Últimas noticias
Cal é o estado do planeta? Xa dispoñible o IGADI Annual Report 25-26
O IGADI Annual Report 25-26 presenta desta maneira as Chaves do 2025 e as Perspectivas 2026, acompañados de 10 análises por áreas xeográficas e transversais que atenden á evolución da multipolaridade, proceso que o IGADI Annual Report (IAR) retrata nas súas edicións anuais desde o ano 2008. O IAR 25-26 péchase coa selección das cinco personaxes do ano.
Conecta coa IGADI TV o 23 de abril: Que sabes das relacións bilaterais España-China?
Desde o mes de xaneiro do 2026 o IGADI-Observatorio de la Política China traballa nunha investigación arredor do papel da cooperación descentralizada no marco da Asociación Estratéxica Integral España-China (2004). Partindo desa investigación, o programa da IGADI TV do 23 de abril achegarase á historia e ás relacións bilaterais entre España e China, poñendo o foco de maneira específica nos vínculos entre os dous países grazas á cooperación entre CCAA-provincias, cidades, Universidades e sociedade civil. De maneira particular analizaranse tamén os casos da cooperación descentralizada entre México-China, Brasil-China, dotando ao programa dun marco iberoamericano compartido.
Así as cousas, no programa de tres horas de duración e conducido por Raquel Isamara León de la Rosa (Directora do Observatorio de la Política China) e Daniel González Palau (Director adxunto do Observatorio de la Política China), intervirán especialistas de recoñecido prestixio, como Huiling Luo (UCM), Andrés Herrera (Fundación Qili) Inés Arco (CIDOB) ou Daniel Veras (ALADAA Brasil), así como investigadoras do IGADI-Observatorio de la Política China, como Marola Padín, Diego Sande ou Ignacio Barroso. Como en todos os programas da IGADI TV haberá tempo para a intervención sorpresa de recoñecidas e recoñecidos especialistas.
Se queres ter acceso a un certificado de participación, matricúlate desde a web da UNED-Pontevedra aquí ou escribe a info@igadi.gal.
O proxecto “España-China: Asociación estratégica para el conocimiento mutuo” conta co apoio da Convocatoria 2025 de subvencións en materia de Prioridades da Política Exterior española da Secretaría de Estado de Asuntos Exteriores e Globais, do Ministerio de Asuntos Exteriores, Unión Europea e Cooperación do Goberno de España.
Dispoñible en portugués e castelán o 2º Informe sobre a Política Exterior Feminista e o Pacto do Futuro 2026
A publcación está dispoñible en castelán e portugués.
Ademais do Informe, o proxecto desenvolveu tamén un programa de dúas horas e media de duración na IGADI TV, celebrado o pasado 5 de marzo, que conta xa con máis de 750 visualizacións.
O programa da IGADI TV e o Informe desenvolvéronse grazas a convocatoria de proxectos de Dereitos Humanos do MAEC.
O IGADI ten novo Director, Christoph Schreinmoser
Na Asemblea Xeral, ademais das Contas anuais do ano 2025, aprobouse o documento “Liñas 2026-2031. Desde Galicia, pensar e actuar no mundo” que guiará o traballo do IGADI nos próximos cinco anos, de camiño ao 40 aniversario da entidade. Reforzar a utilidade pública e o impacto galego e internacional do IGADI, son eixos estruturais da nova proposta, aprobada por unanimidade pola Asemblea Xeral.
Pola súa banda, Daniel González Palau, Presidente e Director do IGADI desde o 2017, agradeceu as persoas socias, a Rede de investigadoras asociadas do IGADI, así como ás organizacións e persoas colaboradoras coa entidade, o seu apoio durante o seu periodo na Presidencia. Da mesma maneira salientou o seu agradecemento a Christoph Schreinmoser e a Xunta Directiva saínte da Asemblea por dar continuidade ao traballo histórico do IGADI.
O Instituto Galego de Análise e Documentación Internacional (IGADI) é o think tank galego de referencia en análise internacional, acción exterior e estudos estratéxicos, cunha traxectoria de máis de trinta e catro anos. O IGADI traballa na análise, documentación e promoción da proxección exterior de Galicia, acompañando institucións públicas, empresas e cidadanía na comprensión dos grandes debates globais e no posicionamento de Galicia no contexto internacional. O IGADI fai parte dos órgaos consultivos da Xunta de Galicia, Consello Galego de Acción Exterior e Observatorio da Lusofonía Paz Andrade.
Análise e actualidade
Liñas de investigación 7676
Apartados xeográficos 7676
- ARQUIVO 4322
- China e o mundo chinés 1917
- Latinoamérica 1074
- Europa 958
- Outros 725
- Oriente Medio 577
- Acción exterior de Galicia 471
- Estados Unidos 465
- Asia 379
- África 329
- Rusia 223
- Balcáns 164
- Península Coreana 119
- Nacionalismos 101
- Cooperación ao desenvolvemento 48
A información sobre a realidade nacional e internacional na túa caixa de correo
A newsletter do IGADI infórmate de todas as novos contidos na nosa web
Galicia e España ante a Axenda Von der Leyen II: competitividade, transición verde e involución autonómica
Gaza, xenocidio e “proceso de paz”: balance de 2025 e perspectivas para o 2026
Efecto Bruxelas? A encrucillada da normativa da IA no mundo: 7. Europa (II) Reino Unido: fóra da UE, dentro do xogo
España-China o 23 de abril na IGADI TV: Falaremos da viaxe do Presidente da Xunta?
Perspectivas da economía mundial e Galicia para 2026
Tres candidatos e un país en suspenso - 1ª volta nas eleccións presidenciais do Perú
Rede IGADI
López-López, Paulo Carlos
Figueiras, Xosé Manuel
Sande Veiga, Diego
Rivera Ortiz, Ángel Israel
