Noticias

As novas dan conta das actividades máis destacadas do IGADI, como o lanzamentos das nosas publicacións, o inicio dalgún proxecto, a participación nalgunha actividade concreta, etc.

XIVSimposio

Inscríbete na XIV edición do Simposio Electrónico Internacional de Política China (21 e 22 de marzo)

O Simposio organizado polo IGADI-Observatorio de la Política China cumpre neste 2024 a súa decimo cuarta edición, abrindo unha nova época baixo a dirección de Raquel Isamara León de la Rosa. O Simposio evoluciona o seu formato, que agora concentrarase por medio de dous días de sesións temáticas en tempo real. Na edición deste 2024 colabora Casa Asia, que participará na inauguración por medio do seu Director, Javier Parrondo.

Tempo exterior Nº 47: A percepción de Galicia desde Portugal e o mundo lusófono

O Tempo Exterior 47 centra o seu monográfico na percepción de Galicia en Portugal e a lusofonía

O novo número da publicación universitaria do IGADI, presenta un monográfico coordenado por Rubén Lois (USC), arredor da percepción de Galicia en Portugal e a lusofonía. Os artigos seleccionados achéganse á historia, actualidade e complexidade desta proxección, así como á relevancia dunha mellor marca/imaxe Galicia nos territorios internacionais de lingua oficial portuguesa.

Sande Veiga, Diego

O Secretario do IGADI, Diego Sande, gaña o XXVI Premio Colmeiro da EGAP

O Premio Manuel Colmeiro convócase pola Escola Galega de Administración Pública para destacar traballos de investigación que teñan como obxecto a Administración pública de Galicia. Nesta ocasión premiou o traballo de Diego Sande “As políticas rexionais de innovación empresarial en Galiza. Análise de resultados no tecido produtivo a través do fondo tecnolóxico”.