A Unión Europea ten un impacto directo na autonomía galega desde a Adhesión en 1986. A maioría das políticas públicas e lexislación de competencia autonómica (medio ambiente, contratación pública, pesca e agricultura, transportes, etc.) teñen a súa orixe na lexislación comunitaria. A UE é tamén a principal fonte de fondos de investimento da autonomía galega: desde a entrada nas comunidades europeas, Galicia ten sido o quinto maior receptor de Fondos Estruturais, totalizando o equivalente a un orzamento e medio da Xunta de Galicia.
A Liña de Investigación en Unión Europea do IGADI ten por tanto un carácter interdisciplinario e complementario coas liñas de investigación de paradiplomacia e economía. Igualmente se ben prioriza unha perspectiva galega no proceso de integración europea, acollerá tamén aportacións sobre este tema desde outros territorios e perspectivas.
As audiencias públicas dos comisarios europeos evolucionaron significativamente en termos de atención mediática e tensión política. Alén do ruido, esta análise céntrase nas políticas públicas, que non cambiarán moito independientemente de quen leve a carteira.
O proceso de adhesión de Moldavia – mais tamén de Ucraína – afondan nun cambio significativo no enfoque da UE, que está a pasar dunha integración centrada no mercado, na economía e en procesos de democratización internos, a unha vontade explícita – mesmo por parte da presidenta da CE – de contrarrestar a influencia de Rusia e reforzarse como un polo de poder no contexto internacional que transcende o plano económico ou de valores ilustrados empregado até agora.
A recente vitoria electoral de Maia Sandu en Moldavia, acompañada dun referendo sobre a adhesión á UE, marca un momento crucial para o país e para Europa. Situada entre as
ambicións da Unión Europea e a influencia rusa, Moldavia enfronta un camiño complexo, onde o respaldo europeo representa desafíos tanto para a Unión como para o país do leste. Este contexto de transición implica de cheo á UE nun taboleiro xeopolítico complexo e marca un punto de inflexión respecto a procesos de expansión anteriores.
É consultor político freelance especializado en análise política, datos e comunicación. Cun grao en Ciencias Políticas pola Universidade de Santiago de Compostela e un MSc en Política Europea pola London School of Economics and Political Science (LSE), conta con máis de dez anos de experiencia en consultoría política, intelixencia competitiva, análise de reputación e estratexia …
Como resultado final do Ciclo de Conferencias “A Unión Europea dende unha perspectiva Glocal” con formato de programa de televisión por internet, así como das conclusións do Grupo multitemático que lle deu forma, presentamos un Libro-Monografía baixo o mesmo título, que podedes descarregar desde esta ligazón en galego, inglés ou castelán. Con estas actividades concluen o proxecto “Falamos de Europa desde …
Libro-Monografía final “A Unión Europea desde unha perspectiva Glocal” Ler máis »
Co apoio do Campus Industrial de Ferrol e Casa Asia organizamos o próximo venres 25 de outubro, desde as 10 da mañá, unhas Xornadas para conectar a Galicia co mundo. Na inauguración institucional das Xornadas contarase coa presenza do Concello de Ferrol, a Xunta de Galicia e Casa Asia, así como a Universidade da Coruña e o Campus Industrial de Ferrol.
O presente estudo aborda a aprobación, nun exercício de congruencia constitucional, dunha Lei Orgánica de Amnistia a aplicar no marco do Procés Català, com vistas a un adecuado encaixe entre Catalunya e o resto do Estado español. Apóntase asimesmo a uns cambios constitucionais, no marco dunha revisión ou, inclusibel, dunha nova Constitución, de características federais, na procura dunha mellor convivencia, dentro de España, das estruturas territoriales que a compoñen, nomeadamente das súas Nacionalidades Históricas (Catalunya, Euskadi e Galiza).
Deberíamos, en definitiva, ao noso entender, de avogar, no marco dun renovado contexto constitucional, á consecución dunha democracia, persoal e territorial, máis social, transversal, participativa e representativa, tal como corresponde ao interés da expresión real dos princípios da liberdade, igoaldade e fraternidade.
Grazas á Convocatoria para a celebración de accións de comunicación e actividades divulgativas 2024 da Secretaría de Estado da Unión Europea (Ministerio de Asuntos Exteriores, Unión Europea e Cooperación), o proxecto impulsa un Ciclo de Conferencias en forma de programa de tv online. Producirase unha publicación final que desde o galego será traducida ao castelán e ao inglés.
Ao longo da historia, as fronteiras en Europa Central flutuarían de xeito constante. As minorías étnicas sufrirían en Europa as consecuencias do período de entreguerras así como da Segunda Guerra Mundial, non sendo a rexión de Silesia unha excepción.
Informe de impactos Eurcocopa de Alemaña 2024
