha mostra que os visitantes poderán coñecer estos días en Carballo.

Panxea 2008 é un festival que pretende ser unha ollada as distintas culturas que conviven hoxe en día na vila de Carballo. Esta edición se adicará a América Latina e a programación contará con diversas actividades onde se mesturará música, gastronomía e festa.

baixar arquivopdfDescarga o programa do festival Panxea 2008 en pdf.



  Encontro Fondo Galego e Coordinadora Galega de ONGDs; clic para aumentar
Encontro Fondo Galego e Coordinadora Galega de ONGDs. (Na foto, de esquerda a dereita, Rosa Villaronga, Virxinia Romero, Alfredo Novoa, Ana Álvarez, Xosé María Torres e María Díaz. ©fondogalego.org 04/03/2008).
 
O Fondo Galego e a Coordinadora Galega de ONGDs traballarán conxuntamente na organización de actividades

Baiona, 12 de marzo de 2008.

O Fondo Galego de Cooperación e Solidariedade e a Coordinadora Galega de ONGDs asinarán un memorando de entendemento que servirá como base para comezar unha nova etapa de estreita colaboración e a posta en marcha de diversas actividades.

Membros de ámbalas entidades reuníronse o pasado catro de marzo en Santiago de Compostela. O presidente do Fondo, Alfredo Novoa, e o presidente da Coordinadora, Xosé María Torres, estiveron presentes no encontro, no que tamén participaron técnicas das dúas organizacións. O contido da reunión centrouse nas posibles vías de colaboración entre ambas entidades co propósito de emprender accións conxuntas.

A reunión entre membros do Fondo e a Coordinadora culminou co firme compromiso de asinar un memorando de entendemento que facilite alcanzar os obxetivos marcados.

 
 
 Subir
 
Arquivo de Novas do Fondo Galego
 
Ano 2008: 02 | Ano 2007: 12, 11, 10, 09, 08, 07, 06, 05, 04.
 
Volver a Comunicación



Fondo Galego
www.fondogalego.org

ÚLTIMA REVISIÓN: 16/11/2008
Fernando Pol


Subir