Martínez Pellitero

Distribuir

Vinculación

Colaboración

Martínez Pellitero, Miguel Ángel

Nome:

Miguel Ángel

Foto:

fotomiguelangelpellitero.jpg

Especialista en Economía Internacional e Desenvolvemento e colaborador do IGADI

12 artigos publicados

Outros

IGADI

02/10/2019

O planeta pide cambiar de estratexia

Tralo recente cumio en Nova Iorque para urxir a loita contra a crise climática e as multitudinarias manifestacións que se deron en numerosas cidades ao longo de todo o mundo, o pasado 27 de setembro, de novo a necesidade de reformular o sistema en torno á utilización que estamos facendo do planeta terra volve a estar no centro de tódolos debates. Esa necesidade de transformar o sistema cara un mais amigable co planeta e o manexo dos recursos naturais leva anos evolucionando dende unha loita marxinal cara unha moito mais transversal a todos os sectores da sociedade, liderada especialmente polas xeracións mais xoves -representados, queiran ou non, pola xa famosa Greta Thumberg-, conscientes de que no caso de non comezar xa mesmo a traballar nesta dirección, seguramente eles (nós) mesmos sufrirán (sufriremos) en primeira persoa as grandes ameazas climáticas -tamén en España- que se divisan para antes de finais de século.

Outros

IGADI

17/09/2019

Cooperación? de que tipo?

As reflexións críticas sobre o papel que debe xogar a cooperación nos proceso de desenvolvemento están construíndo unha discusión ben nutrida de perspectivas e argumentos tanto no seu prol coma na súa contra. Son moitas e moi diversas as formas de disentir con respecto á utilidade da cooperación ao desenvolvemento, dende os que a consideran insuficiente ata os que cuestionan mesmo a súa utilidade e a súa eficacia.

Latinoamérica

22/08/2019

Principio do fin do Acordo de Libre Comercio MERCOSUR-UE

O pasado 28 de xuño a Unión Europea e o MERCOSUR chegaron a un pacto histórico. Tras mais de dúas décadas de negociacións, ambas partes asinaron un acordo de libre comercio que se ben aínda non está nin finalizado -fallan negociacións que seguen en curso- nin ratificado polos países membros, comeza a perfilar os seus pasos finais, mais aínda cando se comeza a falar de que certas cláusulas permitirían aplicar algúns puntos dun tratado que aínda se estima que demorará, coma mínimo, dous anos en (se chega) entrar en vigor.

Latinoamérica

IGADI

08/08/2019

México non consegue reverter a pobreza

O “Consejo Nacional de Evaluación de la Política de Desarrollo Social” de México ven de publicar este 5 de agosto un estudio sobre a evolución da pobreza, tanto a nivel estatal como nas 32 entidades federativas que compoñen o país para o ciclo 2008-2018. Un período sumamente interesante no nivel económico en canto inclúe todo o ciclo posterior á gran recesión e recuperación posterior nun país fortemente dependente do gran foco da crise (os EUA) e na esfera política, pois atinxe primeiro os últimos anos do ex presidente Felipe Calderón (2006-2012) e despois o mandato completo do controvertido Enrique Peña Nieto (2012-2018).

Cooperación ao desenvolvemento

22/07/2019

A Paz como condición necesaria para o desenvolvemento

Cando falamos dun proceso de desenvolvemento completo, os economistas adoitamos a dar por sentado un dos piares sobre os que se debe asentar calquera sociedade moderna, a paz. Sen embargo, nos últimos lustros os conflitos armados multiplícanse máis do que se reducen, imposibilitando o progreso en moitos dos países subdesenvolvidos e con peores condicións materiais. Falamos especialmente das disputas no África e no Oriente Medio, mais tamén poderían entrar nesta categoría as escaladas violentas nos últimos anos nalgúns países de América Latina e o Caribe asociadas á pobreza e a exclusión.

Cooperación ao desenvolvemento

IGADI

01/07/2019

O gran reto: a Axenda de Desenvolvemento Sostible

A xa mainstream Axenda 2030 estase a converter no axente catalizador de moitos dos procesos de transformación e desenvolvemento arredor de todo o global. A través dos doados de lembrar “cadriños de cores” -os 17 ODS- se instrumentan políticas e iniciativas sociais, económicas e medio ambientais, enfocadas a través de cinco eixos, as 5P (en inglés): planeta, persoas, prosperidade, paz e alianzas que deben, ao longo da próxima década, converter o noso mundo nun lugar mais habitable, xusto e sostible.

Latinoamérica

IGADI

18/06/2019

Arxentina: en estado crítico

A directora executiva do Fondo Monetario Internacional, Christine Lagarde, ven de recoñecer que dende Washington subestimaron os efectos da recesión na Arxentina, de xeito que o principal debedor do ‘seu’ organismo con mais do 60% dos créditos concedidos polo FMI está nun momento especialmente crítico. Agora, as previsións do Centro de Estudios Latinoamericanos para a Arxentina sinalan en ata un 1,3% a caída da economía nacional para o presente exercicio.

Europa

IGADI

23/05/2019

Portugal: o turismo como estratexia de Estado

A estratexia de promoción turística da República de Portugal na última década ven sendo un exemplo que, de seguro, pronto será estudado –e posteriormente imitado- por moitos países e competidores. Especialmente no derradeiro lustro, Portugal experimentou unha explosión brutal, que está permitindo ao sector liderar o crecemento do país do que falamos hai apenas unhas semanas neste mesmo foro.

Latinoamérica

IGADI

25/04/2019

Evolución e Contribución dos ODS en América Latina (II)

Case catro anos despois da entrada en funcionamento da Axenda 2030 das Nacións Unidas e os 17 Obxectivos de Desenvolvemento Sostible instrumentalizados en 169 metas e varios centos de indicadores, América Latina e o Caribe afronta un foro crucial baixo o paraugas da Comisión Económica para América Latina e o Caribe (CEPAL), do que deberán definirse análises de seguimento concretos que redefinan as estratexias de desenvolvemento e planificación nacionais nos próximos anos. Un tema non menor nunha das rexións que mais recursos e capacidades ten investido nesta idea do desenvolvemento nas últimas seis décadas.

Latinoamérica

IGADI

25/04/2019

Evolución e Contribución dos ODS en América Latina (I)

Nos últimos días, a Comisión Económica para América Latina e o Caribe (CEPAL) ven de rebaixar considerablemente as súas previsións de crecemento para a rexión neste 2019 do 1.7% ao 1.3%, o que unido á inminente ‘Terceira Reunión do Foro dos Países de América Latina e o Caribe sobre o Desenvolvemento Sostible’ do 24 a 26 de abril en Santiago de Chile, invítanos a reflexionar sobreo funcionamento da Axenda 2030 de desenvolvemento sostible da ONU, os ben coñecidos 17 Sustainable Development Goals neste espazo.

Tempo exterior: Revista de análise e estudos internacionais

Main menu

Martínez Pellitero

Distribuir

Martínez Pellitero, Miguel Ángel

. Quen somos .

.Artigos.

Lista de etiquetas dos contidos

Etiquetas

Apartados temático/xeográficos

Galerias

Idioma

Iniciar sesión