Unión Europea : Liña de investigación

A Unión Europea ten un impacto directo na autonomía galega desde a Adhesión en 1986. A maioría das políticas públicas e lexislación de competencia autonómica (medio ambiente, contratación pública, pesca e agricultura, transportes, etc.) teñen a súa orixe na lexislación comunitaria. A UE é tamén a principal fonte de fondos de investimento da autonomía galega: desde a entrada nas comunidades europeas, Galicia ten  sido o quinto maior receptor de Fondos Estruturais, totalizando o equivalente a un orzamento e medio da Xunta de Galicia. 

A Liña de Investigación en Unión Europea  do IGADI ten por tanto un carácter interdisciplinario e complementario coas liñas de investigación de paradiplomacia e economía. Igualmente se ben prioriza unha perspectiva galega no proceso de integración europea, acollerá tamén aportacións sobre este tema desde outros territorios e perspectivas. 

Coordinador: Serafín Pazos Vidal 

hablamosdeeuropa programaueglocalcastelan

Falamos de Europa desde Aquí: Investigación e programa na IGADI TV sobre a Unión Europea como organización internacional Glocal

Grazas á Convocatoria para a celebración de accións de comunicación e actividades divulgativas 2024 da Secretaría de Estado da Unión Europea (Ministerio de Asuntos Exteriores, Unión Europea e Cooperación), o proxecto impulsa un Ciclo de Conferencias en forma de programa de tv online. Producirase unha publicación final que desde o galego será traducida ao castelán e ao inglés.

summit of the future

O Cumio do Futuro e a reforma das Nacións Unidas

González Palau, Daniel
Liñas de investigación Relacións Internacionais Cooperación Internacional e Axenda 2030 Unión Europea
Apartados xeográficos Europa Acción exterior de Galicia Cooperación ao desenvolvemento

En xaneiro do 2024, durante o o Terceiro Cumio do Sur en Kampala (Uganda), António Guterres, Secretario Xeral das Nacións Unidas (NNUU), reuniuse cos líderes do G77 e nel apelou a que deben ser eles, os países emerxentes e en desenvolvemento, os que deben liderar os esforzos para reformar as institucións e marcos internacionais obsoletos. Os países membros do G77 representan o 80% da poboación do planeta.

Retrato do Primeiro Ministro Rishi Sunak Wikimedia, Prime Minister's Office

Que pasará nas eleicións do Reino Unido?

Barro Muñoz-Ortiz, María Teresa
Liñas de investigación Relacións Internacionais Unión Europea
Apartados xeográficos Europa

Ninguén esperaba que estas eleicións se convocaran agora, no vran, dado que o goberno Conservador non ten nada que festexar e que o Primeiro Ministro, Rishi Sunak, é do mais impopular. Din que o Sunak as convocou sen consultar con ninguén. Sería por medo a que o seu partido, de puro desespero, escollera a outro para remprazalo?

IGADI PALESTINA A traxedia permanente Presentacion 1x1 b

Galicia-Palestina, unha irmandade incesante: Bichara Khader, profesor emerito da Universidade Católica de Lovaina e experto en cuestión euro-árabes, visita Santiago de Compostela o 25 de xuño

As actividades enmárcanse no Irmandamento do ano 2002 entre Santiago de Compostela e Belén (Palestina-Cisxordania) e o lanzamento da publicación “Palestina: A traxedia permanente (1948-2024). Unha chamada para espertar Europa” que o Instituto Galego de Análise e Documentación Internacional (IGADI) publicou en galego o 17 de maio, Día das Letras 2024 adicado a Luisa Villalta.

Fonte: Wikimedia

Eleccións lexislativas de Francia: Os riscos das eleccións máis próximas a uns xogos olímpicos no último seculo

Álvarez Ares, Marta
Liñas de investigación Relacións Internacionais Unión Europea
Apartados xeográficos Europa

Francia acudirá ás urnas a menos de tres semanas da Cerimonia de Inauguración dos Xogos Olímpicos de París 2024. Isto é un feito histórico, sendo a ocasión que máis preto
coinciden uns comicios do evento de verán en 100 anos, dende que se solaparan co transcurso do torneo, casualmente no mesmo país, en París 1924. Porén, a magnitude do
evento deportivo actual non ten nada que ver con aquel, aínda amateur. Súmase, por tanto, un reto máis á cita Olímpica que, a pesares de que non debería afectar en termos organizativos, é moi probable que teñan impactos significativos na promoción dos Xogos e o turismo, na mobilización social, ou na súa imaxe e lexitimidade no exterior.

O debate da produtividade dos Fondos Europeos

Sande Veiga, Diego
Liñas de investigación Economía Unión Europea
Apartados xeográficos Europa

A entrada na UE supuxo un fito con acentuadas repercusións económicas para a nosa autonomía. Imbuídos nun proceso de construción neoliberal, cuxa esencia mesma xa apenas ocupa espazo no debate público, o certo é que a libre circulación de persoas e capitais trouxo algúns beneficios aparellados. Entre eles, o desenvolvemento e expansión de determinados sectores (no caso español o turismo, transportes, etc.) e, sobre todo, o fortalecemento das relacións comerciais comunitarias. Estas últimas representan hoxe en día arredor do 70% das exportacións totais da nosa economía, tendo Francia e Portugal un papel preponderante como destino.