Paradiplomacia

Distribuir

Boa parte do traballo do IGADI plásmase en numerosos artigos e colaboracións en prensa e revistas especializadas.

Para unha mellor clasificación e localización dos actuais 2627 artigos que integran a sección de Análise e Opinión, temos dividido estes nos seguintes apartados temático/xeográficos:

187 Estados Unidos	80 África
37 Cuba	109 Asia
337 Latinoamérica	43 Península Coreana
23 Nacionalismos	176 Acción exterior de Galicia
44 Rusia	858 China e o mundo chinés
215 Europa	27 Cooperación ao desenvolvemento
161 Oriente Medio	330 Outros

Acción exterior de Galicia

Daniel González Palau

30/11/2022

REVISTA ECO

A identidade de Galicia na globalización

Hai uns meses conseguín un exemplar do libro “A identidade de Galicia na globalización: Sociedade, Lingua e Cultura” coordinado por Uxío-Breogán Diéguez e Dolores Vilavedra, froito da sexta edición dos Foros do Instituto de Estudo das Identidades do Museo do Pobo Galego. As distintas sesións sucedéronse entre novembro e decembro do 2020, ano primeiro da pandemia, o que lle confire un aura especial as gravacións en youtube nas que agora se poden ver as intervencións.

Acción exterior de Galicia

Daniel González Palau

14/11/2022

Galicia no mundo multipolar dos anos 20

Nun mundo máis líquido que o da vella Guerra Fría mais onde as interdependencias e a conectividade son maiores, as alianzas aínda que estables, non solidifican como nos vellos tempos. Nesa nova atmósfera, na UE xeopolítica que está a nacer de maneira desperezada coa invasión rusa de Ucraína, dinamízase un proceso de articulación pendente que debera desenvolverse durante a próxima década, o da súa acción exterior.

Acción exterior de Galicia

Antonio Alejo

09/11/2022

Pensando as cidades intermedias de alcance global dende A Coruña

As 2ª Xornadas "A Coruña no mundo global do S.XXI" celebraranse o 23, 24 e 25 de novembro do 2022

Inspirada nos Obxectivos de Desenvolvemento Sostible 11 (Cidades e comunidades sustentables) e 17 (Asociacións para acadar os obxectivos) da Axenda 20230, esta nota reflexiona sobre cómo as cidades intermedias teñen as súas propias características e capacidades para cumprir un papel global nun contexto global no que as cidades asumen un papel relevante nas diversas axendas globais (cambio climático, desenvolvemento, entre outras). Para reflectir sobre iso, aquí destacamos como o traballo en rede e a colaboración entre axentes económicos e culturais contribúen á proxección exterior e á capacidade de atractivo territorial dunha cidade como A Coruña.

Acción exterior de Galicia

Tamara Espiñeira

31/10/2022

Día Mundial das cidades: Un 11, un 9 e un rañaceos

Cada 31 de Outubro, as Nacións Unidas convidan a celebrar o Día Mundíal das Cidades, para sensibilizar arredor dos problemas urbanos. Este ano ten como lema “Actuar localmente para ser globais” e o evento correspondente se celebra en Shanghai. Esta xornada foi instituída pola Asemblea Xeral das Nacións Unidas en 2014, case 70 anos trala creación deste organismo multilateral e despois de 50 anos de discusións arredor do termo cidade e das súas implicacións.

Acción exterior de Galicia

Daniel González Palau

28/09/2022

Entrevista a Antón Martínez Puñal, Profesor emérito de Dereito Internacional da USC e parte do Consello Reitor do IGADI

Esta entrevista fai parte do Informe anual da Acción Exterior de Galicia, Informe Nós No Mundo 2021-2022: 25 anos: Da Secretaría Xeral á Lei de Acción Exterior

1- O mundo cambiou moito desde o 1997. Que acontecementos ou procesos, galegos ou internacionais destacaría?

Desde a creación da Secretaría Xeral de Acción Exterior no 1997, organigrama da Xunta de Galicia, a globalización (económica, cultural, política...) non parou de tomar protagonismo na vida das persoas e as institucións, evidenciando as interdependencias e o impacto no noso modo de vida.

Acción exterior de Galicia

Daniel González Palau

26/09/2022

Entrevista a Luis Bará, Voceiro de infraestrututuras, medio ambiente e acción exterior e cooperación do BNG

Esta entrevista fai parte do Informe anual da Acción Exterior de Galicia, Informe Nós No Mundo 2021-2022: 25 anos: Da Secretaría Xeral á Lei de Acción Exterior

1. O mundo cambiou moito desde 1997. Que acontecementos ou procesos galegos ou internacionais destacaría?

No ámbito galego, o proceso de estancamento do autogoberno e a recentralización, que se insire nun proceso máis amplo de concentración de poder político, económico e financeiro en Madrid. Esta deriva centrípeta deixa a Galiza sen instrumentos de defensa e impulso no ámbito económico, social ou cultural, e explica a evolución negativa que sofre o noso o país desde o punto de vista demográfico, industrial, laboral, lingüístico… Precisamos poder político e capacidade de decisión para mudar o rumbo e comezar a sentar as bases dunha nova Galiza, forte, viva, libre e con futuro.

Acción exterior de Galicia

Daniel González Palau

26/09/2022

Entrevista a Luis Alvarez, Voceiro do Partido Socialista de Galicia-PSOE

Esta entrevista fai parte do Informe anual da Acción Exterior de Galicia, Informe Nós No Mundo 2021-2022: 25 anos: Da Secretaría Xeral á Lei de Acción Exterior

1. O mundo cambiou moito desde o 1997. Que acontecementos ou procesos, galegos ou internacionais destacaría?

Vivimos nun mundo en constante cambio, cheo de desafíos pero tamén de oportunidades para a presenza de Galicia no mundo. Os saltos cualitativos no proceso de construción europea, a transformación da nosa emigración coa a saída de Galicia de moitos integrantes da xeración máis preparada da nosa historia, a intensificación das relacións comerciais internacionais e a sucesión de crises como a que está vivindo o mundo como consecuencia da guerra de Putin en Ucraína, sen esquecer a crise climática… Galicia ten que ter una acción exterior que nos permita participar e aportar a nosa voz a todos estes procesos.

Acción exterior de Galicia

María Xosé Porteiro

16/08/2022

As Delegacións da Xunta no exterior

Este artigo fai parte do Informe anual da acción Exterior de Galicia, Informe Nós No Mundo 2021-2022: 25 anos: Da Secretaría Xeral á Lei de Acción Exterior

Sen rango diplomático, mais con competencias abondo -fóra das estritamente consulares, de defensa, de participación en organismos multilaterais, ou similares-, a acción e a política exterior de Galicia chantan os seus alicerces nunha antiga historia diaspórica adiantada á globalización onde case ningunha fronteira nos foi allea. Compartida pola secretaría do mesmo nome coa de emigración, algunhas competencias radican en política lingüística, promoción económica, cooperación ao desenvolvemento e na diplomacia cultural do Consello da Cultura Galega.

Acción exterior de Galicia

Enrique Sáez Ponte

27/10/2021

Nunca canses de ollar o que pasa no mundo

Artigo extraído do Libro Homenaxe a Xulio Ríos Paredes "Unha vida de compromiso para unha Galicia universal"

Cando Xulio empezou, hai máis de trinta anos, a estudar o que ocorría polo planeta adiante e creou o Instituto Galego de Análise e Documentación Internacional (IGADI, 1991) conectaba cunha necesidade urxente dun país que transitaba, en poucos anos, dunha situación demasiado pechada a outra moi aberta.

25/08/2021

Visita de Filipa Pais d’Aguiar e Serafín Pazos Vidal a Pontevedra, xunto a Marola Padín Novas e Daniel González Palau

Acción exterior de Galicia

Daniel González Palau

17/03/2021

REVISTA ECO

Tempo Exterior

Se co fin da Guerra Fría nacía en Galicia o IGADI (1991) coma centro de estudos internacionais, no 1997 editábase o primeiro Tempo Exterior en liña coa misión central da entidade: a promoción da nosa presenza internacional e a comprensión do mundo desde aquí. Naquela primeira etapa en páxinas amarelas e DIN A4 grampados, impresos de maneira trimestral, dábase conta das actividades e iniciativas do IGADI, acompañadas de artigos relevantes, que a estas alturas da globalización podemos identificar coma proféticos. Daqueles primeiros boletíns do Tempo Exterior, quédanos á espera da súa dixitalización, o arquivo dos mesmos entre o patrimonio documental de trinta anos que acumulamos na nosa biblioteca, no Centro Cívico Sur de Pontevedra.

03/03/2021

Xa na web a Memoria 2020

O impacto da pandemia afectou ao IGADI como ao conxunto da sociedade, forzando á reorganización virtual da nosa vida diaria e adaptando as nosas liñas de traballo tradicionais á nova normalidade, ao tempo que continuamos a traballar nos procesos de renovación interna.

Acción exterior de Galicia

Serafín Pazos Vidal

08/01/2021

A Lei de Acción Exterior de Galicia, un paso adiante, pero insuficiente

Hai que dar a benvida a este proxecto de Lei de Acción Exterior que complementa o traballo previo de máis de 30 anos de acción exterior de Galicia e supón un paso adiante verbo das Estratexias Anteriores. Hai que resaltar o enfoque holístico, polo cal se entende a acción exterior de Galicia coma un fenómeno colectivo que non se limita á propio goberno senón que implica a toda a sociedade.

Acción exterior de Galicia

Daniel González Palau

10/07/2020

REVISTA ECO

A paradiplomacia de Feijoo: do pecado orixinal ás ambivalencias

Nestes 11 anos de goberno do Presidente A. N. Feijoo o seu papel de liderado é recoñecido por todas. Un dos elementos sobre os que modelou o seu discurso público foi arredor do perfil internacional de Galicia, así coma da relevancia da globalización no noso futuro e modelo socioeconómico e sociocultural.

Acción exterior de Galicia

Daniel González Palau

14/02/2020

Revista LUZES

Unha Lei para ser nós no mundo

O artigo saíu publicado no número 76 da Revista Luzes, antes da convocatoria electoral autonómica do 5 de abril, polo que a entrada do proxecto de Lei no Parlamento fica suspendido sine die.

Para o IGADI (Instituto Galego de Análise e Documentación Internacional) o reinicio do curso en Galicia tralas vacacións de nadal ten un valor engadido especial. Agárdase para finais do mes de xaneiro a tramitación no Parlamento do proxecto de Lei de Acción Exterior e Cooperación ao Desenvolvemento de Galicia, que virá a converter en obsoleto tanto o actual Decreto 178/2015, de 26 de novembro, polo que se regula a acción exterior da Comunidade Autónoma de Galicia, como a máis vella Lei de Cooperación ao Desenvolvemento, de 2003.

Tempo exterior: Revista de análise e estudos internacionais

Main menu

Paradiplomacia

Distribuir

. Quen somos .

.Artigos.

Lista de etiquetas dos contidos

Etiquetas

Apartados temático/xeográficos

Galerias

Idioma

Iniciar sesión