As novas dan conta das actividades máis destacadas do IGADI, como o lanzamentos das nosas publicacións, o inicio dalgún proxecto, a participación nalgunha actividade concreta, etc.
Nun 2024-2025 marcado pola aprobación da Estratexia Galega de Acción Exterior 2025-2029 (EGAEX 25-29), o Informe anual Nós No Mundo, dá conta dos avances e incertezas da paradiplomacia oficial galega no próximo ciclo.
Xa dispoñible o Informe Nós no Mundo 2025, o anuario da Acción Exterior de Galicia Ler máis »
Do 27 ao 31 de outubro de 2025, unha delegación do Centro Científico e Cultural de Macau (CCCM) desenvolverá unha intensa axenda de traballo en diferentes cidades galegas —Pontevedra, A Coruña, Ferrol, Santiago e Vigo— para fortalecer os lazos institucionais, académicos, económicos e culturais entre a Galicia e Portugal. As actividades enmárcanse dentro dun proxecto de mobilidades do Erasmus+. Colaboran desinteresadamente coas actividades ducias de persoas e entidades de Galicia.
As Xornadas concebíronse no marco do Convenio entre a Universidade da Coruña e o IGADI e os Plans anuais de traballo co Campus Industrial de Ferrol. A iniciativa ten o apoio tamén de Casa Asia (consorcio público liderado polo Ministerio de Asuntos Exteriores, UE e Cooperación de España). Desenvolveranse no Salón de Graos da Facultade de Humanidades o mércores 29 de outubro entre as 16:30 e as 20h.
O vindeiro 24 de xullo de 2025, entre as 8:30 e as 19:30, desenvolverase a segunda edición do Maratón de Galeguidades, un evento impulsado pola Deputación da Coruña que busca reforzar os lazos entre Galicia e a súa diáspora a través dun programa televisivo por internet.
No marco do Protocolo Xeral de Actuación entre Casa Asia e o IGADI-Observatorio da Política China, as segundas Xornadas Chibérica serán un punto de encontro entre Portugal e España para pensar a China do século XXI.
As Xornadas terán formato de programa da IGADI TV e contarán coa participación de especialistas, representantes públicos e representantes da sociedade civil. Estarán cheas de sorpresas, celebrándose na véspera do 51ª aniversario da Revolución dos cravos en Portugal.
O vídeo “A historia da IGADI TV” contextualiza a creación da canle de Youtube do IGADI no 2009 e a misión do IGADI nunha longa traxectoria de máis de trinta anos (1991-2025).
Que é a IGADI TV e cal é o seu percorrido? Lanzamos o vídeo “A historia da IGADI TV” Ler máis »
O novo número da publicación académica do IGADI, presenta un monográfico coordenado por Tino Cordal (Universidade de Vigo), enfocado na análise da acción exterior de comunidades autónomas e cidades, nunha aproximación tamén ibérica, cunha achega arredor das geminaçoes, os irmandamentos en Portugal.
Xa dispoñible o Tempo Exterior 49: Gobernos subestatais e acción exterior Ler máis »
Os proxectos “O papel da muller no mundo actual: A Política Exterior Feminista e a Cimeira do Futuro” e “España na CPLP: un novo horizonte para o multilateralismo” aliñéanse coas prioridades da política exterior española e a Acción Exterior de Galicia. Fináncianse grazas ás convocatorias de proxectos da Secretaría de Estado de Asuntos Exteriores e Globais.
A Deputación de Pontevedra e o Instituto Galego de Análise e Documentación Internacional (IGADI) veñen de poñer en marcha o proxecto “Tecer pontes co mundo, construír pontes coa lusofonía”. Enmarcado no convenio de colaboración Deputación de Pontevedra-IGADI 2024, o proxecto aposta por proxectar a identidade galega a nivel global, cunha especial atención á conexión co universo lusófono e as relacións Galicia-Portugal.
