As novas dan conta das actividades máis destacadas do IGADI, como o lanzamentos das nosas publicacións, o inicio dalgún proxecto, a participación nalgunha actividade concreta, etc.
A nova publicación, que sae a luz nun momento doce da historia das relacións sino-españolas, analiza a crecente importancia das comunidades autónomas, cidades, universidades e a sociedade civil nas relacións coa China.
A 19º edición do anuario de relacións internacionais e política global do IGADI, perfila as principais dinámicas da sociedade internacional durante o 2025 así como as perspectivas dos acontecementos en curso no 2026. Marcado pola Presidencia do Donald Trump 2.0 e a erosión total do sistema de normas occidentais polo seu arquitecto principal, os Estados Unidos de América, a gobernanza global profundiza na inestabilidade.
Cal é o estado do planeta? Xa dispoñible o IGADI Annual Report 25-26 Ler máis »
O programa de televisión por internet desenvolverase o xoves 23 de abril, en directo entre as 17h e as 20h, na canle de youtube do IGADI. Poderás contar cun certificado de participación da UNED Pontevedra.
Conecta coa IGADI TV o 23 de abril: Que sabes das relacións bilaterais España-China? Ler máis »
Na Asemblea xeral do IGADI do sábado 21 de marzo, celebrada en Pontevedra, Christoph Schreinmoser, xurista bávaro e Doutor en Dereito pola Universidade da Coruña, asumiu a Presidencia e a dirección do IGADI para o ciclo 2026-2031.
O IGADI ten novo Director, Christoph Schreinmoser Ler máis »
A XVI edición será dedicada a Milton Reyes, membro da RIBSI de Ecuador, recentemente falecido.
Inscríbete no XVI Simposio de Política China: 12 e 13 de marzo do 2026 Ler máis »
O IGADI pon en marcha unha iniciativa de investigación, divulgación e diplomacia pública arredor da Asociación Estratéxica Integral entre España e China. O proxecto realízase grazas ao financiamento da Secretaría de Estado de Asuntos Exteriores e Globais, no marco da convocatoria de proxectos 2025 de Prioridades da Política Exterior Española.
Comeza o proxecto “España-China: Asociación Estratéxica para o Coñecemento Mutuo” Ler máis »
Do 27 ao 31 de outubro de 2025, unha delegación do Centro Científico e Cultural de Macau (CCCM) desenvolverá unha intensa axenda de traballo en diferentes cidades galegas —Pontevedra, A Coruña, Ferrol, Santiago e Vigo— para fortalecer os lazos institucionais, académicos, económicos e culturais entre a Galicia e Portugal. As actividades enmárcanse dentro dun proxecto de mobilidades do Erasmus+. Colaboran desinteresadamente coas actividades ducias de persoas e entidades de Galicia.
Os días martes 7 e xoves 9 de outubro de 2025, de 17h a 18h (hora de España), celebrarase en formato en liña o Seminario ALADAA – OPCh/IGADI, centrado na cooperación tecnolóxica entre a Unión Europea, China e América Latina.
O Observatorio da Política China (OPCh), creado en 2004 polo IGADI co apoio de Casa Asia, é hoxe un referente internacional para comprender a realidade chinesa en lingua española. A nova web dá un paso adiante e ofrece unha estrutura moderna e multidimensional que facilita o acceso a contidos actualizados sobre a política chinesa.
O IGADI presenta a nova web do Observatorio da Política China (OPCh) Ler máis »
As actividades a desenvolver no 2025 nacen do Convenio entre a Universidade da Coruña e o Instituto Galego de Análise e Documentación Internacional (IGADI) (2022) dando continuidade ao traballo iniciado no 2023 para conectar o Campus Industrial de Ferrol a Asia e a China. A presenza do IGADI no Campus reforza o traballo do Plan estratéxico do CIF, colaborando na súa internacionalización e achegando valor específico ao Grao en Relacións Internacionais que se imparte na Facultade de Humanidades e Documentación dende o curso 2022/2023.
