As novas dan conta das actividades máis destacadas do IGADI, como o lanzamentos das nosas publicacións, o inicio dalgún proxecto, a participación nalgunha actividade concreta, etc.
Coincidindo coas celebracións polo Día das Letras Galegas, o IGADI presenta a edición 2025-2026 do Informe anual Nós No Mundo, publicación que desde 2010 analiza a evolución das políticas públicas de acción exterior de Galicia.
A 19º edición do anuario de relacións internacionais e política global do IGADI, perfila as principais dinámicas da sociedade internacional durante o 2025 así como as perspectivas dos acontecementos en curso no 2026. Marcado pola Presidencia do Donald Trump 2.0 e a erosión total do sistema de normas occidentais polo seu arquitecto principal, os Estados Unidos de América, a gobernanza global profundiza na inestabilidade.
Cal é o estado do planeta? Xa dispoñible o IGADI Annual Report 25-26 Ler máis »
Na Asemblea xeral do IGADI do sábado 21 de marzo, celebrada en Pontevedra, Christoph Schreinmoser, xurista bávaro e Doutor en Dereito pola Universidade da Coruña, asumiu a Presidencia e a dirección do IGADI para o ciclo 2026-2031.
O IGADI ten novo Director, Christoph Schreinmoser Ler máis »
O Instituto Galego de Análise e Documentación Internacional (1991-2026) manifesta a súa preocupación ante a negativa expresada pola Xunta de Galicia a contar cunha representación propia no seo da UNESCO (Organización das Nacións Unidas para a Educación, a Ciencia e a Cultura) e ONU Turismo, nun contexto no que o Goberno de España está a traballar para facilitar a presenza de Euskadi e Cataluña nestas institucións internacionais.
O novo número da publicación académica do IGADI foi coordenado por Camelia Tigau, investigadora do Centro de Investigacións sobre América do Norte, da Universidad Nacional Autónoma de México. O número 51 continúa os avances do portal Open Journal System do Tempo Exterior, que renovou a súa imaxe gráfica no ano 2025, coincidindo co número 50 da publicación histórica do IGADI.
Celebrarase o xoves 18 de decembro ás 20:30 no cinema da Domus (apertura de portas ás 20:00). Poderás recoller o teu Mapa da Coruña Global en galego, inglés, chinés, portugués ou castelán.
A 4ª edición de “A Coruña Global” volta a DOMUS da man de Yolanda Castaño e Touriñán Ler máis »
O OGALUS, nacido no 2008, como proxecto estratéxico do IGADI, acumula ducias de análises, publicacións e actividades académicas e divulgativas variadas, conectando a Galicia aos países e territorios de lingua oficial portuguesa.
Nun 2024-2025 marcado pola aprobación da Estratexia Galega de Acción Exterior 2025-2029 (EGAEX 25-29), o Informe anual Nós No Mundo, dá conta dos avances e incertezas da paradiplomacia oficial galega no próximo ciclo.
Xa dispoñible o Informe Nós no Mundo 2025, o anuario da Acción Exterior de Galicia Ler máis »
Do 27 ao 31 de outubro de 2025, unha delegación do Centro Científico e Cultural de Macau (CCCM) desenvolverá unha intensa axenda de traballo en diferentes cidades galegas —Pontevedra, A Coruña, Ferrol, Santiago e Vigo— para fortalecer os lazos institucionais, académicos, económicos e culturais entre a Galicia e Portugal. As actividades enmárcanse dentro dun proxecto de mobilidades do Erasmus+. Colaboran desinteresadamente coas actividades ducias de persoas e entidades de Galicia.
As Xornadas concebíronse no marco do Convenio entre a Universidade da Coruña e o IGADI e os Plans anuais de traballo co Campus Industrial de Ferrol. A iniciativa ten o apoio tamén de Casa Asia (consorcio público liderado polo Ministerio de Asuntos Exteriores, UE e Cooperación de España). Desenvolveranse no Salón de Graos da Facultade de Humanidades o mércores 29 de outubro entre as 16:30 e as 20h.
