Revista Tempo Exterior

Con 25 anos de andaina, a revista semestral do IGADI, Tempo Exterior, é un punto de referencia dos estudos internacionais en Galicia. A revista caracterízase por unha historia e enfoque plural, tematicamente conectado ás liñas de investigación principais do IGADI, contando na súa historia coa colaboración de centenares de especialistas de recoñecido prestixio, tanto a nivel galego coma internacional.

Tempo Exterior é a única revista de carácter científico e temática internacional editada nunha das linguas cooficiais do Estado, o galego. A súa difusión espállase por España, ademais de a Portugal e a unha ducia de países de América Latina, en boa medida grazas á presenza da diáspora galega e á composición do Consello Científico da revista. Á súa vez, o Tempo Exterior mantén acordos de intercambio con numerosas universidades e centros de estudo de todo o mundo.

Tras máis de dúas décadas de Xulio Ríos, fundador e Presidente de Honra do IGADI, coma director do Tempo Exterior, no 2020 iniciouse unha nova etapa. Daniel González Palau (Director do IGADI), dinamizou a renovación do Consello de Redacción, coa participación de 7 investigadores de 7 grupos de investigación da universidade galega, e a designación dun novo director, Celso Cancela, profesor da Universidade de Vigo. Tamén durante o 2019 e o 2020 actualizouse o Consello Científico da revista, contando con 25 investigadoras, de Europa, as Américas e China.

Que dixeron do Tempo Exterior?

Celebración do 25 aniversario do IGADI (2017)

Esta revista ten que estar en todas as bibliotecas

Bichara KhaderUniversité Catholique de Louvain, Bélxica

Acompaña con acerto o pulso do mundo actual

Patrick O’SullivanBradford University, Reino Unido

É un rico espazo de diálogo entre sistemas, culturas e valores

Zhu LunAcademia de Ciencias Sociais, China

Sorprende pola excelente calidade dos seus contidos

Stéphane PaquinUniversité du Québec, Canadá

Ben se nota que cre no valor da pluralidade de visións

Robert MathewsNew York University, Estados Unidos

Leo con sumo interese Tempo Exterior

Natan LernerTel Aviv University, Israel

A túa achega é fundamental
para o IGADI do presente e do futuro

Subscríbete ao IGADI e ao Tempo Exterior
e fai parte da nosa comunidade

Consulta aquí os números soltos que podes comprar

Tes algo que preguntarnos?
tempoexterior@igadi.gal

Hemeroteca do Tempo Exterior (1997-2000-2023)

A revista, que comezou sendo no 1997 un boletín de novas e reflexións arredor do IGADI e o mundo actual evoluíu cara un formato académico, primeiramente coa segunda etapa, encabezada pro Xulio Ríos, entre o ano 2000 e o 2020, ano desde o que Celso Cancela acolleu a dirección da terceira etapa da revista.

Para o ano 2023 o equipo da revista lanzou un Call for papers, aberto para o TE46 ata o 30 de abril e para o TE47 ata o 30 de novembro. Para calquera dúbida podes contactar con tempoexterior@igadi.gal

O TE pódese reproducir citando fontes e autoría.