A Liña de Investigación en Paradiplomacia do IGADI achégase desde 1991 ao proceso mundial e acelerado de participación nas relacións internacionais tanto de institucións subestatais (cidades, rexións, provincias…) como de actores non estatais (ongd, empresas, movementos cívicos…).
Daremos seguimento e análise ás distintas expresións da paradiplomacia mundial, un fenómeno en expansión desde hai décadas pero aínda recente e cun marco teórico e operativo en desenvolvemento. Desta maneira achegarémonos tanto a procesos globais como a procesos concretos de internacionalización política e cidadá, nutríndonos da experiencia histórica do IGADI na materia, atendendo así tanto ás expresións públicas como privadas do mesmo.
Cómpre subliñar que o IGADI tense caracterizado desde a súa fundación no 1991 por ter un papel activo e dinamizador da propia paradiplomacia e acción exterior de Galicia motivo polo que actualmente fai parte como entidade experta do Consello de Acción Exterior da Xunta de Galicia.
Días atrás, dixo o presidente Pedro Sánchez na Moncloa que promoverá a incorporación de Catalunya e Euzkadi á UNESCO. Outra gran cultura peninsular, a de Galicia, non. Quedamos fóra. Alguén pensará que é así porque na Xunta goberna o PP, ou porque carecemos do poder decisivo que teñen outros facéndoo valer en sede parlamentaria. Pero non só. As responsabilidades son máis amplas.
Entre o 27 e o 31 de outubro de 2025, o IGADI recibiu en Galicia unha delegación do Centro Científico e Cultural de Macau (CCCM). O CCCM é unha institución portuguesa nacida no ano 1999, que ten por misión producir, promover e divulgar coñecemento sobre Macau como plataforma entre Portugal e a República Popular da China, así como entre Europa e Asia. O CCCM naceu na secuencia da devolución de Macau á República Popular da China. O CCCM está baixo a tutela do Ministerio portugués da Ciencia, Tecnoloxía e Ensino Superior.
Galicia no mundo do futuro: Ideas dunha semana co Centro Científico e Cultural de Macau Ler máis »
Exercicio de memoria colectiva e oportunidade de concretar a Galicia Ideal con máis dereitos e representación para os cidadáns de ultramar. Un mapa, un espello e un proxecto de nós. O Ano Castelao é, probablemente, un dos exercicios de memoria colectiva máis estimulantes que se nos teña presentado nos últimos tempos. É tamén un desafío
Ano Castelao: Buenos Aires, quilómetro cero Ler máis »
En primeiro lugar, unha diáspora numerosa e cohesionada funciona como comunidade ponte. Conecta realidades sociais, culturais e económicas diferentes, facilitando a circulación de ideas, contactos e oportunidades. Alí onde un corpo diplomático formal chega con lentitude e protocolos, a diáspora pode actuar con naturalidade, rapidez e unha capacidade de inserción que ningún plan oficial pode replicar. É un capital relacional acumulado durante décadas que permite abrir portas, reducir desconfianzas e crear condicións de diálogo estable.
(III) Diáspora: Un ecosistema internacional propio Ler máis »
A publicación “2025, Ano Castelao, Río da Prata quilómetro Cero” reúne as entrevistas, análises e artigos publicados polo Observatorio das Diásporas do IGADI nos últimos 12 meses, para dar voz a Galicia exterior na conexión coa figura de Castelao. O especial foi coordenado desde Buenos Aires, pola xornalista e investigadora asociada do IGADI, Paula Sabajanes.
Podes ver na IGADI TV a Gala da Coruña Global celebrada o 18 de decembro na DOMUS. Subscríbete! Con Yolanda Castaño e Touriñán conducindo a volta ao mundo! Con Arturo Lezcano, Sofía Toro, Miguel Otero, Moisés Canle, Alfonso Gómez Crus…
Como foi a Gala da Coruña Global? Ler máis »
Entender a diáspora como capital relacional implica concibila non como unha colectividade dispersa no mundo, senón como unha infraestrutura de vínculos: unha rede de relacións sociais, profesionais, económicas, culturais e institucionais que, se é activada con intelixencia, funciona como un recurso estratéxico de primeira orde.
(II) Diáspora: Capital relacional Ler máis »
Nos últimos días ten saltado aos medios de comunicación o conflito entre o estaleiro galego Cardama e o Goberno do Uruguai (1) por supostas irregularidades na construción de dúas patrulleiras destinadas á Armada dese país. Máis alá da controversia en si mesma, este tipo de noticias salientan o interese que esperta o sector da construción naval galega no ámbito internacional.
Barcos made in Galicia: unha industria histórica orientada cara ao exterior Ler máis »
Se nas últimas edicións do Informe Nós No Mundo puxemos o acento na necesidade de activar a Lei de Acción Exterior de Galicia, publicada no DOG no 2021, este ano centramos o foco na nova Estratexia Galega de Acción Exterior 2025-2029. Despois de catro anos de preparación pública, oficializouse en marzo do 2025, sendo o primeiro marco estratéxico da nosa Acción Exterior trala aprobación da Lei no 2021.
España e Galicia, similitudes e diferenzas na definición estratéxica da Acción Exterior Ler máis »
Celebrarase o xoves 18 de decembro ás 20:30 no cinema da Domus (apertura de portas ás 20:00). Poderás recoller o teu Mapa da Coruña Global en galego, inglés, chinés, portugués ou castelán.
A 4ª edición de “A Coruña Global” volta a DOMUS da man de Yolanda Castaño e Touriñán Ler máis »
