Este transfondo estivo presente na reunión que a Alcaldesa Goretti Sanmartín e a Tenenta de Alcadesa, María Rozas, tiveron co Director do IGADI, Daniel González Palau Director e o seu Secretario e Coordenador da Liña de investigación en Economía, Diego Sande.
Por medio dun diálogo sincero e produtivo analizaron os antecedentes -nomeadamente o documento de Bases de Acción Exterior realizado para o Concello no 2019- a situación actual e as potencialidades de futuro.
O IGADI transmitiu ao novo Goberno municipal as potencialidades de poñer en valor a proxección turística da cidade para reinventarse, apoiándose na acción exterior para fortalecer o seu modelo de desenvolvemento económico e sociocultural para o presente e o futuro.
Neste sentido os representantes do IGADI incidiron na necesidade de revisar as BAEX da cidade no actual contexto, enmarcado pola definición da Estratexia Galega de Acción Exterior 2023-2027 e o lanzamento do Observatorio da Lusofonía Paz Andrade, como ferramenta da Lei de Acción Exterior.