Siria

Distribuir

Boa parte do traballo do IGADI plásmase en numerosos artigos e colaboracións en prensa e revistas especializadas.

Para unha mellor clasificación e localización dos actuais 2474 artigos que integran a sección de Análise e Opinión, temos dividido estes nos seguintes apartados temático/xeográficos:

178 Estados Unidos	76 África
37 Cuba	106 Asia
323 Latinoamérica	43 Península Coreana
23 Nacionalismos	147 Acción exterior de Galicia
39 Rusia	839 China e o mundo chinés
179 Europa	20 Cooperación ao desenvolvemento
161 Oriente Medio	303 Outros

Estados Unidos

Xulio Ríos

20/04/2018

02/05/2018

Tempos Novos

Unha segunda guerra fría?

En realidade, nunca se foi de todo. Mesmo despois da disolución da antiga Unión Soviética, a salvo da nosa visión eurocéntrica do mundo, en América Latina (Cuba e máis) ou en Asia (Corea do Norte pero tamén Taiwán) puideron se apreciar tensións herdadas daquel binomio que condicionou boa parte da evolución das relacións internacionais do século XX. E aí seguen á espera de solución coas mesmas hipotecas.

Estados Unidos

Roberto Mansilla Blanco

20/04/2018

IGADI

Diplomacia de garrote

A controvertida “operación castigo” a través de bombardeos selectivos en Siria realizado o pasado 15 de abril, impulsada por EUA, Gran Bretaña e Francia, xunto ás revelacións de negociacións secretas entre o Secretario de Estado Mike Pompeo co líder norcoreano Kim Jong un, manifesta a confusa política de “pau e cenoria” que o presidente Donald Trump ten a man en Siria e Corea do Norte. O obxectivo estratéxico programado por Trump en ambos escenarios revela a intención de conter a posibilidade de que as súas dous principais rivais, Rusia e China, gañen posicións no taboleiro xeopolítico global.

Estados Unidos

Roberto Mansilla Blanco

11/04/2018

13/04/2018

Revista ZETA (Venezuela)

Trump vaise polo Camiño de Damasco

Ao priorizar o conflito sirio por riba do Cumio das Américas de Lima, o presidente estadounidense reforza as peticións do á dura e dos “falcóns” do Pentágono ante a posibilidade de que o cada vez máis complexo xadrez xeopolítico sirio convértase nun estratéxico revés para Washington en Oriente Próximo.

Oriente Medio

* VV.AA.

12/12/2017

IGADI

Tras Daesh, existe solución política para Siria?

Unha análise de Alexandre Rey Parrado, colaborador do IGADI

Ante a progresiva e constante perda militar de territorio e capacidades do Estado Islámico, actualmente diluído en bolsas illadas da divisoria sirio-iraquí ou en áreas desérticas (sen poboacións significativas baixo o seu control), comeza a asumirse a necesidade dun plan para o post-conflito. Recentemente o presidente Vladimir Putin aseguraba que a “operación militar” en Siria atopábase a piques de rematar e que imperaba centrarse nunha “saída política” para o conflito. Nesta senda parecen discorrer as posturas de Irán e Turquía, materializándose na reunión trilateral de presidentes do pasado 22 de novembro en Sochi.

Oriente Medio

* VV.AA.

08/11/2017

IGADI

A marca do Daesh: a destrución do patrimonio histórico sirio-iraquí

Unha análise de Alexandre Rey Parrado, colaborador do IGADI

Cando no 2015 comezaron a difundirse, de forma global e mediática, imaxes de militantes do Estado Islámico profanando e destruíndo vestixios arqueolóxicos en Nimrud (Iraq) ou no museo de Mosul, un forte halo de indignación e consternación percorreu o seo da comunidade internacional. A nova mostra de barbarie denotaba unha ambición máis aló do terreal, da conquista militar ou do control sociopolítico, cuxo último fin parecía borrar da historia e do ideario colectivo toda iconografía, mostra artística ou cultural que definise unha alternativa á súa interpretación radical e maniquea do Islam. Ao marxe da súa cabida nunha estratexia propagandística ben medida, asistíamos a unha nova fase no obxectivo de “limpeza cultural”.

China e o mundo chinés

Xulio Ríos

10/04/2017

11/04/2017

Rebelión

Dous paxaros dun tiro

Son múltiples, sen dúbida, os xeitos de interpretar o resultado do recente cume Trump-Xi. Non obstante, que, a continuación, o grupo de ataque do portaavións estadounidense Carl Vinson parta de Singapur con rumbo a augas próximas á península de Corea no medio dunha nova escala de tensión na zona, é un dato relevante. O despregue chegou tras cancelar unha visita anteriormente programada a un porto de Australia. O dato invita a pensar nun novo fortalecemento da presenza militar de Washington na rexión.

Estados Unidos

Roberto Mansilla Blanco

07/04/2017

IGADI

A guerra de Trump

A súbita e inesperada decisión unilateral de Donald Trump de intervir no conflito sirio mediante o bombardeo dunha base militar do réxime de Bashar al Asad na localidade siria de Homs, presentada oficialmente como resposta ao ataque químico desta semana en Idlib, implica observar con maior precisión en qué medida a presión política que os “falcóns” do Pentágono e do Partido Republicano están exercendo sobre a súa presidencia está modificando substancialmente as hipotéticas prioridades estratéxicas que Trump tiña previsto a súa chegada á Casa Branca.

Oriente Medio

Roberto Mansilla Blanco

24/01/2017

27/01/2017

Revista ZETA (Venezuela)

A pax siria de Putin

Auspiciadas por Rusia, Turquía e Irán, as conversas de paz para Siria que se levan actualmente a cabo en Kazajstán supoñen a pedra angular que o presidente ruso Vladimir Putin agarda deseñar no novo contexto global. Así, Moscova busca ampliar a súa influencia a través do eixe euroasiático nun contexto de confusas expectativas para Occidente, en particular trala asunción presidencial de Donald Trump na Casa Branca, do Brexit en fase de definición e do inquietante calendario electoral europeo para 2017.

Oriente Medio

Roberto Mansilla Blanco

30/12/2016

Tempos Novos (Galicia). Xaneiro de 2017

Siria: terá solución en 2017?

Se o contexto mundial para 2017 estará determinado pola imprevisión, a guerra que vive Siria desde 2011 podería ironicamente alcanzar un punto de inflexión decisivo, en gran medida posibilitado pola determinación do eixe conformado por Rusia, Turquía e Irán de exercer a súa influencia á hora de prover algún tipo de solución de feito do conflito. Con todo, a inevitable fragmentación territorial de Siria encarna un dos mais graves dramas humanitarios da “posguerra fría”, cunha xeración de sirios atomizados pola guerra e o éxodo refuxiado ante a impasible inacción da comunidade internacional.

Oriente Medio

Roberto Mansilla Blanco

24/11/2016

Palavra Comum (Galicia)

O “escudo” sirio de Erdoĝan

Son cada vez maiores as especulacións enfocadas nunha presunta invasión militar turca a Siria, a través da denominada “Operación Escudo do Éufrates”. De eventualmente certificarse, asistiríamos á primeira invasión militar en Siria por parte dun país membro da OTAN que, ironicamente, ten reorientado nos derradeiros meses un xiro xeopolítico de cariz “euroasiático”, especialmente manifestado coa súa entente con Rusia. Alén das pretensións xeopolíticas establecidas polo cada vez mais autocrático presidente turco Recep Tayyip Erdoĝan, cuxa masificación da represión interna consolídase ante a opaca reacción occidental, este súbito xiro dos acontecementos por parte de Erdoĝan en Siria supón un cambio de ecuación de carácter disuasivo e preventivo, a fin de asegurar os intereses turcos ante a próxima asunción presidencial de Donald Trump e para neutralizar as inquietudes atlantistas sobre a definición xeopolítica de Ankara.

Oriente Medio

Roberto Mansilla Blanco

16/09/2016

Revista ZETA (Venezuela)

O pacto de Xenebra

O acordo entre Moscova e Washington de condicionar desde o pasado 12 de setembro un alto ao fogo en Siria, así como as expectativas de activar operacións militares conxuntas para combater posicións do Estado Islámico e da Fronte Al Nusra, determina a viraxe mais decisiva destinada a progresivamente neutralizar un conflito entrampado desde fai máis de cinco anos. No entanto, este súbito acordo fortalece os obxectivos xeopolíticos do Kremlin esgrimidos tanto en Oriente Próximo como dentro do espazo euroasiático, definidos pola activación dun eixe de cooperación con Turquía e Irán na perspectiva de manter en pe ao réxime de Bashar al Asad e condicionar unha eventual repartición de esferas de influencia no anunciado crebacabezas do post-conflito sirio.

Oriente Medio

Roberto Mansilla Blanco

10/06/2016

IGADI

“Balcanizar” Siria e Iraq

Chama a atención a case nula cobertura rexistrada nos mass media sobre a crise política que está a vivir actualmente Iraq, sumida no caos sectario e institucional con visos de desintegración estatal de feito. A recente irrupción na denominada Zona Verde de Bagdad de simpatizantes do clérigo xiíta Muqtada al Sadr evidencia os trazos de disfuncionalidade estatal iraquí, toda vez a indiferenza internacional, probablemente calculada, vai á par do silencio que igualmente estase a percibir dentro do complexo crebacabezas na veciña Siria. Ambos factores anuncian expectantes cambios de equilibrios motorizados por unha “balcanización” rexional visualizada pola previsible disolución estatal siria e iraquí, polo sórdido pulso de intereses estreitamente ligados a imperativos enerxéticos, e finalmente do monumental fracaso da Doutrina Bush (2004) e das incertezas da non menos unilateral Doutrina Obama focalizada na apertura con Irán, pero que aprecian notorias incapacidades de disuasión para emendar a desfeita xeopolítica rexional.

Europa

Alfredo Toro Hardy

29/02/2016

IGADI

La historia en reverso: Europa y el impacto de los pueblos llegados del mar

En las décadas anteriores y posteriores al 1200 AC, en las postrimerías de la llamada Edad de Bronce, las franjas Sur y Sur-Oriental del Mediterráneo fueron invadidas por poblaciones que venían del mar. El impacto desestabilizador de estos llamados “pueblos del mar”, sobre las grandes civilizaciones de la época, fue de una magnitud tal que desató un largo período de oscurantismo. Aunque arqueólogos e historiadores no han podido determinar el origen exacto de los invasores, se acepta que los mismos venían de lo que es hoy Europa. Más aún, pareciera existir amplia coincidencia en la premisa de que el impulso migratorio masivo que determinó estas invasiones vino dado por catástrofes humanas y naturales en sus lugares de origen.

Oriente Medio

Roberto Mansilla Blanco

16/02/2016

Praza Pública (Galicia)

“Refuxiados” en Múnic

Sen prover un marco definido para a solución do interminable conflito sirio así como do desastre humanitario motivado pola crise de refuxiados, a recente Conferencia de Seguridade de Múnic evidenciou en qué medida as grandes potencias antepoñen sen ambigüidades os seus intereses xeopolíticos na confección do “novo Oriente Próximo”, por riba das necesidades de poboacións azoutadas polos estragos da guerra. Intereses principalmente motorizados por EUA e Rusia a través dos seus respectivos aliados (Arabia Saudita, Turquía, Irán), persuadidos da necesidade de asegurar os seus imperativos estratéxicos nunha cada vez mais visible desintegración de feito de Siria.

Oriente Medio

Roberto Mansilla Blanco

16/12/2015

Mundiario (Galicia-España)

Xaque en Siria

Queda claro que o futuro de Siria foi previamente acordado na xuntanza desta semana en Moscova entre o secretario de Estado estadounidense John Kerry e o presidente ruso Vladimir Putin. A obsesión de Washington focalízase en minorar a influencia rusa dentro deste novo contexto, así como no obxectivo de “sacar da partida” ao mandatario sirio Bashar al Asad, reconstituíndo o mapa político a través dun diálogo entre o goberno e a oposición siria a realizarse a partir do próximo 1º de xaneiro. Este escenario da a entender un pacto de circunstancias entre Moscova e Washington motivado pola necesidade de alcanzar unha saída a calquera prezo do interminable conflito sirio, aparentemente sen decatarse de que os efectos colaterais do mesmo albíscanse como máis decisivos e problemáticos.

Tempo exterior: Revista de análise e estudos internacionais

Main menu

Siria

Distribuir

. Quen somos .

.Artigos.

Lista de etiquetas dos contidos

Etiquetas

Apartados temático/xeográficos

Galerias

Idioma

Iniciar sesión