Artigos de opinión e análise relacionados con Latinoamérica
Keiko Fujimori chega á presidencia na súa cuarta tentativa cunha vantaxe de menos de tres décimas de punto, nun país dividido case á metade e cun Congreso bicameral que estrea regras pensadas para frear o ciclo de destitucións.
Medio país fronte a medio país – 2ª volta nas eleccións presidenciais do Perú Ler máis »
Lennox Philip naceu o 19 de outubro de 1941 nun suburbio de Porto España, a capital do estado caribeño de Trinidade e Tobago (en diante T.T.). Este ex policía, cando un predicador exipcio visitou o país en 1969, converteuse nun dos primeiros conversos ao islam en T.T. A partir da década de 1970, xa baixo o nome de Yasin Abu Bakr, pasou anos en Libia como hóspede do coronel Gadafi, quen por aquel entón alentaba aos activistas musulmáns de todo o mundo. Logo regresou ao seu país e fundou a súa propia organización, Jamaat-al-Muslimeen, ou Partido dos Musulmáns.
Fenomenoloxía xihadista no complexo panorama securitario de Trinidade e Tobago Ler máis »
O 31 de maio, máis de vinte e tres millóns e medio de colombianos acudiron ás urnas nunha xornada que rexistrou a participación máis alta para unha primeira volta presidencial no que vai de século (Infobae, 2026a). O resultado deixou un escenario de forte polarización para a segunda volta: o avogado e empresario Abelardo de la Espriella, un outsider da dereita radical, e o senador Iván Cepeda, herdeiro político do presidente Gustavo Petro, enfrontaranse o 21 de xuño pola Presidencia da República.
A batalla polo legado de Petro – 1º volta das eleccións presidencias de Colombia Ler máis »
Imaxina un país no que, nos últimos dez anos, oito persoas diferentes ocuparon a presidencia. Non por mortes, nin por revolucións senón por vacancias, renuncias forzadas, autogolpes de Estado e crisis institucionais nun bucle que semella estar no día da marmota. Ese país non hai que imaxinalo porque é o Perú. E, a pregunta que estaba no aire o pasado domingo 12 de abril, non era tanto quen pasaría a 2ª volta, senón se o sistema democrático por fin sería capaz de producir un presidente que realmente puidera gobernar ante un abanico de máis de 35 candidatos.
Tres candidatos e un país en suspenso – 1ª volta nas eleccións presidenciais do Perú Ler máis »
Hugo Javier Freitas é historiador e profesor de Historia en Bos Aires (Arxentina), especializado nos procesos migratorios entre Europa e o Río da Prata entre finais do século XIX e comezos do século XX. O seu traballo combina investigación en arquivos civís e parroquiais de España, Croacia, Arxentina e Uruguai, cunha escrita narrativa orientada a un público amplo. Participou no III Premio Memoria da Emigración Española (UNED Zamora), onde o seu traballo As partidas de Jesús foi seleccionado e publicado no volume oficial do certame. Nos últimos anos desenvolve unha liña de investigación centrada na relación entre memoria familiar, identidade e experiencia migratoria, con especial atención á emigración galega. O seu libro Raíces nas augas atópase recentemente publicado en Galicia e conta cunha edición en lingua alemá actualmente en proceso de publicación.
Fronte á cautela —ou mesmo ao retroceso— observable en América do Norte, América Latina preséntase como un espazo particularmente receptivo aos estándares europeos en materia de gobernanza da IA. A combinación dunha forte tradición constitucional en dereitos fundamentais e dunha crecente preocupación polos impactos sociais da IA propiciou respostas normativas que, en certos casos, non só reproducen o modelo europeo, senón que o intensifican ou reinterpretan desde categorías xurídicas propias.
Venezuela leva anos sen poder celebrar nada xunta. A crise económica, o exilio de millóns de persoas, a captura de Maduro en xaneiro, cada acontecemento dos últimos tempos abriu aínda mais unha fractura que parecía xa insalvable. O 17 de marzo de 2026 foi a excepción. Unha vitoria 3-2 ante os Estados Unidos na final do World Baseball Classic parou o país durante catro horas. Non é pouco, cando un país leva anos sen pararse por nada bo.
Béisbol e identidade. Venezuela máis aló da política. Ler máis »
No marco da segunda edición do proxecto “A Política Exterior Feminista e o Pacto do Futuro” o pasado 5 de marzo tivemos un programa especial de máis de dúas horas e media de duración na IGADI TV. No programa, presentado por Patricia Coloret, Elisabet Golerons e Daniel González Palau, participaron María Solanas, Manuela Mesa e
A Política Exterior Feminista na IGADI TV Ler máis »
As eleccións xerais en Costa Rica marcaron o fin do excepcionalismo democrático do país. O triunfo de Laura Fernández consolidou un discurso de “man dura” fronte a unha crise de seguridade sen precedentes e unha profunda desigualdade territorial. Este proceso electoral revela unha nación fracturada que, entre a apatía e o medo, decidiu romper co seu pasado bipartidista para estreitar entre os brazos un modelo de confrontación institucional.
Costa Rica na encrucillada: O futuro do país tras as eleccións xerais de 2026 Ler máis »
Durante todo o ano 2025, desde a súa toma de pose o 20 de xaneiro, Donald Trump dominou as axendas políticas mundiais, multiplicando temas e accións concretas. Das primeiras ameazas directas a México, Panamá ou Dinamarca, pasou á guerra arancelaria global e ás humillacións públicas á Unión Europea e a Ucraína. Todo este furacán estivo ademais acompañado dunha retórica filorracista á hora de referirse aos países africanos, ás migracións ou ao futuro destino turístico de Gaza.
Trump, Venezuela e o novo mundo en directo Ler máis »
