Eurasia

Distribuir

Boa parte do traballo do IGADI plásmase en numerosos artigos e colaboracións en prensa e revistas especializadas.

Para unha mellor clasificación e localización dos actuais 2598 artigos que integran a sección de Análise e Opinión, temos dividido estes nos seguintes apartados temático/xeográficos:

184 Estados Unidos	77 África
37 Cuba	109 Asia
336 Latinoamérica	43 Península Coreana
23 Nacionalismos	168 Acción exterior de Galicia
44 Rusia	851 China e o mundo chinés
211 Europa	26 Cooperación ao desenvolvemento
161 Oriente Medio	328 Outros

Outros

Roberto Mansilla Blanco

04/12/2019

IGADI

OTAN en crise, Eurasia en ascenso

O declive “atlantista” fortalece o eixe sino-ruso

Mentres en Londres dábase inicio (3-4 decembro) ao mais tirante cumio da OTAN coincidindo co seu 70º aniversario, Putin e Xi Jinping fortalecían a asociación estratéxica entre Rusia e China inaugurando o “megaproxecto” de gasoduto Siberia Power, que subministrará 38.000 millóns de metros cúbicos de gas natural ruso a China a través de 3.000 quilómetros. Unha OTAN na súa peor crise, motivada polas disputas internas entre Francia, EUA e Turquía (por certo, aliado estratéxico do eixe sino-ruso) implica observar o seu paulatino declive como motor da relación hexemónica “atlantista”, toda vez o eixe euroasiático trazado por Beijing e Moscova amosa o seu mais elevado nivel de relación, confirmando as expectativas do progresivo traspase hexemónico da clivaxe atlántica á euroasiática.

Latinoamérica

Roberto Mansilla Blanco

30/11/2017

Esglobal (España)

O eixe euroasiático de Putin pasa por Venezuela

O cumio sobre o futuro de Siria realizado na localidade rusa de Sochi o pasado 22 de novembro debe ser observado con atención polo presidente venezolano Nicolás Maduro. Nelas están establecidas diversas variables colaterais que, en chave xeopolítica e enerxética, reforzan a cada vez mais estreita relación (con visos de dependencia económica) de Maduro co seu aliado ruso Vladimir Putin.

Rusia

* VV.AA.

08/11/2016

IGADI

Un Cáucaso Sur estratéxico pero esquecido

Unha análise de José Corrochano Ponte (alumno en prácticas da USC)

Enclavado dentro do estratéxico espazo euroasiático ex soviético, o Cáucaso Sur dirime un pulso de intereses xeopolíticos e de carácter enerxético do que non escapan seculares conflitos internos de carácter político, etno-lingüístico e incluso cultural-relixioso. Aparecen así conflitos sen resolver en entidades estatais de feito (Nagorno Karabaj, Osetia do Sur, Abxasia), expresións de irredentismo secesionista e de presenza xihadista no Cáucaso Norte ruso (Chechenia, Daguestán, Ingushetia, Osetia do Norte), penetración de intereses occidentais (“revolucións de cores” en Xeorxia, ampliación da OTAN, OSCE e UE), un breve pero intenso conflito rexional (guerra entre Rusia e Xeorxia en 2008) e incluso as implicacións indirectas do conflito ucraíno, en particular o retorno de Crimea á soberanía rusa (2014). Deste xeito, o Cáucaso Sur amosa un marcado pulso de intereses entre diversos actores rexionais (Rusia, Turquía, Irán) e outros externos (UE, EUA, OTAN, Israel, China), comprometidos na tramitación de esferas de influencia e de control das rutas de distribución dos recursos enerxéticos do Mar Caspio, escenario que abre unha nova etapa dentro das estratexias xeopolíticas rexionais.

Asia

Roberto Mansilla Blanco

08/09/2016

Praza Pública (Galicia)

Convulsa Asia Central

Tras un paréntese de aparente inmobilidade, o contexto xeopolítico euroasiático está presenciando discretamente una serie de sucesos que apuntan a presaxiar posibles reconfiguracións de orde estratéxico, polo pronto incertos, e cuxos efectos colaterais poderían procrear a renovación de tensións dende o Cáucaso ata Asia Central. Á expectación causada pola súbita reconciliación entre Rusia e Turquía, observada como recreación do proxecto euroasiático definido como un claro desafío aos imperativos xeopolíticos do eixe atlantista, deben engadirse outros acontecementos que acrecentan a incerteza e as inquietudes. Entre eles destacan o proceso de transición de poder en Uzbekistán tralo pasamento do ex presidente Islam Karímov; o inédito ataque á embaixada chinesa na capital kirguiza, Bishkek; e a recente designación do tayiko Gulmurod Jalímov como o novo xefe de operacións do Estado Islámico en Siria e Iraq, o cal implica observar con atención un eventual revival do xihadismo islamita en Asia Central. O transfondo deste contexto anuncia implicacións estratéxicas que moi probablemente afectarán o establishment centroasiático.

Outros

Roberto Mansilla Blanco

04/08/2016

Mundiario (Galicia-España)

O ritmo de Eurasia

Con vistas á reconciliación turco-rusa prevista na visita que realizará o presidente Recep Tayyip Erdoğan ao seu homólogo ruso Vladimir Putin o próximo 9 de agosto en San Petersburgo, pódese intuír o fortalecemento das bases de concreción dunha entente entre Ankara e Moscova que progresivamente permita definir as potencialidades dun eixe euroasiático, cun radio de extensión identificada entre o Cáucaso, Oriente Próximo, Asia Central, China e o sueste asiático. Con todo, estamos ante a posibilidade de observar unha audaz viraxe xeopolítica anti-atlantista nun país membro da OTAN como Turquía? Como incidirán estas expectativas dentro do labiríntico conflito sirio? E de cara ás eleccións presidenciais estadounidenses? Cabe agardar unha inmediata reacción contraria por parte do eixe atlantista? Todas estas interrogantes planean a gran escala dentro dun imprevisto contexto xeopolítico, con capacidade de alterar substancialmente diversos intereses afirmados dentro do estratéxico establishment euroasiático.

Outros

Roberto Mansilla Blanco

27/07/2016

Praza Pública (Galicia)

De golpe en golpe

Monopolizada a atención informativa nos pormenores do truculento golpe militar en Turquía e da brutal purga post-golpe, compre observar a escasa cobertura realizada cos recentes sucesos acaecidos en Kazajstán, un dos maiores produtores de gas natural a nivel mundial, enclavado na estratéxica Asia Central, así como en Armenia, sacudida como Turquía por outra misteriosa e infrutuosa trama golpista. No caso kazajo, unha serie de protestas e inquietantes sucesos de corte subversivo acaecidos desde maio pasado, en gran medida derivados dunha polémica reforma na lei de terras, ven recreando escenarios de aparente descontento co presumible obxectivo de potencialmente desestabilizar o réxime presidencialista de Nursultán Nazarbayev. O foco neste escenario implicaría eventualmente recrear situacións de inestabilidade xa presentes durante a pasada década dentro do espazo ex soviético, agora contextualizadas nunha gradual recomposición de eixes estratéxicos dentro do espazo euroasiático.

Asia

* VV.AA.

15/12/2015

IGADI

“One Belt, One Road” ou “Un Cinto, Un Camiño”

Unha análise de Martín Boado Carro (estudante en prácticas da USC)

No ano 2013, China lanzou o que pode ser o proxecto máis transcendente da súa política exterior nos próximos anos impulsado polo presidente Xi Jinping, o “One Belt, One Road”. Trátase de reavivar a lendaria Ruta da Seda – que conecta o leste de Asia con Europa dende fai máis de 2000 anos – a través do comercio e da cooperación política e cultural entre os case 60 países implicados no proxecto.

Tempo exterior: Revista de análise e estudos internacionais

Main menu

Eurasia

Distribuir

. Quen somos .

.Artigos.

Lista de etiquetas dos contidos

Etiquetas

Apartados temático/xeográficos

Galerias

Idioma

Iniciar sesión