Unión Europea : Liña de investigación

A Unión Europea ten un impacto directo na autonomía galega desde a Adhesión en 1986. A maioría das políticas públicas e lexislación de competencia autonómica (medio ambiente, contratación pública, pesca e agricultura, transportes, etc.) teñen a súa orixe na lexislación comunitaria. A UE é tamén a principal fonte de fondos de investimento da autonomía galega: desde a entrada nas comunidades europeas, Galicia ten  sido o quinto maior receptor de Fondos Estruturais, totalizando o equivalente a un orzamento e medio da Xunta de Galicia. 

A Liña de Investigación en Unión Europea  do IGADI ten por tanto un carácter interdisciplinario e complementario coas liñas de investigación de paradiplomacia e economía. Igualmente se ben prioriza unha perspectiva galega no proceso de integración europea, acollerá tamén aportacións sobre este tema desde outros territorios e perspectivas. 

Coordinador: Serafín Pazos Vidal 

EUC 20YEARS EN LOGO RGB RZ 1

Celebrando 20 anos: Desafíos e fitos na ampliación da UE e a problemática kurda en Turquía

Espiñeira, Tamara
Liñas de investigación Relacións Internacionais Unión Europea
Apartados xeográficos Europa

A aproximación da Unión Europea (UE) á expansión é semellante a un estratéxico xogo de xadrez, influíndo profundamente nas súas dinámicas políticas e relacións con países veciños. Fai dúas décadas, a UE celebrou unha expansión histórica en 2004, un momento que redefiniu a traxectoria do bloque. Porén, as complexidades da ampliación da UE implican moito máis que simplemente dar a benvida a novos membros; require unha rigorosa avaliación contra criterios ben establecidos. Esta semana, ao conmemorar o vixésimo aniversario desa expansión crucial, é esencial unha reflexión profunda sobre os intricados criterios e desafíos enfrontados durante o proceso de ampliación. De especial interese é o “criterio político”, especialmente en relación coa candidatura de Turquía naquela época.

cimeirauegranada2023

Balance da Presidencia Española da UE 2023: máis histórica ca mitigada, pero menos imprescincible do que se pensa

Pazos Vidal, Serafín
Liñas de investigación Relacións Internacionais Unión Europea
Apartados xeográficos Europa

Como dixo Rubalcaba no seu día, en España entérrase moi ben, mais o que mellor sabe facer é recibir moi ben. 85 millóns de turistas ao ano aválano. Cando as folgas estudantís de Chile levaron a trasladar o megacongreso que é o cumio do Clima de Santiago de Chile ao IFEMA de Madrid en apenas unas semanas, España acolleu a COP25 sen despeitearse. Así,  o espectáculo musical-gastronómico para líderes europeos na Alhambra foi alcumado polos asistentes unha  “Gran nada”, pois  pouco saíu dalí sobre o futuro de Europa que era o obxecto da cimeira.

Fotovoltaica

A revolución fotovoltaica en Galicia virá de Europa

Sande Veiga, Diego
Liñas de investigación Economía Unión Europea
Apartados xeográficos Europa

Segundo informa o Parlamento Europeo, tres cuartas partes das emisións de gases de efecto invernadoiro da UE débense ao sector da enerxía, que envolve á produción de electricidade, de calor, e ao seu transporte. Por este motivo, e para acadar o obxectivo de neutralidade climática da UE para 2050, acelerar a implantación das enerxías renovables é un factor clave para reducir as emisións do sector eléctrico e avanzar na estratexia “verde” europea. Ademais, a escalada da guerra na Ucraína acelerou a necesidade de desconexión europea das enerxías fósiles, tanto pola “recomendación” da OTAN de non contratar co veciño ruso como polo encarecemento  enerxético froito das compras de gas natural licuado estadounidense.  

25abril

Entrevista en Radio Líder a Daniel González Palau arredor do 50 aniversario do 25 de abril

González Palau, Daniel
Liñas de investigación Paradiplomacia Unión Europea Observatorio Galego da Lusofonía
Apartados xeográficos Europa Acción exterior de Galicia

O xornalista Fernando González Macías de Radio Líder entrevistou no programa Al Día, ao Director do IGADI, Daniel González Palau, no marco do 50 aniversario da Revolución dos Cravos (pincha na ligazón para escoitala). https://go.ivoox.com/rf/128039466

ods Wheel Transparent

A Agenda 2030 em Portugal e a cooperação UE-China

Casqueira Cardoso, João
Liñas de investigación Cooperación Internacional e Axenda 2030 Unión Europea Observatorio Galego da Lusofonía
Apartados xeográficos Europa

A 25 de setembro de 2015, em Nova Iorque, a Cimeira das Nações Unidas proclamou a vigência de uma nova agenda ambiciosa, centrada nos chamados cinco P’s: no planeta, na prosperidade, na paz, nas pessoas e nas parcerias. Transforming our world: the 2030 Agenda for Sustainable Development, mais comumente intitulada de Objetivos de Desenvolvimento Sustentável 2015–2030 (ODS), visa o alcance de todos os 17 objetivos previstos na resolução A/RES/70/1 e respetivas 169 metas “integradas e indivisíveis” (UN General Assembly, 2015).

Sande Veiga, Diego

O Secretario do IGADI, Diego Sande, gaña o XXVI Premio Colmeiro da EGAP

O Premio Manuel Colmeiro convócase pola Escola Galega de Administración Pública para destacar traballos de investigación que teñan como obxecto a Administración pública de Galicia. Nesta ocasión premiou o traballo de Diego Sande “As políticas rexionais de innovación empresarial en Galiza. Análise de resultados no tecido produtivo a través do fondo tecnolóxico”.

eleccions 2024 xunta de gal

Prioridades da Acción Exterior galega logo do 18F

Pazos Vidal, Serafín
Liñas de investigación Paradiplomacia Unión Europea
Apartados xeográficos Acción exterior de Galicia

Estamos nunha campaña que malia catro lexislaturas monocores e os esforzos da oposición por reactivarse a paso rápido argumentando unha alternativa aínda por conformar non se apreciaban nas recentes ceas de Nadal o que se chama tensión electoral. En todo caso a labor fundacional do IGADI de analizar e avogar por unha decidida acción galega no exterior continúa e como non podía deixar de ser o caso tamén o faremos desta volta.

samoa

Acordo de Samoa

Moreno Cidrás, Adrián Manuel
Liñas de investigación Cooperación Internacional e Axenda 2030 Unión Europea
Apartados xeográficos Europa

Logo dun periplo de cinco anos de negociación, a mediados do mes pasado asinouse o Acordo de Samoa, un texto xurídico de alcance global que dará cobertura xurídica durante os próximos 20 anos á cooperación da Unión Europea cos países dos bloques rexionais de Africa, o Pacífico e o Caribe, os chamados países ACP, arredor de temas coma os dereitos humanos, democracia e gobernanza, paz e seguridade, desenvolvemento humano e social, crecemento, desenvolvemento económico sostible, inclusivo e medioambiental, ademais de cambio climático, migracións e mobilidade.