As novas dan conta das actividades máis destacadas do IGADI, como o lanzamentos das nosas publicacións, o inicio dalgún proxecto, a participación nalgunha actividade concreta, etc.
O número 52 de Tempo Exterior, a revista académica do IGADI, presenta un monográfico dedicado á Economía Internacional e un artigo de miscelánea sobre a regulación europea da intelixencia artificial. O volume reivindica a importancia de coñecer a realidade económica doutros actores internacionais para comprender mellor as dinámicas globais contemporáneas.
A Universidade de Santiago de Compostela (USC) mantén aberto ata o 30 de xullo o prazo de preinscrición para a segunda edición do Diploma, unha formación orientada a comprender o crecente papel de China na economía e na política internacional.
Xa en marcha a 2ª edición do Diploma en Economía e Política China da USC Ler máis »
A 19º edición do anuario de relacións internacionais e política global do IGADI, perfila as principais dinámicas da sociedade internacional durante o 2025 así como as perspectivas dos acontecementos en curso no 2026. Marcado pola Presidencia do Donald Trump 2.0 e a erosión total do sistema de normas occidentais polo seu arquitecto principal, os Estados Unidos de América, a gobernanza global profundiza na inestabilidade.
Cal é o estado do planeta? Xa dispoñible o IGADI Annual Report 25-26 Ler máis »
Na Asemblea xeral do IGADI do sábado 21 de marzo, celebrada en Pontevedra, Christoph Schreinmoser, xurista bávaro e Doutor en Dereito pola Universidade da Coruña, asumiu a Presidencia e a dirección do IGADI para o ciclo 2026-2031.
O IGADI ten novo Director, Christoph Schreinmoser Ler máis »
O Instituto Galego de Análise e Documentación Internacional (1991-2026) manifesta a súa preocupación ante a negativa expresada pola Xunta de Galicia a contar cunha representación propia no seo da UNESCO (Organización das Nacións Unidas para a Educación, a Ciencia e a Cultura) e ONU Turismo, nun contexto no que o Goberno de España está a traballar para facilitar a presenza de Euskadi e Cataluña nestas institucións internacionais.
O IGADI pon en marcha unha iniciativa de investigación, divulgación e diplomacia pública arredor da Asociación Estratéxica Integral entre España e China. O proxecto realízase grazas ao financiamento da Secretaría de Estado de Asuntos Exteriores e Globais, no marco da convocatoria de proxectos 2025 de Prioridades da Política Exterior Española.
Comeza o proxecto “España-China: Asociación Estratéxica para o Coñecemento Mutuo” Ler máis »
Celebrarase o xoves 18 de decembro ás 20:30 no cinema da Domus (apertura de portas ás 20:00). Poderás recoller o teu Mapa da Coruña Global en galego, inglés, chinés, portugués ou castelán.
A 4ª edición de “A Coruña Global” volta a DOMUS da man de Yolanda Castaño e Touriñán Ler máis »
O OGALUS, nacido no 2008, como proxecto estratéxico do IGADI, acumula ducias de análises, publicacións e actividades académicas e divulgativas variadas, conectando a Galicia aos países e territorios de lingua oficial portuguesa.
Do 27 ao 31 de outubro de 2025, unha delegación do Centro Científico e Cultural de Macau (CCCM) desenvolverá unha intensa axenda de traballo en diferentes cidades galegas —Pontevedra, A Coruña, Ferrol, Santiago e Vigo— para fortalecer os lazos institucionais, académicos, económicos e culturais entre a Galicia e Portugal. As actividades enmárcanse dentro dun proxecto de mobilidades do Erasmus+. Colaboran desinteresadamente coas actividades ducias de persoas e entidades de Galicia.
As Xornadas concebíronse no marco do Convenio entre a Universidade da Coruña e o IGADI e os Plans anuais de traballo co Campus Industrial de Ferrol. A iniciativa ten o apoio tamén de Casa Asia (consorcio público liderado polo Ministerio de Asuntos Exteriores, UE e Cooperación de España). Desenvolveranse no Salón de Graos da Facultade de Humanidades o mércores 29 de outubro entre as 16:30 e as 20h.
