Instituto Galego de Análise e Documentación Internacional (IGADI)

O Instituto Galego de Análise e Documentación Internacional (IGADI) é un think tank independente que nace en 1991 cun dobre propósito: reflexionar sobre os problemas e tendencias da sociedade internacional contemporánea e pular por unha maior inserción de Galicia no mundo a todos os niveis.

. Análise e Opinión .

Opción de busca

Estados Unidos 177	Rusia 38	Asia 105	China e o mundo chinés 837
Cuba 37	Europa 177	Península Coreana 43	Cooperación ao desenvolvemento 20
Latinoamérica 323	Oriente Medio 161	Acción exterior de Galicia 142	Outros 298
Nacionalismos 23	África 75

Autoría

Acción exterior de Galicia

Enrique Sáez Ponte

27/10/2021

Nunca canses de ollar o que pasa no mundo

Artigo extraído do Libro Homenaxe a Xulio Ríos Paredes "Unha vida de compromiso para unha Galicia universal"

Cando Xulio empezou, hai máis de trinta anos, a estudar o que ocorría polo planeta adiante e creou o Instituto Galego de Análise e Documentación Internacional (IGADI, 1991) conectaba cunha necesidade urxente dun país que transitaba, en poucos anos, dunha situación demasiado pechada a outra moi aberta.

China e o mundo chinés

* VV.AA.

27/10/2021

Cuando China era otra cosa, por Mariano Aguirre

Artigo extraído do Libro Homenaxe a Xulio Ríos Paredes "Unha vida de compromiso para unha Galicia universal"

Hacia mitad de los años 1990 se decía que el mundo iba a ser unipolar bajo el liderazgo de Estados Unidos. La Unión Soviética se había desintegrado, la Unión Europea y Japón tenían futuros promisorios. Entre tanto, las guerras por delegación de las grandes potencias en países del Sur se transformaban en conflictos internos y en algunos casos con intervenciones de países vecinos, como era el caso de la República Democrática de Congo. En este escenario, China no era todavía China.

Outros

* VV.AA.

27/10/2021

Ondadas contra o Boi, por Carlos Méixome

Artigo extraído do Libro Homenaxe a Xulio Ríos Paredes "Unha vida de compromiso para unha Galicia universal"

Véxome, hai case trinta anos, nun despacho ordenado con meticulosa pulcritude, repousado nunha cómoda cadeira e derredor dunha mesa redonda, máis ampla e plural que unha simple mesa-camiña. Ás veces un lapsus de distracción ou un aquel de reflexión, orientan a miña ollada cara a luminosa xanela, tras da que se enxergan as vagas boureando no curuto rochoso sobre o que se empoleira o elegante perfil da torre de non sabemos que príncipe.

Europa

Daniel Prieto de Andrés

19/10/2021

Agora e sempre

O artigo corresponde á derradeira das catro partes da serie "Ucraína e Rusia: crise no este de Europa" na que se analiza a Crise de Crimea e a Guerra de Donbas

O conflito, segundo o politólogo surcoreano Ho-Won Jeong (1) é unha forma intensa de competición, entendendo o mesmo como algo inherente á esencia do comportamento humano e polo tanto, inevitable. En referencia a esa competición, sinala que a pesares de ser ambos conceptos comparables, non supoñen o mesmo, mentres que na competición, os actores loitan por conseguir uns obxectivos a partir dunhas normas e regulamentos marcados; o conflito supón conseguir eses obxectivos nun contexto de anarquía onde danar ou destruír ao adversario son opcións válidas para chegar ao obxectivo marcado.

Outros

* VV.AA.

13/10/2021

Xulio Ríos, o espírito internacionalista dun galego de nación, por Francisco Rodríguez

Artigo extraído do Libro Homenaxe a Xulio Ríos Paredes "Unha vida de compromiso para unha Galicia universal"

Coñecino no Instituto de Cangas do Morrazo, no curso 1974-1975. El tiña 17 anos, a min faltábame pouco para cumprir 30. Aqueles rapaces e rapazas, con vigor e proclividade a se sentiren galegos e galegas de nación, responderon, de forma entusiasta, ao ensino en lingua galega que un grupo de profesores practicamos como compromiso ineludíbel. Contamos co activismo multiplicador de Rafael, o bedel, bo amigo e orientador de mozas e mozos. Era tamén o proceso de mutación da conciencia sobre a propia realidade. Algo moi positivo aconteceu alí entón. E tivo secuelas positivas logo en moitos aspectos. Sempre teño na miña mente unha imaxe borrosa, produto da tristeza e da impotencia, tamén da moita emoción afectiva que aquelas rapaces e rapaces me producían: velos saír do Instituto en ocasións baixo vixiancia da Garda Civil.

Outros

Luís Álvarez Pousa

11/10/2021

Nos 30 anos do IGADI

Texto lido por Luis Alvarez Pousa no Acto de conmemoración dos 30 anos do IGADI, 1 de outubro de 2021

Trinta anos atrás, o mundo reconducía décadas de confrontación bipolar -a guerra fría-, e abríanse espazos nos que a comunidade internacional tiña a oportunidade de desafiar novos camiños de entendemento para a superación de conflitos. Coa revolución tecnolóxica permeabilizando a imparable transición cara un novo sistema de relacións baseado nun esperanzador reequilibrio de poderes. É no 1989 cando conflúen unha chea de circunstancias que van tensionar tódalas crises, e por iso algúns ven nel o que lle dá remate ao século XX, abrindo xa que logo portas ao descoñecido. Acontecementos tan decisivos como o da caída do muro de Berlín, a desaparición da Unión Soviética e o afundimento dos reximes comunistas, entre outros, confírenlle ese estatus fronteirizo entre séculos, e aparece á vez como o frontón que acelera a crise institucional de Occidente, escachando nel as ideoloxías tradicionais.

Europa

Daniel Prieto de Andrés

09/10/2021

Donbas

O artigo corresponde á terceira das catro partes da serie "Ucraína e Rusia: crise no este de Europa" na que se analiza a Crise de Crimea e a Guerra de Donbas

Fronte a Crise de Crimea, onde puidemos presenciar unha ocupación dun territorio de xeito “pacífico” e unha anexión a outro país como foi neste caso á Federación Rusa, a cuestión do Donbas é moi diferente. Nun primeiro momento, trala destitución de Yanukovich, as protestas irían en aumento, claramente vinculadas ao apoio social e electoral que o que fora presidente ata ese momento contaba na zona. Estas protestas virán reforzadas pola aparición de figuras que serán erixidas tanto en Donetsk, como en Luhansk como “Gobernadores do pobo”. Estes líderes ademais de guiar e organizar aos manifestantes para ocupar edificios gobernamentais, rematarían por declarar a independencia de ambas provincias por separado, formando as Repúblicas Populares de Donetsk (RPD) e de Luhansk (RPL).

Europa

Daniel Prieto de Andrés

30/09/2021

Os pequenos homes verdes

O artigo corresponde á segunda das catro partes da serie "Ucraína e Rusia: crise no este de Europa" na que se analiza a Crise de Crimea e a Guerra de Donbas

O territorio coñecido como Crimea corresponde á rexión peninsular situada na costa Norte do Mar Negro. Este territorio atópase rodeado na súa maioría polo Mar previamente nomeado Mar de Azov, ao Nordeste. A nivel administrativo a península de Crimea pertence ao oblast ucraíno coñecido como Kherson, ao que está conectado xeograficamente a través do istmo de Perekop ao Norte da rexión. Na zona Este da península o territorio está separado xeograficamente do territorio ruso polo coñecido como Estreito de Kerch, aínda que existe unha conexión terrestre dende a construción en 2018 dunha ponte entre ambos territorios.

Europa

Christoph Schreinmoser

23/09/2021

Incerteza na recta final das eleccións alemás

Este domingo, o 26 de setembro de 2021, 60,4 millóns de cidadáns e cidadás teutóns están convocados a votar o próximo Bundestag, o parlamento alemán. Despois de 16 anos ao temón da chancelaría, este domingo rematara tamén a era Merkel. A de Hamburgo –a primeira muller en exercer o cargo–, conduciu a Alemaña a través de varias crises nos seus catro mandatos, decidiu non postularse de novo. Consecuentemente, a campaña electoral deste ano foi ferozmente disputada e estivo marcada por varios xiros e cambios de rumbo –algúns deles bastante sorprendentes.

Europa

Daniel Prieto de Andrés

17/09/2021

Ucraína, entre Rusia e a Unión Europea

O artigo corresponde á primeira das catro partes da serie "Ucraína e Rusia: crise no este de Europa" na que se analiza a Crise de Crimea e a Guerra de Donbas

O día 21 de novembro de 2013 o Goberno ucraíno, co presidente Viktor Yanukovich á cabeza, asinaría un decreto polo que os preparativos para a firma do Acordo de Asociación entre o país eslavo e a Unión Europea (UE) quedaban suspendidos.