Galego

Distribuir

Boa parte do traballo do IGADI plásmase en numerosos artigos e colaboracións en prensa e revistas especializadas.

Para unha mellor clasificación e localización dos actuais 2625 artigos que integran a sección de Análise e Opinión, temos dividido estes nos seguintes apartados temático/xeográficos:

187 Estados Unidos	80 África
37 Cuba	109 Asia
337 Latinoamérica	43 Península Coreana
23 Nacionalismos	175 Acción exterior de Galicia
44 Rusia	857 China e o mundo chinés
215 Europa	27 Cooperación ao desenvolvemento
161 Oriente Medio	330 Outros

Europa

David Reinero González

28/11/2022

A UE desembarca no xuízo de Angrois: as institucións comunitarias como amparo da cidadanía

O xoves 7 de xullo de 2016, case tres anos despois do accidente de Angrois, o máis grave nas últimas décadas en Europa, con 80 persoas mortas e 144 feridas, a investigación do sinistro mudou por completo. Aquel día a UE fixo público un informe da Axencia Ferroviaria Europea que invalidou a investigación técnica oficial que fixera o Ministerio de Fomento apuntando en exclusiva ao maquinista. O autor daquel informe, o xefe do departamento de Seguridade da axencia europea, Christopher Carr, comparecerá este próximo xoves 1 de decembro no xuízo que se está a desenvolver en Santiago, na que está marcada por todas as partes persoadas na causa como unha das datas máis relevantes da vista oral.

Europa

Oleksiy Romanov

27/11/2022

O agresor terrorista segue crendo que lle teñen medo

O martes 15 de novembro, ao redor das 15:40 horas, xusto cando Rusia estaba a lanzar o seu ataque de mísiles máis masivo contra Ucraína desde o inicio da invasión, producíronse en Przewodów, un pobo polaco a uns 5 km da fronteira con Ucraína, dúas explosións que custaron a vida a dúas persoas nunha instalación agrícola. O goberno polaco ordenou o despegamento de varios cazas e puxo en estado de alerta máxima algunhas unidades militares na fronteira. Convocouse unha reunión extraordinaria do goberno e todo o mundo retivo a respiración, porque se se trataba dun impacto de mísiles rusos, podíase invocar o artigo 5 do Tratado da OTAN, segundo o cal un ataque a un dos 30 membros da alianza considérase un ataque a todos. Para ser un ataque deliberado faltaban probas, sabíase só que había un fragmento que podía ser do mísil S-300, de fabricación rusa, pero que era usado polas dúas partes do conflito en Ucraína. Aínda que é unha arma antiaérea, os rusos usárona tamén contra obxectivos en terra.

Acción exterior de Galicia

Rubén C. Lois González

17/11/2022

Os Cumios Ibéricos: A necesidade de avanzar máis

A identidade portuguesa construíuse fronte á ameaza española de agresión desde o século XVII. A española seguiu outras canles, pero moitas veces minusvalorou ao veciño ou ofreceulle benintencionados proxectos iberistas, que non chegaron nunca a concretase. A división da Península Ibérica no período das ditaduras do século XX, o Estado Novo (1933-1974) e franquismo (1936/39-1975), aproveitou e potenciou a desconfianza entre os dous pobos e a visión sempre estereotipada do outro. Os gobernantes cooperaban, por suposto na represión, e ao mesmo tempo elaboraban un discurso nacionalista que procuraba manter ben pechadas as fronteiras, só espazos inseguros e de contrabando. Neste contexto, Galiza sempre foi un actor político menor desde a época dos Austrias, aínda que mantivese moitos trazos culturais, paisaxísticos e económicos comúns con Portugal, e a súa fronteira fose moito máis porosa que noutros lugares.

Acción exterior de Galicia

Daniel González Palau

14/11/2022

Galicia no mundo multipolar dos anos 20

Nun mundo máis líquido que o da vella Guerra Fría mais onde as interdependencias e a conectividade son maiores, as alianzas aínda que estables, non solidifican como nos vellos tempos. Nesa nova atmósfera, na UE xeopolítica que está a nacer de maneira desperezada coa invasión rusa de Ucraína, dinamízase un proceso de articulación pendente que debera desenvolverse durante a próxima década, o da súa acción exterior.

Europa

Oleksiy Romanov

11/11/2022

A manobra de Khersón

Esta semana comezou cunha declaración importante do presidente ucraíno Zelenskyi, confirmando que Ucrania nunca se negou a negociar con Rusia, pero está disposta a facelo sobre unha base seria e nomeou as condicións relevantes para iso:

Acción exterior de Galicia

Antonio Alejo

09/11/2022

Pensando as cidades intermedias de alcance global dende A Coruña

As 2ª Xornadas "A Coruña no mundo global do S.XXI" celebraranse o 23, 24 e 25 de novembro do 2022

Inspirada nos Obxectivos de Desenvolvemento Sostible 11 (Cidades e comunidades sustentables) e 17 (Asociacións para acadar os obxectivos) da Axenda 20230, esta nota reflexiona sobre cómo as cidades intermedias teñen as súas propias características e capacidades para cumprir un papel global nun contexto global no que as cidades asumen un papel relevante nas diversas axendas globais (cambio climático, desenvolvemento, entre outras). Para reflectir sobre iso, aquí destacamos como o traballo en rede e a colaboración entre axentes económicos e culturais contribúen á proxección exterior e á capacidade de atractivo territorial dunha cidade como A Coruña.

China e o mundo chinés

Xulio Ríos

03/11/2022

Tempos Novos

Xi Jinping apura o paso da China

Tralo XX Congreso do Partido Comunista de China (PCCh), o xigante oriental entra nunha nova fase. Xi Jinping, quen lidera o país dende 2012, asegurouse un novo mandato que anticipa unha prolongación do seu poder mesmo mais aló de 2027, se a saúde llo permite, ante a falta dun sucesor claro. Esa persistencia da figura de Xi á fronte do Partido, pero tamén do Estado e do Exército –extremos a confirmar en marzo próximo- asegura igualmente a continuidade da súa política que neste congreso acentuou os límites co denguismo (1978-2012) precedente.

Acción exterior de Galicia

Tamara Espiñeira

31/10/2022

Día Mundial das cidades: Un 11, un 9 e un rañaceos

Cada 31 de Outubro, as Nacións Unidas convidan a celebrar o Día Mundíal das Cidades, para sensibilizar arredor dos problemas urbanos. Este ano ten como lema “Actuar localmente para ser globais” e o evento correspondente se celebra en Shanghai. Esta xornada foi instituída pola Asemblea Xeral das Nacións Unidas en 2014, case 70 anos trala creación deste organismo multilateral e despois de 50 anos de discusións arredor do termo cidade e das súas implicacións.

Europa

Oleksiy Romanov

23/10/2022

A ponte queimada de Putin

O pasado 8 de outubro, cando Putin acababa de celebrar o seu 70º aniversario, produciuse un estraño incidente na ponte que une a península anexionada de Crimea coa parte continental de Rusia. Por mor da explosión dun tráiler que cruzaba a ponte incendiáronse varias cisternas con combustible dun tren que, casualmente, atopábase detido á beira do lugar do accidente. Moito lume e fume, pero a ponte non resultou destruída, a circulación de automóbiles foi renovada o mesmo día, a ferroviaria ao día seguinte (aínda que para restablecer a capacidade de tránsito completa as autoridades rusas poñen o prazo de xullo).

Cooperación ao desenvolvemento

Xulio Ríos

21/10/2022

Faro de Vigo

Fondeando aquí

(25 anos da constitución do Fondo Galego de Cooperación e Solidariedade)

O tempo fai a substancia, diría Borges. O Fondo Galego de Cooperación e Solidariedade, que agora celebra os seus 25 anos de existencia instituído como axencia local para a cooperación internacional, é un exemplo dese estreito vínculo entre o paso do tempo e a adquisición de certa substancia. Probablemente, o segredo da súa perennidade, e por tanto tamén do seu éxito, radique na confianza en alentar algo xenuíno e propio.

Acción exterior de Galicia

Daniel González Palau

17/10/2022

Entrevista a Jesús Gamallo, Director Xeral de Relacións Exteriores e a UE e Cooperación ao Desenvolvemento da Xunta de Galicia

Esta entrevista fai parte do Informe anual da Acción Exterior de Galicia, Informe Nós No Mundo 2021-2022: 25 anos: Da Secretaría Xeral á Lei de Acción Exterior

1. O mundo cambiou moito desde o 1997. Que acontecementos ou procesos, galegos ou internacionais destacaría?

Sen dúbida o lanzamento do euro. A Unión Económica e Monetaria (UEM) foi un salto cualitativo fundamental na construción europea, a pesares da resistencia dos sucesivos gobernos británicos. A súa forza integradora para os que nos comprometemos coa UEM consolida o proxecto europeo. Grazas a esta trabe mestra do edificio continental resistimos os golpes da crise económica da pasada década e agora as ondas lesivas da invasión rusa na Ucraína.

Acción exterior de Galicia

Daniel González Palau

17/10/2022

Entrevista a Ana Ramos, Directora da Oficina en Bruxelas da Fundación Galicia Europa

Esta entrevista fai parte do Informe anual da Acción Exterior de Galicia, Informe Nós No Mundo 2021-2022: 25 anos: Da Secretaría Xeral á Lei de Acción Exterior

1- O mundo cambiou moito desde o 1997. Que acontecementos ou procesos, galegos ou internacionais destacaría?

No plano europeo, destacaría as sucesivas ampliacións (1999, 2004, 2007) que nos levou a unha Unión Europea de 28 Estados membros. E como non, o brexit, a primeira saída dun Estado do club comunitario. A ampliación cara o Leste deixou a Galicia máis afastada do centro xeográfico da UE e cambiou os equilibrios no Consello, facendo as negociacións máis complicadas. Así e todo, son optimista ao ver os avances que está a facer a UE nos últimos anos: en materia sanitaria -ao facer fronte de forma coordinada á pandemia-, económica -ao emitir por primeira vez grandes cantidades de débeda pública para sufragar a recuperación económica-, e os novos pasos que se están dando cara unha Unión Europea da Defensa, acelerados agora pola invasión rusa de Ucraína.

Outros

Christoph Schreinmoser

11/10/2022

MONDIACULT 2022: A cultura como un ben público mundial

A semana pasada celebrouse en México un congreso internacional multilateral que, a pesar de pasar case desapercibido entre as noticias sobre outros eventos políticos de alcance global, é de maior importancia para o mundo e o sector da cultura. Convocada en conxunto pola UNESCO e o Estado latinoamericano, a Conferencia Mundial da UNESCO sobre Políticas Culturais e Desenvolvemento Sustentábel (ou MONDIACULT 2022) constitúe a maior conferencia a escala global no ámbito da cultura nos últimos corenta anos: do 28 ao 30 de setembro reuníronse na Cidade de México as delegacións de 150 Estados, 135 delas encabezadas polos seus respectivos ministras e ministros de cultura. 40 anos despois da primeira MONDIACULT (Cidade de México, 1982) e 24 anos após a Conferencia Intergobernamental sobre Políticas Culturais para o Desenvolvemento (Estocolmo, 1998), a MONDIACULT 2022 celébrase para reforzar a cooperación internacional fronte aos actuais e complexos desafíos da cultura, da diversidade das súas expresións e das sociedades multiculturais contemporáneas.

Europa

Oleksiy Romanov

04/10/2022

O sentido dos “referendos” de Putin

Recentemente, en vésperas dos referendos nos territorios ocupados de Ucraína na Internet comezou a circular unha cita da Enciclopedia Militar Soviética do ano 1932: “Anexión, A toma por parte dun Estado dun territorio que non lle pertencía anteriormente, aparentemente formalizada segundo as esixencias do dereito internacional burgués... Para xustificar os actos de anexión nas relacións interestatais, ás veces escenifícase a "vontade" popular -en forma de plebiscitos entre a poboación dos territorios anexionados. Estes pseudo-plebiscitos representan unha falsificación da vontade popular, xa que se realizan en condicións de ocupación por parte do Estado que leva a cabo a anexión.” (Isto é algo que deberían ler os que aínda se tratan de convencer que as tropas invasoras están a retomar a “xesta antihitleriana”, porque exhiben a mítica “bandeira da vitoria de Berlín” onde agora cometen os seus crimes de guerra).

Latinoamérica

Wesley S.T Guerra

03/10/2022

"Bolsonaro saíu fortalecido e Lula vaino ter moi complicado: mesmo se gaña a segunda volta vaille ser difícil gobernar"

Entrevista a Wesley ST Guerra en Praza Pública, Por Marcos Pérez Pena

Brasil celebrou este domingo a primeira volta das súas eleccións xerais para elixir o seu novo presidente, renovar as dúas cámaras e escoller gobernadores estatais. Favorito nas sondaxes, que nalgúns casos apuntaba á posibilidade de que superase o 50%, finalmente Lula ficou no 48,4%, que o obriga a buscar a vitoria nunha segunda volta na que Bolsonaro (43,2%) se presenta moi fortalecido.

"Bolsonar ten grandes posibilidades de gañar. Os debates amosaron unha gran proximidade entre os candidatos que ficaron por debaixo do 5%, entre eles Tebet e Gomes, e Bolsonaro". Toda a entrevista en Praza.gal

Tempo exterior: Revista de análise e estudos internacionais

Main menu

Galego

Distribuir

. Quen somos .

.Artigos.

Lista de etiquetas dos contidos

Etiquetas

Apartados temático/xeográficos

Galerias

Idioma

Iniciar sesión