Últimas noticias
A 3ª edición de “A Unión Europea desde unha perspectiva Glocal” explora o Futuro: goberno multinivel, autonomía estratéxica e relacións con Iberoamérica
Despois de explorar as bases dos significados da UE como un actor internacional glocal (1ª edición 2024) e o legado de catro décadas de presenza de España na construción da UE Glocal (2ª edición 2025), na terceira edición será o momento de facer balance e ollar cara ao futuro: Que papel xoga a Unión Europea nun mundo en transformación? Como poden as nosas cidades e rexións participar dos novos rumbos de Bruxelas? Cal é a natureza da UE Glocal cando ollamos ao futuro de maneira estratéxica?
Para dar resposta o IGADI desenvolve a 3ª edición do proxecto entre os meses de agosto e setembro deste 2026, contando coa participación de investigadores asociados ao proxecto nas passadas edicións xunto a destacadas incorporacións. Nun equipo coordenado por Serafín Pazos, Patricia Coloret e Daniel González Palau, xunto a un equipo de primeiro nivel, a terceira monografia sobre a UE Glocal, así como o programa do 29 de setembro na IGADI TV, terán unha atención especial as relacións entre a UE e Latinoamérica, no marco da XXX Conferencia Iberoamericana, que se celebrará en Madrid o 4 e 5 de novembro.
Para participar no programa de TV e preguntar en directo as nosas expertas será necesaria a inscrición previa na plataforma da UNED, que dará dereito a un certificado de participación. Coñece o programa a fondo, incríbete e fai parte da 3ª edición da Unión Europea con perspectiva Glocal.
Para calquera consulta podes escribir a info@igadi.gal
O Tempo Exterior 52 pecha a etapa de Celso Cancela na dirección da revista e abre unha nova xeira con Diego Sande
Coordenado por Diego Sande Veiga, profesor do Departamento de Organización de Empresas e Comercialización da Universidade de Santiago de Compostela, co-director do Diploma de Especialista Universitario en Economía e Política China e coordenador da Liña de análise en Economía do IGADI, o monográfico pon o foco en economías e procesos que adoitan permanecer afastados dos principais focos mediáticos.
Os artigos analizan casos como Bosnia e Hercegovina, Taiwán, a lusofonía e o Perú —ao que se dedican dúas contribucións—, ofrecendo unha visión plural sobre os retos e as oportunidades de desenvolvemento destes espazos. O conxunto evidencia a necesidade de incorporar estas realidades ao debate académico e á comprensión da economía internacional desde Galicia. Podes descarregar o número desde esta ligazón.
Este número marca o remate da etapa de Celso Cancela, profesor de Ciencia Política da Universidade de Vigo, á fronte da dirección da revista. Desde xaneiro de 2020 impulsou a consolidación do perfil académico de Tempo Exterior, coordinando trece números monográficos semestrais (do nº 40 ao nº 52), promovendo a implantación do portal Open Journal Systems (OJS) e impulsando a renovación da identidade gráfica da publicación.
A partir deste número, Diego Sande Veiga asumirá a dirección da revista. O novo director traballa xa na renovación do equipo editorial co obxectivo de abrir unha nova etapa para unha publicación que forma parte da traxectoria do IGADI, fundada por Xulio Ríos desde os seus inicios na década de 1990 e que, no seu formato actual, se publica desde o ano 2000.
A publicación contou neste número co apoio publicitario do Concello de Pontevedra.
Nacións Unidas, China e o futuro da gobernanza mundial no Plan 2026 do Campus Industrial de Ferrol e o IGADI
O curso “As Nacións Unidas no mundo do S.XXI: gobernanza global, Axenda 2030 e papel de Asia” desenvolverase en tres sesións de dúas horas de duración cada unha (mércores 7, 14 e 21 de outubro de 2026, entre as 18h e as 20h) e as Xornadas abertas “Ferrol no mundo do S.XXI” (mércores 28 de outubro, 16h-20h) que na súa cuarta edición terán por tema “O diálogo Oriente-Occidente e a gobernanza mundial en transformación”.
O Curso que contará coa participación de Leticia Álvarez Reguera (Responsable de Comunicación da ONU para España e Andorra) está aberto á comunidade da UDC e á participación dos axentes económicos, institucionais e socioculturais de Ferrol e a comarca, así como á cidadanía en xeral.
As prazas son limitadas. Pode inscribirse desde esta ligazón. O IGADI emitirá un certificado de asistencia ao alumnado que completase as 10 horas de duración do curso. Para calquera dúbida ou suxerencia pode dirixirse a info@igadi.gal
As Nacións Unidas no mundo do S.XXI: gobernanza global, Axenda 2030 e papel de Asia
| Mércores 7 de outubro, 18h-20h | Contidos |
| Sesión 1: O sistema das Nacións Unidas nun mundo multipolar: o papel do Sur Global Imparte: Christoph Schreinmoser (IGADI) | Evolución histórica da ONU, Transformación da gobernanza global, Crecente peso do Sur Global, Papel de Asia e China nas institucións multilaterais, Reformas e debates sobre o sistema internacional |
| Mércores 14 de outubro, 18h-20h | Contidos |
| Sesión 2: Axenda 2030 e gobernanza global do desenvolvemento sustentábel Imparte: Daniel González Palau (IGADI) | Orixe sistema ONU e historia e desenvolvemento Axenda 2030-ODS, O Pacto do Futuro, Papel de China e países emerxentes no desenvolvemento global… |
| Mércores 20 de outubro, 18h-20h | Contidos |
| Sesión 3: Traballar nas Nacións Unidas e nas organizacións internacionais Imparte: Leticia Álvarez Reguera (Responsable de Comunicación da ONU para España e Andorra) | Estrutura do sistema ONU, Axencias e organismos, Perfís profesionais, Programas de prácticas e carreiras, Experiencias profesionais |
| Mércores 28 de outubro, 16h-20h | |
| 4ª Xornada “Ferrol no mundo do S.XXI: O diálogo Oriente-Occidente e a gobernanza mundial en transformación” Relatores por confirmar | |
A 3ª edición do Maratón de Galeguidades dará a volta ao mundo coa diáspora galega o próximo 24 de xullo
O telemaratón combinará conexións con centros e asociacións galegas de Europa, América e o Indopacífico, xunto a episodios temáticos. A Irmandade Galega de Venezuela, o Centro Galego de Barcelona ou as Asociacións de galegos de Australia e Irlanda xa confirmaron a súa participación en directo.
Xunto a eles, o Maratón incorpora unha serie de episodios de autor coordinados por iniciativas nacidas coa dixitalización e a expansión das redes sociais, espazos que favoreceron novas maneiras de asociacionismo galego na emigración e de conexión cotiá con Galicia. Xustamente cando o debate sobre o Pacto pola Lingua sitúa o foco no galego dos espazos dixitais e na poboación de fóra do país, o Maratón dálle altofalante a esas iniciativas: episodios especiais de Orgullo Galego (a maior comunidade galega en internet), o Festival Emigrason de Bruxelas, o creador de contidos en galego Olaxonmario, a plataforma de podcast Podgalego ou o xornalista de videoxogos e profesor da Universidade de Vigo, Ramón Méndez.
O Maratón de Galeguidades 2026 completarase coas Pausas de Hidratación, nas que, ademais de dar seguimento ao impacto do Maratón nas redes sociais e ao concurso dunha edición especial de 25 libros do IGADI “Ano Castelao: Buenos Aires, Quilómetro cero”, conectarase con influencers e personaxes da vida social, política e cultural de Galica, que por medio de entrevistas rápidas, achegarán a súa ollada sobre o impacto da emigración en Galicia e nas súas vidas.
A data escollida, o venres 24 de xullo, na véspera do Día de Galicia, quere dotar de contidos a relación de onte e de hoxe de Galicia coa súa emigración. Faino nun ano no que a relación de Galicia coas súas comunidades no exterior volve ao centro do debate público e cun intenso calendario electoral en América Latina. Especialmente no contexto do próximo XIV Pleno do Consello de Comunidades Galegas (trienal) celebrarase no Brasil o 11 e 12 de novembro.
Nun curso político de axenda internacional convulsa e cunha Galicia que proxecta cada vez máis a súa mirada cara ao Indo-Pacífico, o IGADI define o Maratón de Galeguidades da Deputación da Coruña como un exercicio de intelixencia colectiva e diplomacia pública para poñer en valor a diáspora galega como ferramenta de proxección internacional de Galicia.
Pode consultar toda a información na web galeguidades.hub.gal. Ligazón co Maratón de Galeguidades na IGADI TV.
Para consultas ou entrevistas pode contactar con comunicacion@igadi.gal
A edición do próximo venres 24 de xullo bebe do 1º Maratón de Galeguidades no 2024, no que realizamos conexións con 27 países dos 5 continentes, así como da 2ª edición do 2025, cando realizamos 14 episodios temáticos, preguntándonos como conectar mellor a Galicia territorial coa Galicia exterior: música, economía, redes sociais, ciencia, cultura…
Análise e actualidade
Liñas de investigación 7754
Apartados xeográficos 7754
- ARQUIVO 4322
- China e o mundo chinés 1922
- Latinoamérica 1078
- Europa 975
- Outros 729
- Oriente Medio 581
- Acción exterior de Galicia 491
- Estados Unidos 469
- Asia 380
- África 330
- Rusia 225
- Balcáns 165
- Península Coreana 119
- Nacionalismos 101
- Cooperación ao desenvolvemento 54
A información sobre a realidade nacional e internacional na túa caixa de correo
A newsletter do IGADI infórmate de todas as novos contidos na nosa web
Unha estratexia institucional Galicia-China da man de Pepe Castedo
Turkmenistán, Irán y la Guerra del Golfo 2026
Canto custa socialmente a corrupción?
A independencia de Ucraína: 35 anos superando decepcións
Mortadelo e Filemón ao volante
Innovar, en que?
Rede IGADI
Álvarez Quintáns, Sara
Lois González, Rubén C.
Pazos Vidal, Serafín
Peruzzotti, Enrique
García Nespereira, Alberte
Romanov, Oleksiy
