Distribuir contido

Oriente Medio

Distribuir

Distribuir contido

Boa parte do traballo do IGADI plásmase en numerosos artigos e colaboracións en prensa e revistas especializadas.

Para unha mellor clasificación e localización dos actuais 2284 artigos que integran a sección de Análise e Opinión, temos dividido estes nos seguintes apartados temático/xeográficos:

22/06/2013
21/06/2013
El Correo Gallego

“Siria libre” ou “Bachar marcha” son algúns dos motivos que varios xoves de Deraa escribiron nos muros da súa escola aló por marzo de 2011. Tal ousadía foi merecedora dunha pronta e enérxica resposta policial. Arrestos. Torturas. Dous de entre eles, Omar e Hamza, mesmo foron executados. A porta da rebelión estaba aberta. A inhumanidade das autoridades desatou a ira de milleiros de sirios que desafiaron a brutal represión do réxime. A perda de todo medo, a determinación amosada e a defensa do ideal democrático suscitou a admiración de medio mundo. Uns meses despois, en agosto, a contestación toma as armas. Non hai marcha atrás. A escalada violenta é imparable. As animosidades a flor de pel acadan un punto de non retorno.

21/06/2013
21/06/2013
Revista ZETA (Venezuela)

A certificación do fracaso político e militar de Washington en Afganistán confírmase ante a perspectiva de iniciar negociacións e contactos directos co seu tradicional inimigo Talibán, eventualmente a celebrarse en Doha (Qatar), como tentativa inevitable orientada a garantir un marco de estabilización e pacificación no caótico Afganistán gobernado desde finais de 2001 por Hamid Karzai. Estas negociacións constituirían unha especie de “acto final” da guerra de Afganistán iniciada a finais de 2001, focalizando a súa atención en dous escenarios imprescindibles que definirán o futuro de Afganistán: o retiro da misión militar da OTAN e da ONU a realizarse durante o primeiro semestre de 2014; e, principalmente, o marco político previo ás eleccións presidenciais afgáns a celebrarse na segunda metade do próximo ano. 

13/06/2013
13/06/2013
Praza Pública

Todas as esperanzas da comunidade internacional para atopar unha solución pacífica ao conflito sirio pasan pola conferencia internacional Xenebra II, que xa é cualificada como a "reunión da derradeira oportunidade". Estados Unidos e a Unión Europea, con Francia á súa fronte, actívanse para que o cónclave abra a porta a unha solución pacífica a un conflico que ten deixado xa máis de 94.000 mortos, segundo Nacións Unidas. Inicialmente prevista para xuño, Xenebra II celebrarase ao longo do mes de xullo, claro está, se todo vai segundo o previsto. Numerosos interrogantes planean arredor da conferencia. Elementos que introducen non poucas incertezas e que, a priori, abocan ao fracaso anticipado dista nova iniciativa de amaño negociado e pacífico dunha situación extrema e dramática.

12/06/2013
12/06/2013

A pesar do baixo perfil das candidaturas aprobadas polo Consello dos Gardiáns, os comicios presidenciais a celebrarse o próximo 14 de xuño en Irán dirimen o final dun prolongado ciclo político “post-revolucionario” iniciado a partir de 1989 no país persa, trala morte do seu Guía Supremo o aiatolá Ruhollah Jomeini. Este ciclo estivo visiblemente determinado pola conxunción e confrontación por parte de sectores de corte pragmático, reformista e incluso populista que, inevitablemente, definiron a paisaxe política do Irán post-Jomeini.

05/06/2013
05/06/2013
Praza Pública (Galicia)

As protestas dun “feixe de marxinais”, segundo o cualificativo empregado polo primeiro ministro turco, para salvagardar unha parcela de xardín público en pleno centro de Istambul derivou nunha mobilización cidadá contra a política de Recep Tayyip Erdogan. A chama da rebelión foi avivada por un uso excesivo da forza contra os contestatarios e a prepotencia do propio Erdogan, quen amais de menosprezar aos manifestantes non tivo a ben modificar un ápice a súa axenda, nin tan siquera de pospoñer a xira polo Magreb diante da explosiva situación do país.

03/06/2013
03/06/2013

A prolongación das protestas en diversas cidades turcas, con epicentro na polémica decisión por parte do goberno de Recep Tayyip Erdogan de construír un centro comercial en pleno corazón de Istambul e, principalmente, fomentadas pola desproporcionada represión por parte das autoridades contra os manifestantes, implica considerar a reactivación dunha serie de pulsos e transicións existentes na Turquía contemporánea, basicamente identificados pola secular confrontación entre sectores laicos e relixiosos, progresistas, modernistas, tradicionalistas e, incluso, entre diversas elites de poder existentes.

23/05/2013
23/05/2013
Praza Pública (Galicia)

A cada vez mais evidente “rexionalización” da guerra civil siria suxire a posta en marcha dunha estratexia impulsada dende o exterior, e traducida na apertura dunha fase decisiva que dirimirá, con case total probabilidade, o equilibrio na balanza de forzas, tanto combatentes como políticas, con intereses en Siria. Tanto como intuír cal será o futuro do réxime presidido por Bashar al Asad, o epicentro desta estratexia está deseñada na configuración dun novo mapa xeopolítico para Oriente Próximo.

16/05/2013
16/05/2013

Según diversas fuentes, Irak posee reservas de petróleo probadas de 112 mil millones de barriles y reservas probables calculadas en 215 mil millones de barriles (10% del total mundial) y algo menos de la mitad de las de Arabia Saudita (26%). Según la Dirección de Información Energética de Estados Unidos (EIA, Energy Information Administration), hasta un 90 por ciento del territorio iraquí permanece sin explorar, por haber sufrido durante décadas sanciones económicas y guerras lideradas por Estados Unidos.

26/04/2013
26/04/2013

A cadea de acusacións contra Siria iniciadas o pasado 22 de abril por parte dun alto mando militar israelí sobre o presunto uso de armas químicas (gas sarín) por parte do réxime de Bashar al Asad contra os rebeldes e a poboación civil, acusacións tacitamente apoiadas por EUA e Gran Bretaña, condicionan un escenario levemente similar ao acontecido contra o Iraq de Saddam Hussein previo á ilegal intervención militar liderada por Washington en marzo de 2003.

08/04/2013
08/04/2013
XXV Simposio Electrónico Internacional (SEI) del CEID (Argentina)

La dinámica de acontecimientos que se suceden en Oriente Próximo en los últimos años y, especialmente, los efectos directos y colaterales derivados de la denominada Primavera árabe, identifican un nuevo contexto geopolítico para la causa independentista kurda, cuyas perspectivas por alcanzar sus demandas históricas de constituirse en Estado independiente o, al menos, de obtener un mayor grado de autonomía regional en contextos como Irak y Turquía, son aspectos que parecen intensificarse a pesar de los contrastes y evidentes choques de intereses en torno a este objetivo.

22/03/2013
22/03/2013
Praza Pública (Galicia)

Unha década despois da ilegal intervención militar en Iraq dirixida polo ex presidente George W. Bush e os seus aliados internacionais, o legado mais palpable que nos deixa o Iraq da posguerra é a dun país sen perspectivas, cun sistema político debilitado polas constantes loitas sectarias, desarticulado no seu tecido social,  institucional e de infraestruturas e notoriamente esquecido da atención internacional, incluso se tomamos en conta o contexto da Primavera árabe e a inminente retirada militar estadounidense pautada para 2014.

04/12/2012
04/12/2012
Praza Pública (Galicia)

Como histórico pero politicamente simbólico pode cualificarse a aprobación realizada a semana pasada pola Asemblea Xeral da ONU, sobre a inclusión de Palestina baixo o estatuto de “Estado observador non membro”. A contundente votación a favor, plasmada na aceptación por parte de 139 países, con 41 abstencións e só 9 votos en contra (entre eles, obviamente, Israel e EUA), lle confire a esta votación un carácter incontestable de lexitimidade.

20/11/2012
19/11/2012

Angola é unha fermosa terra cun potencial natural de desproporcionadas dimensións, aínda que isto na altura non se traduza nunha mellora das condicións de vida dos seus moradores, debido, en parte, ao seu convulso pasado e ao seu inestábel presente.

19/11/2012
19/11/2012
Praza Pública

A actual crise de Gaza, a recente reelección presidencial de Barack Obama e a perspectiva de eleccións parlamentarias adiantadas en Israel para xaneiro de 2013, consideran unha serie de variables que poden definir a eventualidade dun inesperado cambio nas estratéxicas relacións entre Washington e Tel Aviv, tomando en conta as friccións existentes entre Obama e o primeiro ministro israelí Benjamín Netanyahu durante o período 2009-2012.

18/11/2012
16/11/2012

Ante a recente reelección presidencial de Barack Obama e coa perspectiva de eleccións parlamentarias adiantadas en Israel para xaneiro de 2013, pódese albiscar a posibilidade dun cambio nas estratéxicas relacións entre Washington e Tel Aviv, tomando en conta as friccións existentes entre Obama e o primeiro ministro israelí Benjamín Netanyahu durante o período 2009-2012?

Tempo exterior: Revista de análise e estudos internacionais