Cuba

Distribuir

Boa parte do traballo do IGADI plásmase en numerosos artigos e colaboracións en prensa e revistas especializadas.

Para unha mellor clasificación e localización dos actuais 2319 artigos que integran a sección de Análise e Opinión, temos dividido estes nos seguintes apartados temático/xeográficos:

158 Estados Unidos	72 África
35 Cuba	101 Asia
309 Latinoamérica	43 Península Coreana
22 Nacionalismos	122 Acción exterior de Galicia
37 Rusia	819 China e o mundo chinés
165 Europa	19 Cooperación ao desenvolvemento
158 Oriente Medio	259 Outros

Cuba

Xulio Ríos

26/07/2018

Praza

A actualización constitucional cubana

Despois do longo proceso de actualización do modelo económico, semella chegar agora a hora da actualización política en Cuba coa proposta dunha reforma constitucional. O anteproxecto aprobado hai escasos días pola Asemblea Nacional incorpora novidades, moi especialmente unha posta ao día que recollerá as principais transformacións experimentadas na illa nos últimos tempos ao abeiro daquela actualización. Será esta a terceira modificación da Constitución de 1976, tralas efectuadas en 1992 e 2002.

Cuba

Xulio Ríos

20/04/2018

02/05/2018

ECO

A Cuba de Díaz-Canel

Miguel Díaz-Canel foi aclamado polos seus pares do Parlamento cubano ao ser elixido por práctica unanimidade como novo presidente da illa caribeña. A súa non foi unha elección improvisada senón produto da planificación interna do Partido Comunista de Cuba, desta vez sen cometer o erro de acelerala como noutros casos, segundo dixo Raúl. O feito é que a xeración que naceu despois da Revolución de 1959 deu un paso á fronte e isto traerá mudanzas, aínda que haxa polo momento máis continuidades ca rupturas.

Cuba

Xulio Ríos

18/12/2016

Tempos Novos

O legado de Fidel Castro e o futuro de Cuba

Non se pode contar a historia do século XX nin de Cuba nin de América Latina e ata do mundo prescindindo da figura de Fidel Castro. Con todo, a súa é unha personalidade a destacar non tanto como teórico, como creador ou xerador de ideas, de pensamento novo, como de persuasor, de sedutor, de persoa comprometida con ideais aos que se mantivo fiel ao longo de toda a súa vida. Foi Fidel un revolucionario, un supervivente en condicións perpetuamente adversas, pero non certamente un ideólogo. Por iso mesmo, o seu legado quedará asociado ao feito histórico da Revolución, á inquebrantable vontade de persistir na defensa da soberanía nacional e da xustiza social fronte ao mais poderoso veciño hostil e, conseguintemente, comprometido coas loitas e frontes antiimperialistas en todo o mundo onde agora tanta estima recolle. É esa condición humana, ese compromiso ao longo de toda a súa vida, o exemplo moral, o que deixa como principal legado. E moito é.

Cuba

Xulio Ríos

15/04/2016

16/04/2016

Praza

Congreso en Cuba: Rectificación ou Morte

Do 16 ao 19 de abril transcorrerá na Habana o VII Congreso do Partido Comunista de Cuba (PCC). O evento deberá analizar a actualización do modelo económico impulsado desde 2006, cando Raúl Castro (85 anos) asumiu o poder iniciando un proceso de modificación da estrutura económica sen alterar o rumbo político da illa. Este será o derradeiro congreso para a xeración histórica que levou adiante a revolución en 1959 e ten lugar nun contexto internacional inédito, marcado polo restablecemento de vínculos diplomáticos con EUA e o reinicio das negociacións coa UE.

Cuba

Xulio Ríos

23/03/2016

Praza

Obama mais aló de Cuba

A visita do presidente Barack Obama a Cuba culminou simbolicamente o proceso iniciado a finais de 2014 para a normalización entre La Habana e Washington, asegurou a virtualidade do seu legado e supón un paso de xigante para abrir una nova etapa política non só nas relacións bilaterais senón intracontinentais recuperando parte da influencia perdida en décadas anteriores.

Cuba

Xulio Ríos

17/03/2016

01/04/2016

ECO

Nova etapa Cuba-UE

Despois de dúas décadas de distanciamento, Cuba e a UE concluíron as negociacións para un Acordo Marco que normalizará e relanzará as relacións bilaterais. Atrás queda a “Posición Común” alentada polo ex presidente José María Aznar en 1996, en plena aureola de aliñamento con EUA, nun intento baldío de illar a Cuba do resto do mundo ao condicionar a cooperación aos avances en materia de dereitos humanos (¿facemos o propio con Arabia Saudita?). A proposta de Aznar rubricaba en solo europeo o mesmo ton da Lei Helms-Burton promulgada en Washington, configurando unha dobre tenace para intensificar o bloqueo asfixiando a La Habana, a partires de entón sen diálogo político nin coa UE nin, por suposto, con EUA.

Cuba

* VV.AA.

15/10/2015

05/10/2015

El Universal (Caracas)

El Papa, Cuba y Estados Unidos

Una reflexión de Alfredo Toro Carnevali

No fue una coincidencia que la reciente visita del Papa Francisco a las Américas incluyera sólo dos paradas, Cuba y Estados Unidos. Logar un acercamiento entre ambos países, incluyendo un levantamiento del bloqueo a Cuba, estaba en su agenda.

Las sanciones económicas hacia Cuba incluyen, entre otras medidas,el fin de cualquier ayuda técnica o financiera a países que mantenganrelaciones comerciales con Cuba, la prohibición de atracar en un puerto estadounidense durante 180 días para todos aquellosbarcos que intercambien bienes con Cuba y la penalización financiera acualquier empresa extranjera que comercie con Cuba, incluyendo la prohibición de comerciar con Estados Unidos. Se estima que,desde la instauración del bloqueo a Cuba en 1962, el daño económico ocasionado al pueblo cubano ronda en 833mil 755 millones de dólares.

Cuba

Roberto Mansilla Blanco

07/09/2015

RNE

A apertura diplomática entre Cuba e EUA

Intervención en RNE de Roberto Mansilla Blanco

Programa "Cinco Continentes" de Radio Nacional de España. "A apertura diplomática entre Cuba e EUA", entrevista con Roberto Mansilla Blanco, analista do IGADI.

Cuba

Xulio Ríos

23/04/2015

01/05/2015

ECO

O poder dun saúdo

Cuba e EUA amosaron en Panamá o seu compromiso co fin programado da guerra fría que os enfrontou durante máis de cinco décadas. Agora, a reanudación das relacións diplomáticas, suspendidas dende o 3 de xaneiro de 1961, abre un horizonte de normalidade que terá consecuencias rexionais con unha vasta redistribución de alianzas e influencias. Esa normalización ten un efecto en Sudamérica similar á caída do muro de Berlín en Europa.

Cuba

* VV.AA.

20/03/2015

Sermos Galiza

Cuba-Estados Unidos: Outra pelexa cubana contra demos

Unha reflexión de Soledad Cruz, escritora e ex representante de Cuba ante a UNESCO

As relacións con Estados Unidos son un mal necesario e o maior risco para a Revolución cubana na súa máis de media centuria de historia. Só poderán estabelecerse se se elimina o bloqueo e outras medidas agresivas do gran imperio contra a illa porque sería un disparate abrir embaixadas para darlle facilidades a Estados Unidos para o seu labor subversivo interno, o cal declarou abertamente a actual administración.

Cuba

Xulio Ríos

20/03/2015

Sermos Galiza

“A UE estivo subordinada á política exterior de EEUU cara a Cuba e seguirao estando”

Entrevista con Juan Valdés Paz, sociólogo e Premio Nacional de Ciencias Sociales y Humanísticas 2014 de Cuba

-Tras o anuncio de reanudación das relacións entre Cuba e EEUU ábrese un novo escenario. Que expectativas lle suxire a nova etapa que agora comeza?

-A etapa caracterízase por unha alta incerteza. Nela compréndense a normalización das relacións diplomáticas, así como prolongadas negociacións acerca de numerosos contenciosos. Ao longo dese proceso ambas as partes perseguirán os seus propios e expresos obxectivos. Un desenlace óptimo sería que ambas as partes obtiveran algunha ganancia.

Cuba

Julio A. Díaz Vázquez

20/03/2015

Sermos Galiza

Cuba: actualizar o modelo económico

En Cuba, a Revolución deulle a volta á orde social estruturada no país. Producíronse dúas profundas reformas agrarias, en 1959 e en 1963, rexeitadas polo veciño anglosaxón, e as nacionalizacións da industria, da banca, do comercio, dos servizos, dos transportes... Unha política que culminou na derrota da invasión de Praia Girón (1961). A Revolución encamiñouse cara ao socialismo. A propiedade estatal sustentou o futuro socioeconómico de Cuba. A elección producía na Illa un salto no tempo. Ironías do destino, o socialismo xurdía onde as condicións económicas non eran as máis propicias.

Cuba

* VV.AA.

20/03/2015

Sermos Galiza

Notas sobre o desenvolvemento produtivo en Cuba

Unha análise de Ricardo Torres, profesor no Centro de Estudos da Economía Cubana (Universidade da Habana)

A crise económica de inicios dos noventa motivou o corremento do balance na xestión da economía cara ao curto prazo, para atender as urxencias dun período excepcional. Aínda que Cuba iniciou a recuperación en 1994, a taxa de crecemento medio do Produto Interno Bruto (PIB) cubano estivo ao redor de 1,8% anual, o cal sitúa ao país entre os de peor desempeño en América Latina. Se se toman en conta só os anos posteriores a 1993, a media elévase a 3,2%. Isto aínda é inferior á media da rexión no mesmo lapso e é un dos desempeños máis discretos na área. Neste contexto, reveláronse algunhas tendencias preocupantes na estrutura produtiva como os pobres resultados dos sectores produtores de bens, a súa escasa competitividade externa e a alta concentración da cesta exportábel nuns poucos ámbitos, xeralmente de baixo valor agregado; o declive de varias ramas industriais claves como a produción de bens de investimento; a alta concentración do emprego en servizos non transables e/ou desconectados das cadeas produtivas da economía; e o escaso desenvolvemento dos servizos produtivos. Iso condicionou un ritmo moi lento de crecemento da produtividade xunto a baixas taxas de acumulación.

Cuba

Jared D. Larson

20/03/2015

Sermos Galiza

Cambios coa Habana, status quo en Washington

Desde os anuncios paralelos dos respectivos presidentes de Estados Unidos e de Cuba en decembro do ano pasado para iniciar, publicamente polo menos, o abrandamento nas súas relacións diplomáticas, hostís e inexistentes desde hai máis de 50 anos, xa se derramou moita tinta en reanalizar antecedentes históricos. Pero para moitos estadounidenses, incluíndo á maioría dos congresistas, no mellor dos casos a historia é algo demasiado alleo á vida cotiá e no peor caso a historia non existe. En Estados Unidos, a ignorancia da historia implica que o debate político sobre o proposto achegamento cubano-estadounidense, ou a crítica da Administración Obama por parte do partido republicano máis ben, non é nada novo e o futuro a medio-prazo é fácil prognosticar.

Cuba

Xulio Ríos

20/03/2015

Sermos Galiza

Cuba impórtanos

Cuba vive momentos de cambio e de expectación. O proceso de actualización económica, dunha banda, e, doutra, a normalización das relacións con EUA, configuran un novo tempo para a Revolución cubana que, unha vez máis, confronta a difícil tesitura da súa supervivencia. Tralo fin do socialismo ir-real e a afirmación transitoria do mundo unipolar, Cuba foi quen de resistir o embate da mundialización do mercado preservando as esencias do seu modelo. Agora, un cuarto de século despois do derrube do muro de Berlín, La Habana, nunha orde mundial en acelerado proceso de transformación, encara a necesidade de repensar o modelo en busca dun novo equilibrio entre eficiencia económica e xustiza social.

Tempo exterior: Revista de análise e estudos internacionais

Main menu

Cuba

Distribuir

. Quen somos .

.Artigos.

Lista de etiquetas dos contidos

Etiquetas

Apartados temático/xeográficos

Galerias

Idioma

Iniciar sesión