Guerra Fernández, Santiago

É musicólogo, profesor de música e investigador no ámbito das relacións internacionais. Conta cun mestrado en Musicoloxía e actualmente cursa outro en Relacións Internacionais na Universidade de Utrecht. A súa investigación céntrase na diplomacia cultural e nas relacións entre España e a Unión Soviética. Na súa tese de mestrado analiza o impacto da Guerra Civil Española na obra de Shostakóvich, a través das redes migratorias entre a España republicana e o mundo soviético. Ademais de falante nativo de de galego e castelán, posúe un nivel avanzado en inglés, portugués, francés e ruso, o que lle permite traballar con fontes diversas e moverse con facilidade en contextos multiculturais. Ao longo da súa traxectoria participou en proxectos de edición cultural, investigación académica e colaboracións internacionais. O seu traballo busca poñer en valor o papel da cultura como ponte para o diálogo e a comprensión entre pobos. Actualmente realiza prácticas no IGADI.

Artigos de Guerra Fernández, Santiago

Música e Política Internacional IV: Shostakovich, a Guerra Civil Española e os nenos de Rusia

Apartados xeográficos Outros

Liñas de investigación Relações Internacionais e Geopolítica

Na entrega anterior desta serie explorabamos a traxectoria transnacional da canción revolucionaria A Varsoviana e o seu impacto no movemento obreiro europeo, incluídos os anarquistas da CNT durante a Segunda República Española. A través desa pegada musical chegamos agora a un novo escenario: a Guerra Civil Española (1936–1939), un conflito que non só dividiu o país en dous, senón que mobilizou ideoloxicamente boa parte de Europa. Para a Unión Soviética, aliada directa da República, aquel episodio converteuse nun campo de batalla simbólica no que a cultura tivo un papel estratéxico.

Música e Política Internacional III: Notas pola Nación, desde Polonia ao mundo

Apartados xeográficos Europa

Liñas de investigación Relações Internacionais e Geopolítica

Na anterior entrega desta serie —“Códices, coros e coroas”— exploramos como a música funcionou como ferramenta diplomática entre as elites europeas, dende o Renacemento ata o Barroco, a través de obxectos sonoros como o Códice Medici ou o Currus Triumphalis Musicus. Naquel tempo, a música era símbolo de prestixio e vehículo de mediación entre dinastías.

Música e Política Internacional II: Códices, coros e coroas: música ao servizo das cortes europeas

Liñas de investigación Relações Internacionais e Geopolítica

Nesta primeira entrega da serie, exploraremos como a música comezou a consolidarse como unha ferramenta diplomática eficaz dende os primeiros sinais no Renacemento ata o seu desenvolvemento máis sofisticado no Barroco. Mesmo antes de que existise unha política exterior formalizada tal e como a coñecemos hoxe, as cortes europeas xa empregaban a música como vehículo de influencia, representación e comunicación entre estados.

Música e Política Internacional: Como a Diplomacia musical está a redefinir o mapa das relacións globais

Liñas de investigación Relações Internacionais e Geopolítica Paradiplomácia

Dende tempos inmemoriais, a música foi un idioma universal que conecta culturas, emocións e historias sen necesidade de palabras. Ao longo do último século, a súa capacidade para superar barreiras foi aproveitada como un poder suave, actuando como motor de diplomacia. A diplomacia musical non só usa a música como arte, senón tamén como ferramenta política para fomentar a paz e mellorar as relacións internacionais.