Mansilla Blanco

Distribuir

Distribuir contido
Vinculación

Mansilla Blanco, Roberto

Nome: 
Roberto

Analista do IGADI.
rmansilla@igadi.org


396 artigos publicados
IGADI
04/12/2019
Mentres en Londres dábase inicio (3-4 decembro) ao mais tirante cumio da OTAN coincidindo co seu 70º aniversario, Putin e Xi Jinping fortalecían a asociación estratéxica entre Rusia e China inaugurando o “megaproxecto” de gasoduto Siberia Power, que subministrará 38.000 millóns de metros cúbicos de gas natural ruso a China a través de 3.000 quilómetros. Unha OTAN na súa peor crise, motivada polas disputas internas entre Francia, EUA e Turquía (por certo, aliado estratéxico do eixe sino-ruso) implica observar o seu paulatino declive como motor da relación hexemónica “atlantista”, toda vez o eixe euroasiático trazado por Beijing e Moscova amosa o seu mais elevado nivel de relación, confirmando as expectativas do progresivo traspase hexemónico da clivaxe atlántica á euroasiática.
IGADI
21/11/2019
Creado en 1995 como Programa para o Desenvolvemento da Área do Gran Tumen, a Iniciativa Gran Tumén (IGT) está actualmente conformada pola República Popular de China (RPCh), Rusia, Mongolia e a República de Corea (Corea do Sur). Xapón e a República Popular Democrática de Corea (Corea do Norte) son tamén socios do IGT, fortalecendo a capacidade deste foro multilateral por propiciar unha plataforma transfronteiriza de cooperación e desenvolvemento que permita o achegamento entre “inimigos históricos” como son ámbalas dúas Coreas e Xapón. O IGT amplía tamén a súa esfera a través do seu apoio ás iniciativas chinesas da Franxa e da Ruta.
IGADI
18/11/2019
Comercio en vez de xeopolítica. Intereses bilaterais en vez de multilateralismo. O recente Cumio de Brasilia 2019 marca o momento e o estado actual dos BRICS, lonxe das esperanzas esgrimidas nos seus inicios (2001) por fortalecelo como paladín das “potencias emerxentes” na construción dun novo sistema global para o século XXI. O baixo perfil en aras de propiciar un entendemento, aínda que sexa parcial, impón agora o seu ritmo.
IGADI
12/11/2019
Lula libre pero Evo fóra. Mentres o ex presidente brasileiro saía da prisión tras verificarse que o seu xuízo estaba “politicamente viciado”, un dos seus mais estreitos aliados, o agora ex presidente boliviano Evo Morales, renunciaba á presidencia, tras presión das Forzas Armadas motivada por semanas de mobilizacións populares contra un presunto fraude electoral realizado nos comicios presidenciais do pasado 20 de outubro. Precisamente, unha auditoría da OEA ditaminou que eses comicios estiveron “viciados de irregularidades”, debido a que resultaba “estatisticamente improbable” que Evo gañara por maioría absoluta en primeira rolda electoral.
IGADI
30/10/2019
A atención nas protestas que vense levando a cabo en América Latina non debe descoidar outros escenarios onde se presentan igualmente fortes manifestacións de malestar cidadá, tal e como se está observando actualmente coas protestas en Líbano e Iraq. O primeiro ministro libanés Saad al Hariri renunciou ao seu cargo tras días de protestas nas rúas. E na veciña Iraq, milleiros de manifestantes protestan pola corrupción e a precariedade económica. Ámbolos dous casos, o libanés e o iraquí, reflicten sistemas políticos fráxiles determinados por múltiples equilibrios políticos, en gran medida supeditados a identidades de carácter confesional, toda vez a persistencia do conflito sirio e o pulso hexemónico rexional entre potencias rivais (Irán, Israel, Arabia Saudita) contribúen a fragmentar aínda mais o panorama. En perspectiva, estamos observando a codificación dunha era do malestar global, presente nas rúas dende Quito e Santiago de Chile ata Hong Kong, de París a Beirut e Bagdad.
Praza Pública (Galicia)
28/10/2019
A contundente vitoria electoral de Alberto Fernández nas presidenciais arxentinas (48,10%) predín posibles reestruturacións tanto a nivel de liderados como de tendencias políticas a nivel rexional. Con crises persistentes a nivel institucional en Perú, socioeconómicas en Chile e Ecuador e postelectoral en Bolivia, a rexión tamén rexistrou comicios presidenciais en Uruguai (a definir en segunda volta) e municipais en Colombia (cunha severa derrota para o uribismo). O contexto ofrécese así proclive a eventuais cambios na recente configuración da arquitectura política e de integración rexional, particularmente en casos concretos como a incerta continuidade de plataformas como o Grupo de Lima, moi activas dentro da crise venezolana, e a recuperación de espazos dende a esquerda vía Foro de São Paulo e Grupo de Puebla.
Ciudad CCS (Venezuela)
23/10/2019
A crise social e política acaecida recentemente en Ecuador, parcialmente aplacada tralo acordo entre o presidente Lenin Moreno e o movemento indixenista CONAIE, xunto ás violentas tensións sociais en Chile, a crise institucional en Perú e as incertezas pos-electorais en Bolivia, catalizan as aínda visibles consecuencias derivadas do descontento cidadá ante a actual representación política e a aplicación de “paquetazos” e medidas de austeridade impulsadas polo FMI. Este cóctel explosivo aumenta este malestar ante a corrupción institucionalizada (caso Odebrecht) e particularmente polo cadro de recesión económica derivada da caída dos prezos das materias primas, o cal obstaculiza o gasto público expansivo experimentado por diversos gobernos de esquerdas durante a década de 2000.
Sermos Galiza
09/10/2019
En entrevista para Sermos Galiza, Roberto Mansilla, analista do IGADI e experto na política en Latinoamérica, cre que “a precariedade da estabilidade política” ecuatoriana fai “impredicíbel” o desenlace do conflito. No contexto actual, a chave interprétase na gran capacidade de mobilización e de presión política que ten a CONAIE (Confederación de Nacionalidades Indíxenas de Ecuador).
Praza Publica
10/10/2019
A táctica anuencia de Washington e Moscova á ofensiva militar turca no Norte de Siria, particularmente enfocada na rexión de Rojavá, controlada polos kurdos sirios, denota intereses estratéxicos, moitos deles contrapostos, enfocados na futura reconstrución de Siria e dos prolíficos proxectos de desenvolvemento que se agardan instaurar no país árabe. Nesta dinámica de intereses de diversos actores, o obxectivo de Washington enfócase en desequilibrar o eixe ruso-turco-iraniano instaurado en Siria dende o cumio de Sochi de 2017. Para Moscova, significa manter en pe ese “eixe de Sochi” a través do seu aliado turco, cuxo presidente Recep Tayyip Erdogan busca consolidar as súas esferas de influencia rexional mantendo un equilibrio entre dous eixes polarizadores como Trump e Putin. Na recámara está o drama kurdo, un pobo historicamente sometido a intereses alleos posibilitados polos silencio da comunidade internacional.
IGADI
09/10/2019
A rexión andina volve a confrontarse cos seus conflitos e dilemas. Compre así observar as actuais crises políticas in crescendo en Ecuador e Perú, o retorno da loita armada en Colombia por parte dunha facción das FARC, a interminable traxedia humanitaria venezolana, cunha indefinición política con repercusións na contorna rexional. Estas crises anteceden a dous procesos electorais presidenciais (Bolivia, 20 de outubro; Arxentina, 27 de outubro) cruciais para definir se estamos ante un novo (re) equilibro político rexional. Gravitando en torno á situación venezolana, este contexto pode anunciar outra recomposición de forzas políticas na contorna suramericana.
Tempo exterior: Revista de análise e estudos internacionais