O novo número da publicación académica do IGADI marca o inicio dunha nova etapa, orientada a reforzar o compromiso coa ciencia aberta en galego, a transparencia editorial e a accesibilidade universal ao coñecemento.
O número semestral (xaneiro-xuño 2025) presenta unha -Monografía central coordinada por Christoph Schreimonser (Universidade da Coruña), adicada á dimensión cultural do desenvolvemento sustentábel no contexto das emerxencias climáticas actuais. Neste marco, achégase entre outros temas de actualidade, á relación entre patrimonio cultural e turistificación ou á incorporación da perspectiva dos dereitos humanos ao novo dereito internacional climático.
Ademais dos sete artigos que conforman o monográfico, Tempo Exterior 50 ofrece tamén:
- Unha análise da diplomacia vaticana na sección de –Miscelánea.
- Un repaso ás relacións UE-Celac, co ollo posto no Cumio de novembro en Colombia, na sección -Eurolatam, resultado do convenio de colaboración coa Fundación Carolina.
- Un balance dos 40 anos da incorporación de España á UE en –Notas de investigación, sección destinada a investigadoras noveis.
- A tradicional sección de recensións de –Libros, que pecha o número.
Descarrega aquí gratuitamente o número 50 do Tempo Exterior.
O número conta co apoio publicitario do Concello de Pontevedra e a colaboración da Secretaría Xeral de Política Lingüística da Xunta de Galicia.