Noticias

Distribuir

“Os Xogos Olímpicos na era pandémica” unha reflexión coral sobre o impacto de Beijing 2022

13 de Setembro de 2022

- O documento é unha reflexión colectiva chinesa-iberoamericana, impulsada polo Institute for China-LAC-People to People Exchange (ICLPE desde agora) (Jiangsu, RP China) coa colaboración do IGADI (Galicia, España), arredor da nova imaxe internacional do país e a diplomacia olímpica.

- Na obra reflexionan sobre os Xogos Olímpicos de Beijing 2022 vinte autores, trece desde a China e sete desde o ámbito iberoamericano, destacando Brasil, Arxentina, México, Colombia, España ou Galicia. A publicación conta con artigos en castelán, portugués e galego, arredor do impacto dos Xogos Olímpicos de inverno de Beijing 2022.

- Pódese descarregar gratuitamente na seguinte ligazón .
Publícase o Tempo Exterior nº44 acompañando o Día nacional de Galicia "Representación dos gobernos territorias na UE. Experiencias e prácticas”

25 de Xullo de 2022

- O Tempo Exterior, a revista semestral de estudos internacionais do IGADI, xa está dispoñible na web (igadi.gal). A descarga é gratuíta. O número conta co apoio publicitario da Deputación da Coruña, a Deputación de Pontevedra e o Concello de Pontevedra, así como a colaboración da SX de Política Linguística da Xunta de Galicia.

- O número coordinado por Serafín Pazos Vidal, céntrase no papel dos gobernos territoriais europeos, achegándose ao papel do Comité das Rexión na articulación da UE, aos procesos abertos arredor da gobernanza multinivel no marco da Conferencia sobre o futuro de Europa, e a experiencias concretas de proxección exterior de carácter local e rexional, coma Euskadi, os gobernos locais de Austria, a cooperación interdaministrativa na Holanda ou a proxección exterior de Baviera.
Publicamos o informe Nós No Mundo 21-22 o Día da Galicia exterior, "25 anos: Da SX de Acción Exterior á Lei de Acción Exterior"

9 de Xullo de 2022

- O informe anual da acción exterior de Galicia fai na edición deste ano un balance histórico ao desenvolvemento desta política pública na historia autonómica.

- Para facer esta análise, contamos con entrevistas aos voceiros dos grupos políticos con presenza no Parlamento e a especialistas na materia, así como 12 artigos ligados á liña de investigación en paradiplomacia e acción exterior de Galcia do IGADI.

- O Nós No Mundo 21-22 publícase coincidindo co Día da Galicia Exterior, que se convoca en Anos Xacobeo e que cumpre a súa 6ª edición, no obxectivo de conectalo coa Galicia global da diáspora e significala. O Nós No Mundo 21-22 publícase co apoio da Secretaría Xeral de Política Linguística.
Xa dispoñible a décimoquinta edición do IGADI Annual Report (2021-2022) “Desorde pandémico, interdependencias e guerra”.

8 de Xuño de 2022

- A análise do acontecido nos últimos meses que fai o IGADI Annual Report (2021-2022) permite entender mellor o momento que vive o mundo coa Guerra da Ucraína e a resaca da pandemia da Covid-19 ao fondo.

-O IGADI Annual Report desvela como no 2021-2022 se desatan as desordes fraguadas nas últimas décadas que levaron a por en tensión o sistema de regras da sociedade internacional, mesmo chegando a destapar o tabú nuclear.

- O IGADI Annual Report (2021-2022) presentarase o día 20 de xuño coa Secretaría Xeral de Política Linguística, en Santiago de Compostela, ás 10:00 na sede da rúa de San Roque. Pódese descarregar o IAR aquí .
O CEPESE e o IGADI organizan o II Congresso de Ação Humanitaria e Cooperaçao para o Desenvolvimento, coa parcería da Universidade Fernando Pessoa

4 de Maio de 2022

- O II CIAHCD servirá de punto de encontro e debate lusófono arredor dos Dereitos Humanos no ámbito da axuda humanitaria e a cooperación ao desenvolvemento no S.XXI.

- O evento será en liña e celebrarase entre o 6 e o 9 de junho. As inscricións están abertas desde hoxe ata o 3 de xuño. Podes consultar o programa aquí.

- O IGADI participa por medio do OGALUS (Observatorio Galego da Lusofonía), coma un dos coordenadores do evento, dirixido ao público universitario e especializado en cooperación internacional no âmbito da lusofonia.
Visitas 30 aniversario do IGADI: Martes 26 o Alcalde Lores abre as visitas institucionais

25 de Abril de 2022

- As Visitas ao local, ubicado no Centro Cívico Sur do Concello de Pontevedra, comezaron o pasado venres 22 de abril e espallaranse no calendario até o 24 de xullo, realizándose actividades variadas con persoas e entidades do ecosistema da asociación, así coma representantes institucionais, políticos, académicos…

- No proceso, desvelarase a nova web da entidade, proxectada para a súa estrea o 9 de xullo, Día da Galicia Exterior.

- O martes 26 ás 12:00 darán inicio as visitas institucionais coa visita do Alcalde Miguel Anxo Fernández Lores ao local do IGADI no Centro Cívico Sur.
Dispoñible o Tempo Exterior 43: Política Exterior Feminista e moito máis

30 de Marzo de 2022

Pontevedra. O número 43 do Tempo Exterior (xullo-decembro 2021), a revista semestral de estudos internacionais do IGADI, xa está dispoñible na web (igadi.gal). A descarga é gratuíta.
A Política Exterior Feminista centra a revista Tempo Exterior nos seus números de 2021

23 de Novembro de 2021

- O número 42 do Tempo Exterior (xaneiro-xuño 2021), a revista semestral de estudos internacionais do IGADI, xa está dispoñible na web.

- O Tempo Exterior continua a súa terceira etapa histórica achegándose de maneira monográfica á Política Exterior Feminista nos números 42 e 43, pertencentes aos dous números semestrais de 2021.
A revista do IGADI Tempo Exterior abre un Call for Papers para o ano 2022

23 de Novembro de 2021

No marco da terceira época da revista semestral Tempo Exterior, o equipo da publicación lanza un call for papers para os números correspondentes ao ano 2022, número 44 (xaneiro-xuño) 2 de maio, e 45 (xullo-decembro) 30 de outubro. Podes ver aquí os chamados en galego, inglés, castelán, e portugués.
O IGADI celebrou o seu 30 aniversario homenaxeando a Xulio Ríos

4 de Outubro de 2021

- O evento congregou a ducias de persoas no Consello da Cultura de Galicia (CCG), que contando cun aforo limitado polas restricións froito da Covid-19, puido ampliar a difusión do evento a centenares de persoas que seguiron a retransmisitión en liña do mesmo, agora dispoñible na IGADI TV.

- O acto chegou ao seu momento máis emocionante coa intervención de Xulio Ríos, fundador e Presidente de Honra do IGADI, que animou a todas as persoas que fan parte da entidade a teimar no obxectivo de conseguir unha Galicia recoñecible no mundo desde si mesma, apostando polo traballo de investigación e de creación de pensamento próprio e orixinal, apegados a esta laboura desde o compromiso, o rigor e a independencia da sociedade civil.

Tempo exterior: Revista de análise e estudos internacionais

Main menu

Noticias

Distribuir

. Quen somos .

.Artigos.

Lista de etiquetas dos contidos

Etiquetas

Apartados temático/xeográficos

Galerias

Idioma

Iniciar sesión