Últimas noticias
A 4ª edición de “A Coruña Global” volta a DOMUS da man de Yolanda Castaño e Touriñán
Touriñán únese á condución do espectáculo a Yolanda Castaño, que xa foi a presentadora da Gala no 2023.
O evento enténdese como un espazo mixto entre o espectáculo e a reflexión colectiva, para entender os fíos que tecen as conexións da Coruña co mundo do S.XXI. Desta maneira, a actividade contará coa participación presencial e virtual de especialistas na diáspora galega (Arturo Lezcano), cidades globais (Miguel Otero, Real Instituto Elcano) solidariedade (Diego González Rivas), deporte e industria (Sofía Toro)… Haberá grandes sorpresas!
As inscrición son gratuítas e pódense realizar desde a seguinte ligazón.
Todas as actividades enmárcanse no Convenio entre o Concello da Coruña e o IGADI para o ano 2025.
As actividades fan parte do camiño aberto pola Declaración institucional do Pleno do Concello “A Coruña global no mundo do S.XXI” (2019) para reforzar a imaxe internacional e a acción exterior da cidade.
Trala 1ª edición de A Coruña Global, co Ciclo de Coloquios online no ano 2020 e as (2ª ed) Xornadas na Universidade da Coruña do ano 2022, no 2025 dáse continuidade ao formato de Gala estreado no 2023, na 3ª edición de A Coruña Global.
O Observatorio Galego da Lusofonía do IGADI participa no Ciclo de Estudos Europeus da Universidade de Coimbra o 2 de decembro
O próximo martes 2 de decembro, entre as 14h e as 18h, Daniel González Palau (Director do IGADI) e Diego Sande Veiga (Secretario e coordenador da liña de análise en enconomía do IGADI) intervirán por medio de dúas conferencias na Facultade de Letras de Coimbra, centradas na historia da entrada de España na Comunidade de Países de Lingua Portuguesa (CPLP) e as potencialidades dunha maior conexión económica entre Galicia e os países da CPLP.
Coñece o OGALUS dentro da web do IGADI.
Xa dispoñible o Informe Nós no Mundo 2025, o anuario da Acción Exterior de Galicia
Tendo a EGAEX 25-29 como eixo central do anuario, o Informe conta con achegas específicas arredor do desenvolvemento da xestión dos fondos europeos en Galicia, o Ano Castelao, a Lei Paz Andrade, ou até a relación entre a EGAEX e a Estratexia española de Acción Exterior, tamén aprobada durante este 2025.
O Informe componse de 12 textos, contando con achegas institucionais desde distintas Consellerías e departamentos da Xunta de Galicia, o Consello da Cultura de Galicia, as portavocías de Acción Exterior dos partidos políticos maioritarios con presenza no Parlamento, ou destacadas achegas de investigadores asociados do IGADI.
O Informe Nós no Mundo conta co apoio da Secretaría Xeral de Lingua e as achegas desinteresadas de todas as persoas colaboradoras. Podes descarregalo desde aquí.
Visita do Centro Científico e Cultural de Macau a Galicia: unha semana de diálogo e cooperación con Portugal e a lusofonía pensando en China
A visita inclúe encontros con representantes da Xunta de Galicia, as tres universidades galegas e representantes institucionais dos Concellos de Pontevedra, A Coruña, Ferrol e Santiago de Compostela, así como a celebración dunha serie de Obradoiros abertos ao público, que profundizarán nas relacións históricas e contemporáneas entre a Galicia, Portugal, a lusofonía e a China.
Os Obradoiros, de participación aberta mediante inscrición (por medio do seguinte formulario), serán espazos de diálogo entre académicos, estudantes e profesionais interesados na proxección internacional galega e na cooperación UE-China-lusofonía.
As sesións desenvolveranse segundo o seguinte calendario:
- Luns 27 de outubro, Pontevedra (18:30 h): What’s IGADI? (Sede central do IGADI-Centro Cívico Sur, Pontevedra)
- Martes 28 de outubro, A Coruña (17:00 h): Da Lei Paz Andrade ás relacións da Galicia e España coa lusofonía: o caso Macau. (Facultade de Dereito, Universidade da Coruña)
- Mércores 29 de outubro, Ferrol (12:30 h): Chibérica?: As relacións de Portugal e España coa China. (Facultade de Humanidades, Campus Industrial de Ferrol). Tamén nese día, entre as 16:30 e as 20h, a delegación participará nas III Xornadas “Ferrol no mundo do S.XXI: Galicia e China no diálogo Oriente-Occidente”.
- Xoves 30 de outubro, Santiago de Compostela (17:00 h): A UE e a China no S. XXI: a Eurorexión Galicia–Norte de Portugal e Macau. (Paraninfo Facultade de Historia, Universidade de Santiago de Compostela)
- Venres 31 de outubro en Vigo (12:30), Mesa redonda sobre dinámicas de cooperación e redes euro-asiáticas, xunto con axentes institucionais, económicos e sociais galegos. (Centro Camoes de Vigo)
Esta visita constitúe unha oportunidade para visibilizar o papel de Galicia como ponte atlántica e lusófona, así como para estimular a cooperación con Portugal e a lusofonía, para mellorar a conexión académico, cultural e económico con Asia desde a UE.
Análise e actualidade
Liñas de investigación 7607
Apartados xeográficos 7607
- ARQUIVO 4322
- China e o mundo chinés 1912
- Latinoamérica 1065
- Europa 948
- Outros 719
- Oriente Medio 569
- Estados Unidos 458
- Acción exterior de Galicia 456
- Asia 376
- África 327
- Rusia 222
- Balcáns 164
- Península Coreana 119
- Nacionalismos 101
- Cooperación ao desenvolvemento 47
A información sobre a realidade nacional e internacional na túa caixa de correo
A newsletter do IGADI infórmate de todas as novos contidos na nosa web
Como foi a Gala da Coruña Global?
(II) Diáspora: Capital relacional
Barcos made in Galicia: unha industria histórica orientada cara ao exterior
España e Galicia, similitudes e diferenzas na definición estratéxica da Acción Exterior
As pouco estrañas peculiaridades do "proceso de paz" de Trump con respecto a Ucraína
Diáspora (I): O maior activo internacional de Galicia
Rede IGADI
Caramés Leiro, Marta
Lamoso González, Paula
Hui, Wen Hang
Bouzas Arufe, Javier
Figueiras, Xosé Manuel
Lopes Facal, Joám
