Últimas noticias
Presentamos “Os estudos chinos en Iberoamérica no século XXI” o próximo 15 de xullo
O próximo mércores 15 de xullo, ás 17:00 horas en Galicia-España (9:00 h en México), celebrarase a presentación do volume nunha sesión en liña a través de Zoom. O acto contará coa participación en directo de Raquel Isamara León de la Rosa e Francisco Haro, asesor emérito do Observatorio da Política Chinesa, quen conversarán con Daniel González Palau e co público asistente sobre os principais contidos e achegas da obra.
Para asistir á presentación é necesario rexistrarse previamente a través da seguinte ligazón.
Xa en marcha a 2ª edición do Diploma en Economía e Política China da USC
Dirixido por Diego Sande Veiga (secretario do IGADI) e Rubén Lois, o programa reúne un equipo docente multidisciplinar e internacional. O Instituto Galego de Análise e Documentación Internacional (IGADI) e o Observatorio da Política China colaboran coa iniciativa.
O diploma impártese integramente en modalidade en liña, o que facilita a participación de persoas tituladas e profesionais en activo. As persoas interesadas poden realizar a preinscrición ata o 30 de xullo a través da páxina web da Universidade de Santiago de Compostela.
Para máis información sobre o posgrao, pódese contactar co curso no enderezo electrónico: econpol.china@usc.es.
Unímonos ao Día das Letras galegas co Informe Nós No Mundo 25-26: Acción exterior de Galicia nun sistema internacional inestable
Nun contexto global de incerteza, marcado pola fragmentación xeopolítica e a crecente competencia entre grandes potencias, o Informe reflexiona sobre o estado actual e o futuro da Acción Exterior de Galicia. Para esta misión, nesta edición número 17, convidamos á participación das entidades presentes no Consello Galego de Acción Exterior e no Observatorio da Lusofonía Paz Andrade, órgaos consultivos da Xunta de Galicia presentes na Lei 10/2021, de 9 de marzo de Acción Exterior de Galicia e cooperación ao desenvolvemento.
Desta maneira, no Informe Nós No Mundo 25-26, contamos con análises desde a Confederación de Empresarios de Galicia, a Real Academia Galega, a Universidade da Coruña, a Universidade de Vigo, ou entidades como Ponte nas Ondas, a AGAL ou Docentes de Portugués na Galiza, con status de observadores consultivos na UNESCO e na Comunidade de Países de Lingua Portuguesa (CPLP).
O volume inclúe tamén achegas de investigadores asociados do IGADI e dúas reflexións estratéxicas asinadas polo director do IGADI, Christoph Schreinmoser, e polo fundador e presidente de honra, Xulio Ríos.
O IGADI agradece especialmente a colaboración das persoas e entidades participantes e o apoio continuado da Secretaría Xeral da Lingua durante estes 17 anos.
Podes descarregar o Informe Nós No Mundo 25-26 desde esta ligazón, así como consultar o histórico do Informe Nós No Mundo aquí.
O IGADI-Observatorio de la Política China lanza un informe estratéxico para mellorar o coñecemento mutuo entre España e China
A publicación “España-China: Asociación estratégica para el conocimiento mutuo” coordinada por Daniel González Palau e Raquel Isamara León de la Rosa, analiza como os actores subestatais se converteron en actores cada vez máis relevantes da relación bilateral, sendo axentes tractores e estruturais da mesma. A obra analiza o impacto da Asociación Estratéxica Integral España-China desde o 2005, así como a actualidade do Plan de Acción España-China 2025-2028, que busca elevar a relación bilateral tras décadas de amizade e crecemento exponencial.
O informe, que conta con destacadas analistas, ofrece unha visión panorámica xeral da cooperación descentralizada entre China e España, ademais de estudos de caso de comunidades como Cataluña e Navarra. Ademáis, distintos artigos achéganse ás pontes que xeran as conexións universitarias, os think tanks ou a sociedade civil. Finalmente, a publicación explora as potencialidades da triangulación co mundo iberoamericano, incorporando estudos de caso sobre a cooperación descentralizada entre México e China ou Brasil e China, así como o papel de Macau.
A publicación pode descargarse de balde desde a seguinte ligazón.
O proxecto “España-China: Asociación estratégica para el conocimiento mutuo” conta co apoio da Convocatoria 2025 de subvencións en materia de Prioridades da Política Exterior española da Secretaría de Estado de Asuntos Exteriores e Globais, do Ministerio de Asuntos Exteriores, Unión Europea e Cooperación do Goberno de España.
Análise e actualidade
Liñas de investigación 7741
Apartados xeográficos 7741
- ARQUIVO 4322
- China e o mundo chinés 1921
- Latinoamérica 1077
- Europa 973
- Outros 729
- Oriente Medio 581
- Acción exterior de Galicia 486
- Estados Unidos 469
- Asia 380
- África 330
- Rusia 224
- Balcáns 165
- Península Coreana 119
- Nacionalismos 101
- Cooperación ao desenvolvemento 54
A información sobre a realidade nacional e internacional na túa caixa de correo
A newsletter do IGADI infórmate de todas as novos contidos na nosa web
De Don Ramón a Don Plácido
Ponte nas Ondas: Un modelo como proxección
A histórica participação de Cabo Verde na Copa do Mundo 2026
O sinuoso camiño de Ucraína cara á UE: Entre o rigor técnico de Bruxelas, as tensións bélicas e a deriva autocrática de Kíiv
Especial Novas Cidadanías: Votar e moito máis (IV) Arturo Lezcano reivindica o dereito dos galegos de América a que se recoñeza a súa historia e o seu protagonismo na construción da Galicia presente e futura
Medio país fronte a medio país – 2ª volta nas eleccións presidenciais do Perú
Rede IGADI
Antunes, Ricardo
Barroso, Ignacio
Trillo Abarca, Alberto
Pastoriza Rozas, Xosé Luís
Pazos Vidal, Serafín
Balsa, David
